Ефектот од бодрење на 50.000 навивачи на тренинг

На лудилото во аргентинскиот фудбал му нема крај. Бока Јуниорс во очи на реванш средбата од финалето против големиот ривал Ривер Плејт во Копа Либертадорес доби поддршка од 50, да 50.000 навивачи на тренинг. Кога ќе го погледнете овој земјотрес, ама буквално земјотрес, ќе мислите дека мечот е веќе почнат.

Инаку јакото е што надвор пред стадион останале преку 10.000 навивачи за кои немало место на трибините, што значи Бока има премал стадион кој не ги собира сите верни фанови на тренинг, а не па на натпревар, особено на дерби против Ривер.

„Им се извинуваме на навивачите, на оние преку 10.000 кои останаа надвор. Бока немаше мерки за овој тренинг и го направи од отворен тип, но за жал немаше место за сите. Веќе имаше повеќе луѓе од што треба, па дури и скалите ги окупираа.“, изјави претседателот на клубот Даниел Ангеличи.

Иако раководството на клубот првично одлучи да ја отвори Ла Бомбонера за славје во случај Бока утревечер да го подигне трофејот, сепак одлуката ја смениле во последен момент, а образложението е логично. Сакаат тревата и стадионот да останат читави.

🔥 This is the #Boca Juniors fans at their teams open training session before the 2nd leg of the #CopaLibertadores final

S C E N E S

(📹 @ESPNFCarg)#JugamosTodos pic.twitter.com/kX6WG5iKdV
— The Sportsman (@TheSportsman) November 22, 2018