Алфи Халанд го следеше полуфиналето Сити - Реал во ложата на Бернабеу, каде го гледаше син му кој покриен одлично од Рудигер и Алаба, не успеа да постигне гол. Се појавија повеќе видеа на кои се гледа како се јаде со домашните навивачи по што интервенираше и полицијата. Шпанските медиуми пишуваат дека прв почнал да провоцира и дека ги гаѓал со кикирики.

Со нова маестрална партија и нов трипл дабл: 29 поени, 13 скока и 12 асистенции Никола Јокиќ одново издоминира во плејофот и на својот Денвер Нагетс му донесе нова победа за 3:2 против Феникс во полуфинале. Во еден момент од третиот период додека на клупата на Феникс се црташе нешто вон тајм-аут што е забрането со правилникот, Јокиќ дојде и го закачна Дурент кој евтино наседна и доби техничка грешка.

Кошаркарите на Денвер Нагетс го добија петтиот меч со силниот Феникс Санс 118:102 и поведоа на 3:2 во полуфиналето на Западна конференција.

Мега пресметката меѓу Реал Мадрид и Манчестер Сити заврши 1:1 со два прекрасни голови на Винисиус и Де Брујн. Предмет на расправа број 1 во медиумите е спорниот гол на Белгиецот.

Каков Ал Наср, каков Роналдо. Погледнете го вие нашиот Алекс Трајковски кој навелемајсторски начин го претвори голманот во гледач. Македонскиот репрезентативец учествуваше со еврогол и асистенција за Ал Фајха кој го совлада Ал Фатех со 3:0. За него ова е трет сезонски погодок.

Во првиот натпревар од полуфиналето на Лига на шампиони, Реал Мадрид и Манчестер Сити одиграа нерешено 1:1, така што патникот во големото финале ќе се одлучува на возвратниот дуел, во Англија.

Од едната страна се наоѓа домот на станарот Чиро, од другата најкултното место во Неапол од каде дневно поминуваат по 30.000 до 40.000 туристи. Човекот едноставно не може да си дозволи да излуфтира, бидејќи веднаш му се дерат под прозор.

Дваесет и две годишниот Франк Евина игра за германскиот второлигаш СВ Сандхаузен, а на времето почнал во школата на Баерн Минхен за кого има и два настапи за прв тим. Од годинава е во Сандхаузен, а на мечот со Брауншвајг покажа како се гради топка.

На две кола пред крајот на италијанската втора лига Серија Б, Парма е на 6-то место и теоретски обезбеди учество во баражот за пласман во Серија А. Парма со 2-0 ја победи Бреша на култниот „Енио Тардини“ каде на навивачката трибина бил и легендарниот Фаустино Асприља кој повел и навивање. Колумбиецот бил гостин по повод прекрасниот јубилеј од првиот освоен трофеј на Парма.

Младиот 17-годишен Аксел Атум на мечот Естудиантес - Велез Сарсфилд влегол од клупа за резерви и го забележал дебитантскиот настап во сениорски фудбал. Неговиот Естудиантес победи 2-0 со головите на Гастон Бенедети Тафарел. Аксел влегол во игра во 81’ минута од средбата, а следниот ден во школо го пречекале како јунак.

Триесет и девет годишниот легендарен бразилски бек Даниел Дани Алвеш кој пред само неколку месеци играше на Светско првенство за својата репрезентација, веќе извесно време минува низ тешкотии во затворот каде чека судење за наводно силување кое го сторил во познат ноќен клуб во Барселона.

Ал Итихад е бељаџијата кој е прв на табела и кој изгледа ќе му ја скрати радоста на Роналдо да се радува на титула. Победија 4:0 и имаат предност од 5 бода на четири кола до крај. Ако ве прашаат што значи шах мат во фудбалот, ова е тоа.

Кошаркарите на ЛА Лејкерс едвај се дофатија до плејофот и кога сите ги отпишуваа предвреме, тие ја кренаа формата и бележат сјајни резултати. Синоќа по трет пат во само неколку дена го совладаа актуелниот првак Голден Стејт Вориорс со 104:101 на свој паркет и сега водат со убедливи 3-1.

Кај и да е, сигурно некој ќе стокми компилација од големата фудбалска ѕвезда, која во Битола би ја крстиле „Најдоброто од Кристијано нервознио“. Нов кикс на Ал Наср, нови нервози за Роналдо кој оттурна член на стручниот штаб на гостите кој му пријде за селфи и нов дриблинг од соништата. На четири кола до крај клизнаа на -5 од лидерот Ал Итихад.

Цедевита Олимпија го загуби вториот дуел од белградски ФМП во четвртфиналето од плејофот во АБА лигата, а словенечкиот тренер Миро Алиловиќ го загуби компасот додека држеше тајм аут. И коментаторот не издржа да не искоментира неколку пати.

Ѕвездата на Арсенал, Гранит Џака не би требало да е горд на брат му за потегот кој го направи викендов. Зидан во финале на Светскo ја заеба работата и од тогаш пар ликови фатија да го имитираат, тоест на погрешен начин ја користат главата.

Милан со 2-0 го совлада Лацио и е на 2 бода од 4-то место кое води во Лига на шампиони следната сезона а за кое се борат дури пет-шест клуба до крајот. Милан во само неколку минути ги реши Лацијалите, со головите на Бенасер во 17’ минута и евроголот на Тео Ернандез во 29-та.

Вест Хем Јунајтед оствари неверојатно важен триумф над големиот Манчестер Јунајтед од 1-0 со голот на Саид Бенрама во 27’ минута и сега полесно дише. Во борбата за опстанок најдолу на табелата, Вест Хем избега 7 бода од опасната зона и до крајот на сезоната им треба уште некој бод за и теоретски да се спасат.

Вардар синоќа падна на дербито во салата Боро Чурлевски со 3 гола разлика, што значи дека титулата по долга пауза од 18 години е на дофат кај Еурофарм Пелистер кој е прв на табела. За официјално да ја освојат им преостанува во последните две кола да ги совладаат Охрид и Тиквеш. Битолчани веќе слават, а во први редови со навивачите беа и тренерите Звонко Шундовски и Александар Јовиќ.

Аргентинскиот ас пристигнал во Наполи на 23 години од Барселона, а бил претставен на 5 јули 1984-та пред 75.000 навивачи кои биле убедени дека доаѓа спасителот, во ситуација кога тимот се борел за опстанок и во време кога никој не сакал да игра таму. Останатото е историја. Успеа да ја прекине доминацијата на северот и Наполи да го направи првиот клуб од југот кој станал шампион.

Во белгиската Про лига, во делот кој разигрува за пласман во Лига Концеренции, Гент на гости со 1-2 го совлада Стандард Лиеж и сега има 34 бода. Играч на мечот беше шпицот на гостите Гифт Орбан кој даде еден гол а на самиот старт на вториот дел проба уште еднаш лукаво да го матира домашниот голман.

Аргентинското Супер класико меѓу Ривер Плејт и Бока заврши 1-0 со гол од пенал на Мигел Борха во 90+3’ минута од судиското продолжение. После овој реализиран пенал на теренот настанал огромен хаос меѓу играчите а главниот судија поделил дури 7 црвени картони за играчи кои биле на и надвор од теренот. Ривер после 15. кола е убедливо прв со 37 бода пред Сан Лоренцо кој има 28. Бока е 13-та со 18 освоени бодови.

Питомите Финци немаат хулигански групи ни навивачки изгредници, ама затоа едно симпатично детенце на точаче им прекина натпревар па играчите го замолиле да го напушти теренот за да доиграат.