Преку 90.000 навивачи го скандираа името на Меси на финалето на Кралската лига во мал фудбал во организација на Пике. Но изгледа тоа не беше само обично скандирање. Им стана пракса и на натпреварите во Ла Лига. Желбата за кам бек на нивната икона ја изразија и синоќа против Жирона. Тоа го прават во 10-та минута.

Феенорд е се поблизу до шампионската титула која во Ротердам се чека од 2017-та (претходно ја чекаа цели 18 години). Тимот предводен од сјајниот Арне Слот кој веќе има понуди од премиерлигаши, има 67 бода, дури 8 предност пред Ајакс и ПСВ Ајндховен кои имаат по 59. До крајот на холандската Ередивизија има уште 6 кола, а Феенорд го чекаат и тешки дуели со Рома во 1/4 финале на Лига Европа.

Некогашниот репрезентативен голман на Англија Бен Фостер кој бранеше едно време и за Манчестер Јунајтед, а се прослави во ВБА и Вотфорд, се пензионираше во 2022-ра година. Но го убедиле да се врати да брани за велшки Рексам кој се бори за пласман во четврта лига.

Уште на одбојка немавме видено дивеење и ете ти. Сцените се од Велес од мечот Борец - Шкендија кој заврши 3:2. Во клинч се домашната публика против гостинските одбојкари. Се гаѓаат со што ќе стигнат. Луда работа.

Како завршува регуларниот дел во НБА, така играчите имаат сè помалку живци едни кон други. По Руди Гобер кој го удри својот соиграч од Минесота Кајл Андерсон, се фатија и соиграчи од ЛА Клиперс. Мајсон Пламли и Бонус Хајленд покажаа дека не се трпат па исто се дофатија на еден тајм-аут.

Барса одигра само 0:0 против 11-то пласираната Жирона и сега е на +13 пред Реал. Имаме две ситуации за одбележување, по една на двете страни.

Играл школски, систем 2 од 4 со четири фикса во стуб. Уште во стубот е храбар, а да не зборуваме за четирите во услов кои успеал сите да ги погоди. Обрнете внимание на Њукасл и Виљареал. Да, маестро е.

За жал без Лука Дончиќ, но за среќа со Никола Јокиќ, стартува највозбудливиот дел од НБА лигата. Допрва ќе има јака кошарка која ќе трае најрано до 9-ти, најдоцна до 18 јуни.

Денот како да нема крај со неверојатни вести поврзани со фудбалски судии ширум светот. Од Америка, преку Австралија до Грција.

Легендата која играше на дури 7 Ол Стар натпревари и беше важен играч во Детроит, Орландо, Феникс Санкс и ЛА Клиперс, Грент Хил во еден подкаст раскажува интересна анегдота.

Океј, ќе игра најверојатно на УС опен кој стартува на 28 август, ама сезонава пропушти два важни турнири, Индијан Велс и Мајами или вкупно седум поради тоа што не е вакциниран. Да не заразел некој. Сам на терен. И тие самите се исмејуваат по емисии поради овие небулози.

На Севиља не и оди сезонава па не и оди. Сменија тренери, играчи, чуда, ама пак не можат да врзат победничка серија. Во петокот играа против Селта Виго, имаа големо водство од 2-0, но на крај во само три минути примија два гола иако мора да се признае дека добија два црвени картони, еден во 19-та минута а вкупно 11 сезонава.

РФМ ги изрече казните за хаосот кој настана на големото дерби. Со оглед на тоа што го видовме, куртулија сите.

На еден од оние натпревари на кои бодовите однапред си ги запишаа зошто беа голем фаворит, фудбалерите на Ал Наср каде игра Кристијано Роналдо, останаа само со бод. Играа против Ал Феиха на нашиот Александар Трајковски и тим каде брани Владимир Стојковиќ.

Хјустон Динамо со 3:0 го испраши ЛА Галакси во 6. коло на американската МЛС лига. На овој натпревар главниот судија покажал три црвени картони од кои два за познатите гостински фудбалери Мартин Касерес и Даглас Коста кои играа во Јувентус едно време. Уругваецот му пришол на главниот судија да погледне ВАР снимка со него, несвесен дека не смее тоа да го прави.

Во 10. коло од аргентинската лига, Сан Лоренцо на гости со 1-3 го совладал Атлетико Тукуман и уште го следи лидерот Ривер на табелата. Овој натпревар сега е озборуван затоа што главниот судија на мечот Фернандо Еспиноза во само неколку секунди покажал два црвени картони за домашните и тоа во 43-та минута од првиот дел. Капитенот Акоста бил исклучен откако судијата него му се пуштил.

Легендарниот бек на Реал Мадрид воопшто не е престарен, напротив со своите 34 години игра во добра форма. Флуминенсе го совлада Фламенго со 4:1, а резултатот го отвори Марсело кој си поигра со гостинската одбрана и ги воодушеви и навивачите и коментаторот.

Само што почна сезоната во Шведска, а веќе го имаме киксот на истата. На дуелот Хакен - Хамарби, гостинскиот голман 20-годишниот Оливер Довин направи нешто необјасниво. Ја заборави топката во сред акција.

Сите се нешто на тепање удрени. Уште не може да му го измериме паметот на судијата кој му зададе лакт на Робертсон од Ливерпул и ете ти инцидент и во НБА. Кајл Андресон прво се објаснуваше нешто со Руди Гобер, а потоа му се сипа, па среќа брзо ги разделија.

Табела од најдобрата холандска лига објавена на Телетекст, таа толку едноставна а толку симпатична ствар која на времето беше сведок на многу кладилничарски радости, таги, пцовки, па и киксови. „Ја затвори“ беше најчест коментар кога некој чекаше некој исход и резултатот ќе светнеше со светло сина боја најчесто на хрватскиот Телетекст на државната телевизија ХРТ.

Големото дерби Ливерпул - Арсенал заврши 2-2. Гостите од Лондон и лидери на табелата водеа со 0-2 но домаќинот се врати и освои бод. Дербито фудбалски беше прекрасно, но го расипа на крајот помошникот судија Констатин Хацидакис кој во еден момент му удри буквално лакт на фудбалерот на Ливерпул Енди Робертсон. За овој екцес брујат медиумите на Островот а ако се докажа вина, помошникот судија го чека долговремена казна.

Ал Наср предводен од Кристијано Роналдо како фаворит одигра само 0:0 против Ал Фејха и се спаси од пораз кој за влакно не го запиша Александар Трајковски.

Реал Мадрид по сè изгледа ги изгуби сите шанси за титула во Ла Лига откако синоќа беше поразен дома 2-3 од Виљареал. Домаќинот два пати водеше но „жолтата подморница“ се врати и однесе три бода во трката за место кое води во Лига на шампиони. После мечот избил инцидент.