Колку да нема забуни со насловот, Стефан Козлов е роден на 1 февруари 1998-ма во Скопје. Тој има руски родители, татко му Андреј Козлов е поранешен тенисер кој едно време работел во армија, а подоцна со семејството емигрирал во САД. Козлов-постариот сега е тренер на син му кој направи големо изненадување во Акапулко.

Апсурдни сцени ни доаѓаат од младинската кошарка во Македонија, каде на градското дерби за малку ќе се пресметаа татковците на играчите. Оди измери им го паметот.

И покрај тоа што пред само два дена, во шпанска Марбеља која важи за идеално место за подготовки се сретнале селекторите на Русија и Полска, Валериј Карпин и Часлав Михневич и во срдечна атмосфера разговарале за претстојниот полуфинален бараж за пласман на Светско првенство, сè погласно се заговара одложување на овој меч поради затегноста на односите меѓу Русија и Украина.

Најчести одговори се Роналдињо и Зидан, по некој за Меси, Тоти, Бергкамп, а има и такви кои растеле со финтите на Давид Силва кој од скоро игра за Реал Сосиедад во Шпанија.

Снимката е направена во Рим од балкон и штета што трае само 14 секунди. Во еден момент една место топката, ја рогна копачката, ама нејсе. Тука се забележува желба за фудбал, што е најважно. Браво за калуѓеркиве.

Во бразилското првенство Катариненсе, на мечот меѓу екипите на Конкордија и Шапекоенсе домашните пробаа итро да изведат еден слободен удар кој го вежбале на тренинг. Се посрамотија пред цел стадион а видеото се прошири по цел свет.

По пауза од неполни три месеци, Новак Ѓоковиќ се врати на терените и со 2:0 го совлада Лоренцо Музети на турнирот во Дубаи. Во еден момент пцуеше наводно накај својот тим, на што Горан Иванишевиќ се насмевна. Потоа образложил дека ветерот му правел проблем при сервис и така морал да ја исфрли фрустрацијата.

Македонскиот репрезентативец удри сефте во новата фудбалска средина за Ал Феја. Со својот прв гол, Александар Трајковски им помогна на своите да се пласираат во полуфиналето од кралскиот Куп. Славеа против Ал Батин со 2:1, а тој го постигна првиот гол на мечот по една убава асистенција.

Македонскиот стратег Влатко Андоновски кој ја води женската фудбалска селекција на САД, беше сведок на најуникатниот хет-трик за кој сте чуле до сега. Ем брз, ем во исто полувреме, па уште и во погрешна мрежа. Неверојатно.

Шкендија - Борец, македонска прва лига. Еден од играчите повреден лежи на терен. Нит се истрчаа да го земат со носилки, нит со оние количкине. На раце го изнесоа, како да е ова меч од 1952-ра година. Па уште и на Арена ја даваат, за да пукне регионална брука.

Нил Мопеј од Брајтон против Ерик Питерс од Барнли. На почеток ќе разбереме, борба за топка, ама на крај ја претера и ќе влезе во некоја неславна компилација на потези во фудбалот.

Феноменот со брзо лизгање во Холандија. Најуспешна нација која има апсолутна власт во овој спорт на големите европски, светски првенства и Олимписки игри. Како?

Вестерн Јунајтед со 3-2 го победи Вестер Сиднеј Вандерерс. Два гола за домаќинот даде Бен Гаручио а вториот, за водство од 3-1 беше неверојатен. Сигурен кандидад за наградата „Ференц Пушкаш“ за најубав гол на сезоната.

Пролетните температури во февруари не може да изненадат толку, колку што може еден ваков изум како замена за наочари. Него успеал ли некој да го сликне и од напред?

Интересна кариера на германска атлетичарка која конечно прифатила да се натпреварува во боб, која дошла, видела и освоила медал. Сега ѝ се враќа на својата најголема љубов: атлетиката.

Спектакуларниот Ол Стар во Кливленд на кој царуваше Стеф Кари со 16 тројки и вкупно 50 поени, беше зачинет на полувреме со голема јубилејна претстава со најголемите. На една бина се појавија од 27 годишниот Јанис Антетокумбо, па се до 89 годишниот Боб Петит, прв во историјата со 20.000 поени.

На малото градско дерби меѓу Славија Софија и ЦСКА, во еден момент напаѓачот на армејците Каиседо и 45-годишниот голман на домаќините Георги Петков страшно се удрија во еден дуел. Голманот го извлече подебелиот крај а амбулантното возило кое дојде неколку минути не можеа да го отворат. Коментаторот со прикладен коментар за дешавката.

Најголемиот на сите времиња е голем и натаму, а тоа го покажува со респектот кон помладите. Каква чест за Лука, инаку 37 години помал од Ем Џеј. Му влета изненадувачки и се сецна и обезбедувањето.

Вест Хем и Њукасл (1:1) си поделија по бод во меч во кој домаќини бркаа победа за уште појак напад на четвртото место кое води во Лига на шампиони, а Њукасл во борбата за опстанок во Премиер лига. Во таква борба шпицот на гостите постојано го зафркавал домашниот стопер кој беше на удар на цела јавност во Британија откако се појави видео на кое се гледа како рога и шутира домашна мачка.

Кливленд уживаше во шоу изразено со резултат 163:160 за тимот на Леброн Џејмс кој во неизвесен натпревар до финишот, го совлада тимот на Кевин Дурент. МВП на Ол Стар мечот е Стефон Кари кој блесна со 50 поени.

Необична и насилна случка ни доаѓа од универзитетската кошарка во Русија, каде пази богати, помошник тренерот Олег Тен, му влегува или се обидува да му влезе со бокс на главниот тренер Артем Олхов. Потенцијалната тепачка меѓу луѓето кои се од иста во Универзитет Југра, се случува на 38 секунди до крај по една нивна расправија.

Автентичниот маалски клуб ТФТ од Тафталиџе кој само втора сезона е дел од прва лига, направи сензација откако успеа да го освои Купот на Македонија. Падна бранителот на трофејот МЗТ Скопје и тоа со пораз од 80:66, а играч на мечот беше Ландриус Хортон кој постигна 23 поени од кои едно маестрално забивање.

Минатогодишниот МВП, признание кое го доби за најдобар играч во регуларниот дел на НБА, ужива во престојот во Кливленд каде го чека Ол Стар натпреварот. Јокиќ случајно налета на прес-конференција на Лука Дончиќ и го гаѓаше со топче.

Ливерпул губеше 0-1 од Норич кој поведе преку Милот Рашица, но во три минути направи пресврт со головите на феноменалните Садио Мане и Мо Салах. На крајот печат стави новајлијата Луис Дијаз за конечни 3-1. Голот на Сенегалецот за израмнување го крена Енфид на нозе.