Вознемирен од можниот успех на радикалната десница на локалните избори во Франција кои се во тек, Бернар-Анри Леви на својот сајт објави список имиња и обвинувања за нејзини членови и функционери. Французите, а богами и цела Европа, треба да знае.

Една од работите заради која Њујоркер е препознатлив и читан се неговите стрипчиња. Боб Манкоф, вчера (25.3) издаде книга за неговото искуство како цртач и уредник на оваа рубрика.

Излезе првиот број на Porn Studies, списание кое ја истражува „порнографијата и сексуалните репрезентации". Очекуваме придонес од д-р Рон Џереми, редовен професор во пензија.

„Како да какаш на романтична средба" ја доби 36-тата наградата Дијаграм за најнеобичен наслов на книга. Оваа година конкуренцијата беше голема.

Речиси сите големи комичари, од Чаплин до браќата Маркс, од Адам Сендлер до баљум-баљум од Ла Линеа, во некој момент од нивната кариера направиле своја варијација на скечот со огледалото. А тој има интересна историја.

До 1930, на местото каде на оваа мапа се наоѓа гратчето Аглое, помеѓу Роско и Рокленд, немало ништо - само правлив пат. Токму затоа што ретко кој минувал по него, тоа станало идеално место за лоцирање на картографска „стапица".

Лендмарк Саншајн Синема во Њујорк секоја среда нуди програма наречена „Ѕвечкање и мотање" (Rattle&Reel), која им овозможува на родителите или бејбиситерките да изгледаат филм дур бебињата си ја тераат пладневната дремка. А програмата...

Пред некое време најавивме дека поранешниот пејач на француската рок група од седумдесетите Téléphone, Жан Луј Обер, се подготвува да издаде соло албум чии стихови ќе бидат преземени од најновата книга на Уелбек. Еве го првиот сингл од албумот.

Ги знаете оние емисии, кога ќе им дојдат на врата и ги снимаат како реагираат на некаква вест. Што би можеле да ви кажат за да ви се сврти во глава, да барате сто пати да ви се повтори за да поверувате, и на крај да отворите шампањ? Пример...пет сигма на точка два?

Заљубен сум во тебе од малечко,
во очите твои назаситни
што тераат на арчење.

„Маци", „миличко", „сонценце"..дали веќе сте ги исцрпеле сите нагалени имиња за вашиот партнер? Бидејќи позајмувањето од други јазици не се смета за крадење, особено ако е за ширење љубов, еве малку зачин за вашето меѓусебно јазично милување.

Наместо да држи поздравен говор, на гала-вечерта по повод една значајна театарска награда Мендез го споделил своето искуство во професијата преку дваесетина совети. Се надеваме дека никогаш нема да мора да коментира крикет. 

Рандал Манро, креаторот на култниот стрип xkcd (за кој пишувавме тука) објави дека напишал книга. За само 24 часа таа стана бестселер, иако ќе излезе дури во септември.

Новата автобиографија на еден од основачите на терористичката организација 17. ноември се продава како грчка алва. Додека некои се ужаснати, други ја бранат слободата на говор. 

Како што ние се обидуваме да комбинираме наслови на вести за да добиеме некаква песничка која има смисла, така и Рејмон Кено смислил систем за генерирање песни со комбинација на стихови. Само за да ги прочитате сите негови ќе мора малку подолго да поживеете. 

И покрај тоа што постојат и други важни математички константи, што се однесува до популарната култура на бројот пи му нема конкуренција. Денес во Америка е неговиот национален ден, а со оглед на тоа што празникот вклучува јадење пити, не гледаме причина зошто и ние не би можеле да се приклучиме.

Да речеш „заеби", тоа е масажа на умот - ја релаксира тензијата, прави да се чувствуваш добро, да ги изигнорираш сите и да си истераш по свое. Џон Паркин оди и чекор понатаму тврдејќи дека тоа е духовен чин, совршен западен еквивалент на источните идеи за ослободување од небитните нешта.

„Оваа забегала“ и „ова може да се споредува со Моцартовиот Реквием“ - тоа се само некои од коментарите на видеата на кои се однесува оваа статија. Оставаме на вас да процените дали имаат некаква смисла. Нас дефинитивно нè освежија. 9:99, 9:98, 9:97...

„Гас и јас: приказната за дедо ми и мојата прва гитара" е прва книга за деца на славниот Кит, илустрирана од неговата ќерка Теодора. Дедо му, Теодор Аугустус Дупре, на кого се однесува книгата, свирел џез во биг бенд и го вовел Кит во музиката.

Што се случува кога Британија ќе воспостави награда за проза напишана на англиски, на која ќе може да конкурираат и американски автори? Нормално, ќе ја добие Американец.

На 20. февруари во Лондон се отвори изложба на која се прикажани историски релевантни графички прикази на научни податоци. Еден од примероците е дијаграм на Флоренс Најтингејл, кој прикажува како нехигиената во болниците убива повеќе војници отколку Кримските битки во кои тие биле ранети.

„Ти го праќам заради еден збор" - беше пораката што ја добив од Дејан Тиаго Станковиќ, чиј расказ ви го понудивме за св. Валентин. Зборот веројатно ќе го препознаете, a целата приказна е генерално многу едноставна и пресмешна. Таквите се најдобри.

Низ прозорецот пука Пацификот, пред тебе топло кафе и лаптоп, и дур возот речиси бесшумно лизга по пругата единственото нешто што треба да правиш е да напишеш неколку збора за тоа колку ти е убаво. Би се менувале и за Пелагонија, само да има интернет и чиста крпа.