Трофејот за револуционерното Европско првенство со 24 селекции во 12 земји, почнаа да го шетаат од град во град. На ред дојде Букурешт, каде Македонија ќе ги одигра првите два меча. Таман ние доаѓаме за прв пат и почнаа да кршат. Полека малку домаќини.

Србија и натаму е своевидна „Мека и Медина“ за вакцини, па интерес за „пелцовање“ има не само од соседните земји, туку и од оние далеку побогатите. Замислете штом претседателот на италијанскиот прволигаш Удинезе слетал во Белград со жена му да се вакцинираат.

Од сите досегашните ВАР одлуки во фудбалот, оваа е најјака. Не е за спорен гол, пенал или црвен картон, туку опомена до судијата дека прерано свирнал крај, па ги враќаше играчите од соблекувална. И тоа ова се случува во првата шпанска лига.

На прес-конференција пред мечот Лидс Јунајтед - Манчестер Јунајтед на кој Езџан Алиоски го пцуеше Ван Бисака, тренерот на гостите Солскјер рече: „Нема да биде 0-0, гарантирам дека нема да биде 0-0. Играат два тима кои сакаат да напаѓаат и напаѓаат најбрзо што можат“.

Фудбалската федерација на Романија и комитетот за организација на Евро 2020 во консултација со здравствени стручни лица, побарале од министерството за здравство дозвола за двојно повеќе навивачи.

Лидс Јунајтед и Манчестер Јунајтед одиграа само 0-0 на „Еланд Роуд“. Нашиот репрезентативец Езџан Алиоски одигра цел меч, доби жолт картон и имаше сочна пцовка до бекот на гостите Ван Бисака кој збунето го праша што рекол?

По бурните протести на навивачите на Арсенал против претседателот на клубот Американецот Кроенке, денес и навивачите на Манчестер Јунајтед жестоко протестираа против американскиот сопственик Глејзер.

Додека УЕФА водеше битка со некаква Суперлига, во сенка остана еден друг важен момент. До денешен ден уште не е јасно кој град ќе ја задржи организацијата на Европско првенство летово.

Кошаркарите на Астана славеа над Зелена Гора од Полска во ВТБ лигата со 88:82. Сосема доволен ќеиф за еден поинаков пречек на тренерот кога најмалку очекува. Ги води Емил Рајковиќ, но на честитање во соблекувална се појави неговиот помошник Сашо Тодоровски, исто од Скопје, инаку познат под прекарот Цефи.

Само чкарт држава може да остави легенда како Драган Мутибариќ на маргините со 13.500 денари месечно. (Не)заборавениот голман на Вардар и Југославија сега не е само во финансиска, туку и во здравствена криза и вели дека никој ќе го рецка. Срамота.

Италијанските медиуми не застануваат со темата Горан Пандев. Јубилејот на македонската легенда беше инспирација за Скајспорт да ја стокми топ 20 листата на најефикасни странци во историјата на италијанскиот фудбал. Друштвото е елитно.

Пред мечот Барселона - Хетафе кој заврши 5:2, гостите како што налага традицијата во Шпанија, со убав коридор ги пречекаа домашните играчи на теренот за да им честитаат на големиот трофеј освоен во Купот минатата сабота.

Шефилд Јунајтед е тим кој лани за малку не се пласираше во еврокупови преку Премиер лига, а сезонава на цели 6 кола пред крајот и теоретски испадна во Чемпионшип.

Еднаш проба нешто да му каже на Јокиќ на српски, па му излезе руски зборот, а сега во обид да му рече на Лука „пријатно“, сурфаше на телефонот да види како треба и пак ја утна, а Дончиќ се изнасмеа. Адижо му рече :).

Во Серија А е кланица за местата во ЛШ. Милан е втор со 66, Аталанта и Јуве имаат по 65, Наполи 63, Лацио 58 со меч помалку. Фудбалерите на Аталанта синоќа водеа на полувреме против Рома и можеа да лапнат 3 бода и да бидат втори. Но Луис Муриел ја имаше утката на месецот и место 0:2, мечот заврши 1:1.

После сите величења, се чекаше некој што има челични нерви и истражувачки способности да седне и да ја состави компилацијата која се бараше. Јубилејната 100-ка на струмичанецот во Серија А во едно видео by извесен Matejcho. Ти благодариме другар. Лацио (48), Џенова (27), Наполи (19), Интер (5) и Анкона (1).

Најчести асоцијации на прослава на гол се оние на Стариџ, Гризман, Мбапе па и салтата на Миро Клосе на времето. Најдобрите играчи на денешницата Кристијано Роналдо и Лионел Меси исто имаат свои автентични прослави на голови.

Сè е во знакот на Горан Пандев денеска. Џенова не застанува да ја возвишува нашата легенда. Најпрвин со “кралски“ честитки, па интервју и на крај со фантастична компилација од сите 27 гола кои ги постигна за најстариот италијански клуб во Серија А.

Кога во 21-та минута удри втор пат по Беневенто за конечни 2:2 и стигна до бројка од 100 гола во Серија А, Горан се доближи до камерата и кажа нешто. Тоа било поздрав до син му на кој му го честита 11-от роденденот со гол.

На 7 декември 2003-та година Пандев на 20 години го постигна својот дебитантски гол во една од најсилните лиги на светот. И тоа каков гол! Сличен на оној неколку години подоцна кога ги измеша Канаваро, Турам и Буфон.

Суперлигата рикна за два дена, а Бетон Суперлигата гази напред и сите сакаат да и се приклучат. Флорентино, Андреа, Роман...вие ќе почекате, предност имаат помалите. И по емисии почнаа да ја зборат.

Ова што го прави најдобриот македонски фудбалер од коло во коло во Италија скоро 18 години е стварно неверојатно. Нема клуб за кој не се изнадава голови уште кога првпат стапна во Серија А. Го сакаат и почитуваат безусловно сите навивачи.

Голем дел од претседателите на европските гиганти се „мала маца“ за некогашниот сопственик на Милан кој жареше и палеше ширум Европа. Кога тој смислувал идеја како да се офајди од УЕФА, другиве уште започнувале скромни бизниси.