Фудбалер на Манчестер Јунајтед за роденден готвел и собирал пари за бездомници

Без разлика што е голема ѕвезда и може да приушти што сака, скромниот стопер на Јунајтед решил да посвети цел еден ден на хуманитарна работа, да спрема храна за бездомници и да работи волонтерски.

На 22 ноември Крис Смолинг, стандардниот стопер и повремен капитен на Јунајтед, наполнил 29 години. Високиот дефанзивец решил необично да го прослави својот роденден па спремал храна и раздавал на бездомници, а потоа ги миел садовите.

Дента Смолинг собрал 29.000 фунти од донации, коишто ќе ги префрлел во манчестерскиот хуманитарен фонд Barnabus кој се грижи за бездомници христијани.

„Ќе префрлам 29.000 фунти во Barnabus, со цел да им се овозможи убав Божиќ на оние на кои не им тргнало“, напишал Смолинг на својот Твитер.

На 13 декември Смолинг ќе го посети фондот Barnabus каде ќе престојува на Божиќната забава и ќе помага во кујната во пресрет на најрадосниот христијански празник.  Овој фонд вдомува и прехранува околу 600 бездомници секоја недела. Навивачите ширум Англија го поздравуваат потегот на Крис Смолинг кој решил цел еден ден да посвети на волонтерска хуманитарна работа.

23 ноември 2018 - 10:23

Штета ако сте пропуштиле

Трпение, спасение

50 нијанси Саша Греј

Анатомија на Клеш

Сељаци Vs Шупаци