Што чудна (фудбалска) земја ќе бевме. Скоро 30 години не можеме да стасаме до пласман на едно Европско, клупскиот фудбал ни е тиња, женскиот како да не постои, а сепак имаме велемајстори. Прво Аце, а сега Наташа и тоа два пати. Директно од корнер.

Езџан Алиоски игра во животна форма под водство на Марсело Биелса. Откако постигна ефектен гол минатото коло, Алиоски денес одново беше прецизен и му донесе на Лидс водство од 0-2 на гостувањето кај Норич.

Вакви легендарни фотки ретко, ама многу ретко се гледаат. Ве потсетуваме на моментот кога Синиша Михајловиќ ги однесе Адриано и Виери на лесковачка во Белград. Повеќе информации за таа ноќ немаме. Се работи за 2004-та година. Бутаа мрснотии со сосови со сè.

Сезоната 2008/2009 беше последна во шпанскиот фудбал пред појавата на вечниот дуел Меси-Роналдо, но ќе се памети по многу нешта. Баш по многу нешта.

Не е лошо кога гледаш наш човек со бројот 10 во Барселона. Кај мажите го носи Меси, кај жените Андонова. Го посрамотија Пардинјес со 9:0 и се пласираа во финалето на шпанскиот куп, а нашата златна девојка постигна три гола и тоа за 13 минути плус нареди две асистенции. Царица е.

Монотонијата со споменици, стари градби и други разни знаменитости во центарот на Торино е разбиена со еден подолг спортски информативен текст на тема фудбал. Се работи за рекордите и успесите на Кристијано Роналдо за кои туристите не мора да гуглаат.

Од страна можеби изгледа како „тешкото“ кое играчите на актуелниот европски првак брзо го совладаа.

Невообичаен резултатски приказ од шведскиот фудбал со најлошите домаќини или најјаките гости на едно место, како сакате. 

Сме виделе куче да пробува да трча по топка без некоја посебна дарба за фудбал, ама овцава комотно може да игра центарфор во некој скромен клуб.

Ќе речеш Норвежани се, не може да бидат ништо посебно во фудбал, ама сепак се многу понапред од нас. Тоа лани го осети на своја кожа Вардар, а синоќа и Шкендија која загуби со идентични 3:1. Исам Џебали од Тунис го даде најатрактивниот гол на мечот, а можеби и на вечерта во плејоф средбите од ЛЕ.

Колку и да ти фали човек за фудбал, некако не ти дава душа пак да го викнеш него. Другарството е најбитно нели? Исто и јајцата. 

Дефинитивно е така. Што може фудбалот ништо не може. Вакви приказни се добар штимунг за игран филм.

За играч од типот на Пол Сколс во Јунајтед се велеше дека може нема секогаш да блеска, ама нема никогаш да промаши натпревар. Кај неговиот наследник или обид за наследник, работава излезе обратно. Во Јуве беше главна карика, а на Олд Трафорд е како изгубен. Музиката на Бени Хил совршено прилега на овој нејасно ужасен настап против Брајтон. Мизерија.

За да можеш да си го дозволиш Кристијано Роналдо не ти се доволни само 100 и кусур милиони за трансфер, туку уште плус многу пари за да му ја дадеш астрономската плата што ја бара, а истовремено никој да не се буни во тим.

На 12 октомври минатата година се одигра дуелот меѓу Јунајтед и Сити, двата гиганти од Манчестер. Победија гостите 1-2 а пред крајот од мечот ги излудеа домашните фудбалери и навивачи.

Спасот на Ренџерс не е чудо, туку пример за тоа како некои прави вредности во фудбалот на крајот победуваат. Шкотскиот клуб вечерва во првиот меч од плејофот за Лига Европа ќе игра против рускиот клуб УФА на својот „Ајброкс“ со цел да се врати во еврокуповите.

Еден од најголемите во историјата, Бразилецот кој го добил прекарот „О’Реј“ (кралот) не постигнал гол после кој со денови се раскажувало за него. Едноставно роден мајстор за фудбал. Генијалец.

Бешикташ - Самсунспор, 1995-та година. Овде не знае човек што е почудно: Голманската среќа, звукот од стативата или второто промашување?

„Неговата биографија треба да се вика Milagrero Жорже Мендеш“, рекол Кристијано Роналдо за неговиот најдобар пријател и менаџер Жорже Мендеш. Milagrero во превод значи чудотворец.

Се сеќавате ли Германија како го стартуваше летово Мундијалот? Со пораз од Мексико 1:0, стрелец Ирвинг Лозано. 22 годишниот Мексиканец синоќа постигна убав гол за својот ПСВ кој славеше над БАТЕ Борисов со 2:3 во плејофот од ЛШ. 

Пења Депортива е клуб од шпанското фудбалско подземје кој ќе игра со екстравагантна опрема во новата сезона. На нивните дресови е дизајниран Буда како диџеј а околу него толпа која танцува.

По големото нетрпение и помпа за Роналдо, Серија А во саботата ги запали моторите во новата сезона 2018/2019. Но со две одложени средби, а според дел од јавноста требаше да се одложат сите, како што беше за Астори.

Нико Ковач успеал да смени многу работи во тренинг базата на германскиот шампион и играчите се навикнале на неговите методи.

Иако до денеска поминаа веќе 14 години, ова е гол што не се брише од меморија. За гледачите на Еуроспорт тоа беше гол на годината, а за Ајакс најубав во историјата на клубот. Тогаш 22 годишниот Златан го постигна на 22 август, а на 31-ви потпиша за Јуве. Безвременско ремек дело на кое вреди да му се одбележува датумот на постигнување, секоја година.