ЕХФ воодушевен од Филип Кузмановски

Екипата на Еурофарм Пелистер го запиша и третиот пораз по ред во елитната Лига на шампиони откако синоќа изгуби 36-25 од Висла во Полска. По поразите од ПСЖ во Париз и ГОГ Гудме во Битола ова беше трет загубен дуел за Битолчани. Пелистерци се држеа дваесетина минути но Висла резултатски се одлепи па гостите бркаа приклучок до крајот. Кај Пелистер, Дејан Манасков имаше седум гола, Павле Атанасијевиќ четири, додека Никола Митревски фати девет топки. Филип Кузмановски постигна само два гола од кои едниот беше објавен на страниците на ЕХФ со прашање: „Дали е ова најдобриот шутер во ЛШ“?