Гигантите Барселона и Бока Јуниорс објавија дека е договорен пријателски меч во декември а натпреварот ќе биде наречен „Куп Марадона“ посветен на првата годишнина од смртта на легендарниот Аргентинец.

Во Јужна Америка им дише мозокот кога треба да се бара правда на фудбалски натпревар, посебно кога има бразилско-аргентинско ривалство. Не се знаеше кој со кого се тепа, а Мархос Рохо зема апарат за гаснење пожар ко да е багабонд, а не фудбалер.

Дајте носилка, спреј за модрици, завој и нешто за смирување. Тренерот на Бока Јуниорс, Мигуел Русо не е во младоста па да му правите вака. Го покосија човекот.

Во 2. коло од новата сезона во Копа Либертадорес (Лига на шампиони за Јужна Америка), Бока Јуниорс со 2-0 го совлада бразилски Сантос. Карлитос Тевез, легендата на аргентинскиот фудбал и на 37 години решета голмани. Го отвори резултатот во 47' минута.

Во финалето на Копа Либертадорес, највредниот турнир во клупскиот фудбал во Јужна Америка, ќе гледаме бразилски дерби дуел: Палмеирас - Сантос.

Аргентина е обединета како никогаш во својата историја. Обединета во болка за својот најголем син - Диего Армандо Марадона. Дури и смртните ривали Бока и Ривер заедно жалат за иконата на светскиот фудбал.

Неверојатна завршница имаше аргентинското првенство. Лидерот Ривер Плејт имаше 2 бода предност во однос на Бока во последните 90 минути од шампионатот, а 3 на две кола до крајот.

Женскиот фудбалски тим на Бока ги совлада противничките од Ривер Плејт со 2:0. Интересно овој меч се одигра без големо присуство на полиција и редар, без огради, со што аргентинските органи на редот сакаа да покажат дека, ете, може да се игра без нереди. Ама на терен не беше така.

„Жена ми Сара ќе се разбудеше сред ноќ и ќе се зачудеше: лежев, гледав во плафонот и не можев да заспијам“, рекол Даниеле Де Роси на прошталната прес-конференција во Аргентина од каде заминува.

Тешко е и да се објасни и да се сфати начинот на кој јужноамериканските навивачи го доживуваат фудбалот, бидејќи приказните и случувањата кои ни доаѓаат од таму, едноставно ги нема на друго место. Погледнете го навивачов на Бока Јуниорс, се изгуби и тоа уште не влезен целосно на Ла Бомбонера.

Безброј пати сме утврдиле дека фудбалската страст на Суперкласико ги надминува сите граници на нормалата, но и покрај тоа што сме се изнагледале клипови и фотки од тоа чудо, не можеш бре да го рипнеш.

Вечните ривали од Буенос Аирес го одиграа првиот меч од полуфиналето на Копа Либертадорес (се сеќавате лани на сагата околу финалето во Мадрид). Ривер славеше со 2-0 и стекна огромна предност пред реваншот на „Бомонера“. Еве како изгледаше „Монументал“ од авион.

На 5 август Олимпик Марсеј го договори 14-милиони евра вредниот трансфер на шпицот Дарио Бенедето од Бока Јуниорс. Бенедето важи за пеколен напаѓач, ама на гостувањето кај Нант така лошо изведе пенал, што топката уште ја бараат надвор на паркинг.

Најголемото трансфер изненадување летово го направи капитенот на Рома, Даниеле Де Роси кој на изненадување на сите потпиша со Бока Јуниорс каде ќе го оствари сонот да игра пред најлудите навивачи на светот.

Одлуката на Рома да не му го продолжи договорот и покрај верните и легендарни 18 години стаж, му се најде за да го почувствува она на што се воодушевувал од мал. Друга прилика веројатно и немаше да има.

Во Гинисовата книга на рекорди има тотално неверојатни подвизи, а она што му се случи на легендарниот аргентински шпиц во 1999-та година ќе се раскажува од колено на колено.

Да е здраво и живо, па да го видиме на истото место за дваесетина години. Бебето-навивач на Бока коешто го фасцинира светот со реакцијата откако влегло на трибините на легендарната „Бомбонера“ во Буенос Аирес.

Пред дербито Ривер - Расинг Клуб, еден навивач на Бока отишол да џогира (намерно или не, не знаеме) во дрес на неговиот омилен клуб и тоа во близина на стадионот „Монументал“. Толку требало за да го нападнат.

Синоќа во аргентинското првенство, Бока поведе 1-0 во 55’ минута. Само четири минути подоцна примија гол за 1-1, но фамозната La 12 не падна туку згрме уште погласно. Неколку секунди подоцна го прославија победничкиот гол на Мауро Зарате.

Дека Аргентинците живеат за фудбал е познато одамна. Доказ за тоа е и еден малечок навивач на Бока Јуниорс кој прави шоу со труба.

Дарио Бенедето му се кривеше на Гонзало Монтиело кога Бока поведе со 1:0 против Ривер во финалето од Копа Либертадорес. Потоа примија три гола, весниците се наполнија со пофални зборови за пресвртот и трофејот, а еден навивач на Ривер Плејт ги листаше на многу јак начин.

Финалето на Копа Либертадорес годинава за последен пат се играше со реванш (два натпревари). Од следната сезона финалето ќе биде организирано како во Лига на шампиони, во еден град од Јужна Америка. За првиот меч 2:2 целиот комшилук во Буенос Аирес се радуваше и тагуваше, а така беше и синоќа.

Фернандо Гаго важи за еден од омилените фудбалери на Бока Јуниорс меѓу навивачите. На времето како голем талент заигра и во Реал Мадрид, но кариерата му се памети само по чести повреди и отсуства од теренот. Синоќа во најважниот меч за секој жив навивач на Ривер и Бока, Гаго влезе во 89’ минута место капитенот Пабло Перез и веднаш ја доби капитенската лента како заменик капитен.

Ривер Плејт и Бока Јуниорс ја потсетија Европа како се игра фудбал со страст и срце. Пред скоро полн „Сантијаго Бернабеу“ во Мадрид „милионерите“ славеа 3:1 и се радуваа на пехарот во Копа Либертадорес.