Најдобрата пливачка од Босна и Херцеговина, Лана Пудар, а може слободно да се каже и спортист, го постигна еден од најголемите резултати во историјата на босанскиот спорт - стана шампион на Европа.
Како членка на Клубот за водени спортови Орка од Мостар, за разлика од нејзините ривалки ширум светот, немала основи услови за развој.
И додека големите шампионки тренираат во оптимални услови од петгодишна возраст со врвни тренери, нутриционисти, психолози... Лана со помош на родителите и блискиот круг на луѓе успеа да дојде до европското злато во дисциплината 200 метри делфин.
Уште како мало девојче во Мостар, град без олимписки базен, што е основен „реквизит“ за пливање, Лана со својот тален го привлекуваше вниманието, а што е и уште многу поважно, покажуваше и волја за напредок.
На 13 и пол години освои осум златни медали домашното првенство, но малата Лана не сакаше да застане тука.
Сонуваше за настап на Олимписките игри, а потоа, како 15-годишна, со помош на својот тим, успеа да се избори за олимписка норма.
Сонот го реализираше на 12 март 2021 година, кога на Србија опен го освои златниот медал на трката на 100 метри делфин и со време од 57,37 секунди стана првата босанска пливачка во историјата со А норма за Олимпијадата.
За жал, поради скршено стапало го пропушти Европското првенство во големи базени за сениори во Будимпешта во мај, но се опорави за јулското Европско првенство во големи базени за јуниори во Рим и освои сребро на 200 метри пеперутка, два дена подоцна и сребро на 50 метри пеперутка, а потоа стана европска јуниорска шампионка во трката на 100 метри делфин.
Само две недели подоцна, замина на Олимписките игри во Токио, каде како една од најмладите учесници ја зазеде 19-тата позиција на 100 метри пеперутка.
Потоа на Европското сениорско првенство во 25 метри базени, го освои петтото место на 200 метри делфин.
Лана тогаш сонуваше за медал на Светското првенство во мали базени, а сонот стана реалност на 17 декември, кога ја освои бронзата на трката на 200 метри. Освен што беше прв медал за Босна и Херцеговина од светските првенства во пливање, го собори и европскиот јуниорски рекорд.
Во јануари оваа година наполни 16 години и продолжи да ги исполнува своите соништа.
Во јуни настапи на Светското првенство за сениори во Будимпешта и го освои шестото место на 200 метри и осмото на 100 метри.
Тогаш сонуваше да донесе злато за БиХ од Медитеранските игри. И тој сон се оствари на почетокот на јули откако освои златни медали на 100 и 200 метри делфин во Оран и стана единствената спортистка во историјата на БиХ со два златни медали на Медитеранските игри.
Само неколку дена по Медитеранските игри, скокна од сениорска во јуниорска конкуренција и го освои Европското јуниорско првенство во Букурешт на 50 и 200 метри делфин, додека на 100 метри делфин освои сребро.
А потоа дојде август и Европското првенство. Сара Сјостром, Катинка Хосу, Сузана Јакабос, Ана Нтунтунаки, Хелена Бах... најдобрите европски пливачки во историјата на едно место. Но, Лана не паничеше, туку сонуваше за медали.
На 50 метри на 12 август беше десетта, но тоа не ја поколеба. Веќе на 15 август го оствари својот сон - освои бронзен медал на 100 метри и го собори државниот рекорд на Босна и Херцеговина.
Лана сепак не се задоволи со бронзата. Следуваше нејзината омилена дисциплина - 200 метри. Продолжи да сонува, овој пат за злато.
И Лана и нејзиниот тим беа свесни дека сегашната тактика - побавен почеток и фуриозен финиш, нешто што го гледаме во атлетиката уште од Амел Тука со години, можеби нема да биде доволно за злато.
Ја смени тактиката за финале, од првиот замав отиде до крај и резултатот беше злато. 17 август ќе биде запишан со златни букви во историјата на Босна и Херцеговина. Денот кога добивме европски шампион во пливање. Единствен шампион во светот. Шампионка која нема базен во родниот град.
А најдоброто од Лана допрва доаѓа. Таа продолжува да сонува, а на почетокот на следната година ќе го прослави само 17. роденден.
Заедно со Лана сонуваме за првиот олимписки медал за Босна и Херцеговина. Девојката од Мостар ќе има 18 години на следните Олимписки игри во Париз, 22 во Лос Анџелес 2028 година и 26 во Бризбејн 2032 година.
Три големи можности за медал, три големи можности за кои сонува Лана. И со добро здравје, соништата се остваруваат. Лана тоа најдобро го знае.
