Италијанската фудбалска репрезентација која се наоѓа во Бразил каде од 15 јуни се игра Купот на Конфедерации не успеа да ја мине границата со се италијанската храна.

Селекцијата на Хаити на пријателскиот дуел против Италија постигна 2 гола во последните минути од мечот и го изненади италијанскиот состав кој мислеше дека веќе ја има победата во раце. 

Македонија загуби, но не од првиот тим на Норвешка затоа што нивните главни ѕвезди се на Европското првенство за играчи до 21 година. Норвешкиот фудбал почна да „цвета" откако наместо потпросечни странци, тие во лигата им дадоа шанса на своите голобради момчиња.

Аргентина пропушти да го обезбеди пласманот на СП 2014, одигрувајќи 1:1 на гостувањето кај Еквадор, а „ѕвезда" на вечерта беше Хавиер Маскерано кој заработи идиотски црвен картон за клоцање на возачот на медицинската количка.

По поразот од Шведска, со неубедлива и безидејна игра, комбинираниот состав на фудбалската репрезентација на Македонија загуби на гостувањето во Норвешка.

Талентираниот Бразилец Брено кој од Сао Паоло пред 5 години направи трансфер во Баерн Минхен, наместо да напредува во кариерата тој полуде, си ја запали куќата и заврши во затвор. Сега неговата идна работа постои можност да биде во фан шопот на европскиот шампион.

Го освоија европското (2008), па светското (2010) и потоа пак европското првенство (2012). Го имаат скоро цел тим на Барса и доминираат со слична „тика-така“ игра и сега малку им е тоа, па почнаа да играат со уште позгустен среден ред повеќе од дозволеното и тоа на пријателски меч против Ирска. Не знаеме кој е вишок во тимот, но најверојатно грешката е во весникот.

Вечерва фудбалската репрезентација на Македонија ќе одигра пријателски натпревар во Норвешка, па освен на теренот, нашето внимание ќе биде насочено и кон трибините.

И додека во нашите клубови не играат талентираните, туку децата на оние кои имаат врски, обидот на еден од сопствениците на Лидс да „пикне" син на пријател во младинската академија предизвика сериозен скандал помеѓу членовите на управниот одбор на клубот.

Аргентински фудбалер од нисколигашот Бела Виста кој се обиде да отстрани куче од теренот на гостувањето кај Сан Хуан, стана новиот најомразен лик на здруженијата за заштита на животни.

Втор прекинат натпревар во Аргентина за само три дена. Дуелот помеѓу Естудијантес и Ланус траеше само едно полувреме откако во нередите помеѓу навивачите и полицијата, загина еден гостински навивач, а друг бил сериозно повреден.

Фудбалерите на еден полски нисколигаш го искористија поплавениот терен за оригинална прослава на нивниот гол со „бомба“ и „ласта“ во трева.

Операцијата купи евтино, продај скапо не е лесен, но е многу важен сегмент во политиката на клубовите кои многу често знаат да ќарат милиони од младите талентирани фудбалери кои ги купуваат за малку пари. Каталонците направија вистинско богатство од своите деца кои не мрдаат од „Камп Ноу".

Со двата гола на Роналдињо, Атлетико Минеиро го совлада Гремио, но наместо головите решивме да ја издвоиме оваа негова асистенција која штета што неговиот соиграч не ја претвори во гол.

Најпознатиот фудбалски магазин FourFourTwo со помош на бројките од Opta Sports, направија споредба на статистиките за неколку карактеристични категории за фудбалери од петте најдобри лиги во Европа.

Стефан Ел Шарави, Матија Де Шиљо, Алан Ѕзагоев и Харвард Нордвеит се само дел од фудбалерите кои требаше да бидат ѕвезди на Европското првенство за млади фудбалери, но воопшто нема да настапат или ќе пропуштат по неколку натпревари заради лошото планирање на УЕФА.

Сантијаго Бернабе беше домаќин на хуманитарен натпревар помеѓу пензионирани фудбалери од редовите на Реал Мадрид и Јувентус. Мечот заврши 2:1 за „Кралевите“, а публиката имаше чест да ги види од една страна Фиго, Мориентес, Роберто Карлос, Редондо, а дел од играчите на „Старата Дама“ беа Ферара, Монтеро, Давидс, Југовиќ, Недвед. Зидан и Канаваро играа за двете екипи, а еве кој не заборавил да игра фудбал.

Ако Реал Мадрид се потпреше само на домашните сили како на пример Атлетик Билбао или Реал Сосиедад, тогаш од следната сезона немаше да ги гледаме во шпанската Примера, а Барселона и натаму ќе беше шампион.

Вака се бранат боите на својот национален тим! Капитенот на Манчестер Сити и репрезентацијата на Белгија, Венсан Компани на натпреварот против Србија одиграл 60 минути со скршен нос, потрес на мозокот и пукнатина на очната вдлабнатина.

Израелците се покажуваат како доста снаодливи и пред се современи домаќини на Европското фудбалско првенство за играчи до 21 година. Со силна медиумска кампања и промоција на првенството преку социјалните мрежи, успеаа да ги наполнат стадионите.

Фудбалската репрезентација на Македонија падна на дното од групата А од квалификациите за Светското првенство откако Шкотска изненади на гостувањето во Хрватска. На вториот натпревар од 7-то коло, Белгија ја совлада Србија.

Со штрајк со глад најчето протестираат затворениците или незадоволните пред влада, но сега тоа ќе го стори и навивач на Ковентри Сити доколку својот клуб од наредната сезона ќе ги игра натпреварите на друг стадион. Поради спор со сопствениците на стадионот Рико Арена, англискиот третолигаш постои можност да го напушти и градот.

Пехарот и медалите од Лигата на шампионите сосема заслужено завршија во рацете на фудбалерите на Баерн Минхен, но не им беа цврсто закачени на врат. Рибери му го пронајде на Манџукиќ и веднаш му го врати, а оној на Жером Боатенг се прошета низ Европа и по неколку дена повторно се најде кај првакот.

Скромен, емотивен и претпазлив. Човек кој секогаш прв го фрла ѓубрето од дома, кој и лупи овошје на сопругата, но и внимавал на сите во клубот, па дури и на шоферот. Сето ова се крие зад 68 годишниот Јуп Хајнкес кој по историската година со Баерн Минхен со солзи го напушти фудбалот.