Вчерашниот меч од руското првенство помеѓу Спартак Москва и Крулиа Советов беше последниот фудбалски натпревар кој се одигра на големиот и познат стадион во Москва. За потребите на Светското фудбалско првенство во 2018 година домаќините решија да го реновираат Лужњики.

Освен по успесите, легендата Алекс Фергусон ќе остане запаметен по неговото константно проверување на часовникот, како и џвакањето на мастика. Еве една таква негова препознатлива ситуација.

И оваа недела уредниците на TVGOLO имале тешка задача за да ги изберат десетте најубави погодоци од изминатите седум денови, а како шлаг на тортата на крајот доаѓа мајсторијата на легендата Анри.

Навивачите на Вест Бромвич Албион очигледно дека го загубија осетот со парите. Вчерашните цени за последниот натпревар на Фергсуон од 3000 фунти веќе не важат, затоа што во препродажба, денеска се појавија нови суми кои не се забележани на црниот пазар ниту за едно финале од Лига на шампиони.

Челниците на Шалке беа пресреќни по обновувањето на договорот со нивниот фудбалер Јулијан Дракслер па се пофалија со билборди на камиони кои кружеа околу стадионот на најголемиот ривал.

Напаѓачот на Омија и голманот на Хирошима, скапо ја платија својата пожртвуваност на натпревар од јапонската лига. Двајцата итно беа префрлени во болница и за среќа поминале „само" со полесен потрес на мозокот.

Ричард Свонсон, вљубеник во трчањето, фудбалот и крајбрежјето на Тихиот океан, започна со една необична авантура. Со топка ќе си трчка нешто повеќе од една година за да стигне на време на Светското фудбалско првенство во Бразил.

Кога беше оформен Хапоел Катамон Ерусалим, многумина предвидуваа дека ќе постои само неколку месеци и никој не помисли дека за анти-расистичкиот третолигаш од Израел кој постои само 6 години и е во целосна сопственост на навивачите, денес ќе пишуваат сите светски медиуми.

Главната ѕвезда на Тотенхем реши да ги заштити авторските права на начинот на кој ги прославува своите голови.

Во изминативе неколку денови се изначитавме и слушнавме безброј коментари за новиот тренер на Манчестер Јунајтед, посебно за неговиот празен плакар за трофеи, но недостигот на пехари не значи и дека тој е неуспешен. Дејвид Мојс е најдобрата замена за Алекс Фергусон.

Освојувањето на националниот Куп не се смета за некој голем дострел, но така не мислат навивачите на Легија Варшава кои направија кореографија за паметење на финалниот меч против Сласк. Домаќините загубија со 1:0 пред својата фантастична публика, но поради победата од 2:0 на првиот дуел, на крајот го подиграа пехарот, вкупно 16ти. Сите претходни титули навивачите ги одбележаа со годините на освојување.

Започнува новата ера во Манчестер Јунајтед. Само еден ден по објавата на легендарниот Сер Алекс Фергусон за неговото пензионирање, 20-кратниот шампион на Англија потпиша 6-годишен договор со досегашниот тренер на Евертон, Дејвид Мојс.

Аматерски фудбалски клубови од Англија поставија нов светски рекорд за најдолг фудбалски натпревар.

Кладилницата Paddy Power продолжува со својот храбар и контроверзен маркетинг. Овој пат нивната целна група се навивачите на Ливерпул.

Пораз до пораз, рекорден број на повреди, повеќе примени голови од Палермо кој е со една нога во втора лига и единствен тим кој во 2013 година не примил гол на само 3 меча. Европскиот првак од пред 3 години ја игра најмалерозната и најлошата сезона во последните 14 години.

По константното искачување на ФИФА ранг листата кое траеше 5 месеци, фудбалската репрезентација на Македонија втор месец по ред забележува пад и на последното издание на рангирањето се пласира на 84-та позиција.

По пензионирањето на Алекс Фергусон започнаа да се шират шпекулациите околу промените во тимот на Манчестер Јунајтед, а една од гласините е поврзана со враќањето на Кристијано Роналдо, но тој самиот ги демантираше овие гласини и тоа преку прослава на гол.

Фудбалерите на Ајакс ја осигураа 32-та титула во холандското првенство и оваа недела тие лично им испорачаа дресови на 32 навивачи кои први ги нарачале новите униформи за следната сезона.

Покрај сите оние трофеи за 27 години на клупата на Манчестер Јунајтед, Сер Алекс Фергусон ќе остане запаметен по уште една работа. Тоа се дополнителните минути на секој натпревар, односно "Fergie time", време за кое фудбалерите на Јунајтед секогаш постигнуваат гол кога им е потребен.

Домаќинот на светскиот фудбалски елитен собир мака мачи со изградбата на стадионите, а не се подготвени ниту за Купот на Конфедерации ова лето. Но затоа продавачките на љубов напредуваат се повеќе, а клиентите ќе ги пречекаат како полиглоти.

До германското финале од Лигата на шампионите на „Вембли" во Лондон останаа уште само 17 дена, а големиот празник за фудбалот со најголемо нетрпение го очекуваат навивачите на Баерн и Борусија кои сигурно уште денеска би се појавиле на стадионот со шатори и сендвичи се до 25 мај.

Овие млади фудбалери од турските екипи Бурса Јолспор и Икителиспор имаат по само 14 години. Не беа задоволни од судењето, а по истекот на регуларните 1:1 најлошиот начин за расчистување на гужвата го одбраа полицијците кои почнаа да напаѓаат со спрејови. Неколку играчи во болница ги лечеа раните на очите.

Алекс Фергусон во соблекувалната за време на полувремето од финалето на Лигата на шампиони во 1999-та година при водство на Баерн од 1:0:
„На крајот, пехарот ќе биде на 2 метри од вас и вие нема да можете да го допрете ако изгубиме. За многумина од вас, тоа ќе биде најблиску што може да биде вашата кариера. Не се осмелувајте да се вратите тука без да дадете се од себе!"

Поранешниот чувар на голот на Англиската репрезентација пред еден месец стана дел од Исландското првенство на ладниот остров, живее на место со 4500 жители и настапува за тимот на ИБВ на игралиште со капацитет од 1500 навивачи.