Ниту репортерот се возбуди, ниту кошаркарот се потруди да му се извини. Надреално безчувствителна сцена од двете страни. Исто како да не се случила.

И тоа во прва лига. Од коментарите на Твитер издвојуваме: Ова да му го направеа на некој во Јужна Америка, цел стадион ќе им се симнеше на тие двајцата.

Во второто коло од пролетниот дел во Бизнис лигата на Македонија најубедлив триумф славеше Ван Хоол, а победи славеа и Пивара Скопје и Халк Банка.

Чудни фотографии пристигнаа од фудбалскиот натпревар меѓу Ал Наср и Ал Вехда во Саудиска Арабија. Додека Кристијано Роналдо се радуваше на четири гола, на трибините на Мрсол парк имаше рој од скакулци.

Од повеќето кандидати за наградата „Ференц Пушкаш“ која ФИФА ја доделува за најубав гол на годината во светот на фудбалот, на крајот кругот се скрати на тројца номинирани. Меѓу нив е и полскиот фудбалер Марцин Олекси кому му е ампутирана едната нога и кој игра во првенство за хендикепирани лица.

Судеше финале на ЕП У-19, четвртфинале во Лига на шампиони, а стигна и до сениорско Европско првенство за жени. Александар Ставрев кај жените е Ива Пројковска.

И девет дена после големото, огромно интервју на Здравко Мамиќ за Моцартспорт, уште се прераскажуваат неговите зборови. Мамињо на маса стави еден куп анегдоти од времето поминато како алфа и омега во Динамо, раскажа и кои се луѓето кои сакаат да му го земат клубот додека тој е во бегство во Меѓугорје.

Фондот на најдобриот фудбалер на денешницата според многумина, Лионел Меси, одвоил 3,5 милиони евра за хуманитарна помош за подрачјата погодени во страшните земјотреси во Турција и Сирија.

Со брат му ја врзале да игра во првиот тим на Динамо уште како тинејџер, а потоа преку син му договарал трансфер во Лидс. Но агентите влечеле повеќе накај Лајпциг за доброто на неговиот развој и покрај тоа што Англичаните нуделе 27 милиони евра. Кога Здравко Мамиќ го видел Јошко Гвардиол како игра на турнир на само 16 години, одма се фатил за телефон за да го прекомандува.

Манчестер Јунајтед и Лидс Јунајтед одиграа фантастичен дуел со дури 4 гола. Гостите кој од пред неколку дена сменија тренер, водеа убедливо со 0-2, но домаќинот се врати и успеа да земе бод. Пар илјади навивачи на Лидс кои важат за едни од најнезгодните на Островот, после мечот додека полицијата ги држела на трибините додека не заминат сите други присутни, смислиле песна.

Прилично изненадување е што Барселона, екипа која отсекогаш негувала напаѓачки, отворен фудбал, сезонава ја има најзатегнатата одбрана на цел континент. Барса под Чави на дури 20 меча има примено само 7 гола или во просек по 0,35 погодоци по натпревар што е убедливо најдобра одбрана во Европа сезонава. Њукасл е втор, ама англискиот клуб „нит прима нит дава“ многу голови. Трет е Наполи на Спалети кој се ближи до скудето.

Тренерот на турскиот суперлигаш Фатих Караѓумрук и еден од на времето најдобри европски фудбалери, Андреа Пирло активно помага на пунктовите каде се товари сета хуманитарна помош наменета за регионите погодени од разорни земјотреси.

Кристијано Роналдо конечно се отвори во дресот на Ал Наср и во рок од 40 минути ја торпедираше Ал Вехда со 4 комада за победа од 4:0. Португалецот стигна до 61-ви хет-трик во кариерата и ја мина границата од 500 лигашки голови. Пред да ја носи топката дома побара од судијата да му ја потпише.

Човекот кој за 2,5 години ќе заработи енормни 500 милиони евра и кој беше критикуван дека го нема никаде, на неговиот трет настап во Саудиска Арабија одговори безобразно со 4 комада. Ал Наср - Ал Вехда конечни 4:0. Роналдо стрелаше во 21, 40, 53 и 61 минута. Сега има вкупно 5 првенствени гола и стигна до голем јубилеј од 500 лигашки голови во кариерата.

Во 2008-ма легендарниот Мирослав Блажевиќ како селектор на БиХ, на квалификациски меч за СП ја победува Естонија 7:0, најголемата победа во историјата на оваа земја. Кај нас било кој да е селектор, би изјавил: Па добро, мислам дека заслужено победивме, ги надигравме во сите сегменти. Ама Ќиро е Ќиро.

Мухамед Емин Озкан е голем навивач на Галатасарај. На Твитер профилната слика му е од Икарди, а каверот од Фатих Терим. Таман направи видео за големото засилување од Рома и не го дочека.

Гранит, Аптив и Лукоил се екипи кои со победа го отворија првото коло од пролетниот дел во Бизнис лигата на Македонија.

Клубот Савоја од Торе Анунциата, предградие на Неапол, има многу симпатична поддршка. Навивачите на последниот меч на нивниот клуб ја испеале и познатата наполитанска песна „О соле мио“ (Сонце мое) која е напишана во далечната 1898-ма година од Џовани Капуро. Музиката ја напишал Едуардо ди Капуа во истата година при престој во Одеса.

Во фудбал и во кошарка често има закачки, пцовки, па и физички пресметки меѓу играчите, но кај одредени тенисери сè почесто се гледа необјаснив бес па страдаат рекети или некој друг предмет. Овојпат Русинот Александар Саша Бублик кој игра под знаме на Казахстан, на турнир во Монпеље искрши дури три рекети фрустриран што губеше од францускиот тенисер Грегуар Барер.

Лука Дончиќ го пропушти и третиот меч по ред поради повреда. Неговите Далас Маверикс играа против ЛА Клиперс на гости и победија 110-104. На овој меч за Мавси дебитираше суперѕвездата Кајри Ирвинг кој неколку часа претходно дојде од Бруклин Нетс како огромно засилување за Далас пред плејофот. Ќе биде интересно да се види каков ќе биде односот меѓу Кајри и Лука со оглед на тоа што и двајцата сакаат што повеќе топка во свои раце, знаат да бидат незгодни во односот и експлозивни во реакциите.

Емре Џан и Марко Ројс ја однесоа Борусија Дортмунд во четвртфиналето од германскиот Куп која славеше над Бохум со 2:1. Резултатот го отвори Емре со несекојдневен погодок од центар, откако голманот имаше несмасен дегажман.

Салваторе Настази има 58 години и е најголем хит во италијанскиот нисколигашки фудбал. На 24-ти март Настази ќе полни 59 години. Брани за нисколигашот Торегрота (Прва категорија на Сицилија). На мечот со Чита ди Галати кој завршил 2-2, чичко Салвато бранел како Буфон во најдобри денови.

Ракометарите на Порто после 11 кола ја вкусија првата победа сезонава во Лига на шампиони. Падна Динамо Букурешт убедливо со 32:23. Македонскиот репрезентативец беше еден од најдобрите на мечот со вкупно 12 интервенции. ЕХФ му издвои три и напиша: Што ли јадат голманиве за доручек?

Големите суперѕвезди Кевин Дурант и Расел Вестбрук пред истекот на прозорот кој овозможуваше промена на средината, потпишаа договори со нови клубови во НБА.