Offside

Македонската фудбалска репрезентација го доби ривалот во баражот од Лига на нации со кого во март следната 2027-ма година ќе игра за опстанок во Б-лигата од Лига на нации. Во Нион на Македонија ѝ падна Кипар против кој ќе игра два натпревари - по еден на домашен и на гостински терен без дополнителна рунда доигрување.

Меси направи шоу во Јапонија

Интер Мајами по арапската турнеја во Саудиска Арабија каде играше со тамошните најсилни клубови Ал Хилал (пораз 4:3) и Ал Наср (пораз 7:0), продолжи на турнеја во Азија. Играа со Хонг Конг и победија 1-4 а синоќа на пенали изгубиле 4:3 од јапонски Висел Кобе. Меси влегол во 60-та минута од мечот и правел шоу за сите кои дошле да го видат.

А навивачите на Бока на баскет сте ги виделе ли?

Навивачите на Бока се светски познати за најлудите амбиенти кои ги прават на нивната „Бомбонера“ и каде и да игра нивната екипа. А ретко кога некој ги видел какви се на кошарка. Во сала.

Еврогол на Енцо Фернандез за кој нема чаре

Челси, кој на 25 февруари ќе игра во финалето на Карабао Купот против Ливерпул, ја мина четвртата рунда во ФА Купот откако ја елиминираше незгодната Астон Вила со 1:3. Аргентискиот репрезентативец за кој Сините на Бенфика и платија 107 милиони фунти, се истакна со многу јак слободен удар, кој голманот успеа само да го прочита.

Але го внесе Брегот на Слонова Коска во финале за лудница во Абиџан

Репрезентацијата на Брег на Слонова Коска откако едвај помина групна фаза како третопласирана селекција благодарение на други резултати и дури го отпуштија селекторот по дебаклот 0:4 од Гвинеја, стигна дури до финалето на Куп на Африкански нации кој се игра во нивната земја. Во полуфинале Брегот на Слонова Коска го победи ДР Конго 1:0 со голот на Себастијан Але во 65’ минута. Во финале ќе играат со Нигерија на 11-ти февруари.

Грд старт врз Мбапе, го гледаш и мислиш 2 години нема да заигра

ПСЖ синоќа го совлада Брест во Купот на Франција со 3:1 во натпревар на кој Мбапе веројатно се соочи со најголемиот страв за својата кариера, барем така изгледа на видеово. Му влезе Лилијан Брасиер во 69-та минута, директно на зглоб, но Мбапе, кој беше еден од стрелците, за чудо го одигра мечот до крај.

Игранка на Роналдињо на мал простор пред точно 20 години

Дај му ја во средина или пред шеснаесетник, ќе им го помати умот на сите и гол ќе даде. Дај му ја во шеснаесетник, па и на ваков начин како отпадок, пак ќе ги понижи во одбрана. За најмладите кои не го фатија неговото време, нека се посветат повеќе на неговите лудории на Јутјуб, нема да зажалат. Ова е пред точно 20 години против Осасуна за победа од 2:1.

Анегдота на Галијани за недисциплинираниот Роналдињо кој го нервирал Алегри

Масимилијано Алегри и Златан Ибрахимовиќ соработуваа една сезона во Милан и ја крунисаа со Скудето. Ама не било сè така розево.

Навивачки хумор за две гребла

Класика англиски фудбал. Мечот меѓу Кембриџ и Болтон бил прекинат во 10-та минута поради обилни дождови и натопен терен. На тревникот излегле двајца вработени на стадионот кои пробале да ја оправат состојбата на теренот. Гостинските навивачи удриле мајтап: „Имате само две метли“.

Баер е спектакл за гледање, голчиштево ни Кан не го брани

Тимот на Чаби Алонсо не само што води битка за титулата во Бундеслигата, туку ако продолжи во овој стил ќе може да се радува на двојна круна. Синоќа два пати губеа од Штутгарт во Купот и на крај славеа со пресврт од 3:2 во 92-ра минута за пласман во полуфинале. Роберт Андрих го има потегот на мечот со префинет удар во агол.

Клизач за орден, тројца ги посоки, со се неговиот

Дефанзивец на англискиот петтолигаш Халифакс, се надмина себе си и постави нови фудбалски стандардни за игра во одбрана. Со еден потег им влезе на тројца, ама она домаќински, од кои еден е од негова. Епилог? Пенал за гостинскиот тим Солихал за триумф од 1:3.

Татко и ќерка извозеле преку 2.100 километри со велосипед за да нацртаат срце

Ова се вика љубов. Татко и ќерка Французи, на велосипед направиле толку голема обиколка во Франција, доволна на ЏПС мапата да се исцрта срце.

Небесен излез од пресинг

На потегов би позавиделе Пирло, Савичевиќ, Давид Силва и Ријад Марез. Дечково си обезбедил влезница во редот на мајсторите со најдобри излези од пресинг.

Ја памтите ли најдобрата кореографија на полусезона?

За време на мечот од групна фаза на Лига Европа меѓу Олимпик Марсеј и Ајакс кој домаќинот го доби 4:3, навивачите на францускиот состав направија интересна кореографија како алузија на тоа што ривалските навивачи од Амстердам често го величаат Боб Марли.

Знае ли Јокиќ дека Сер Алекс Фергусон го купил најскапиот коњ на светот?

Легендарниот трофеен тренер и еден од најголемите на сите времиња, Сер Алекс Фергусон (82) синоќа бил главна вест во островските медиуми затоа што одвоил огромна сума за коњ.

Дончиќ одновно блесна, а навивачите на Бруклин му скандираа „МВП“

Постигна тројка од логото на теренот или речиси од центарот, направи топ асистенција преку цел терен и кога застана на слободни фрлања, во гостинската сала се слушаше „МВП“.

Само е февруари, а Миовски веќе има 20 гола, во Шкотска е главен хит

Во минатото коло Абердин одигра 1-1 против шампионот Селтик а злато вредниот бод им го донесе Бојан Миовски, македонскиот центарфор кој игра во животнa форма во Шкотска. Синоќа постигна гол и против вториот шкотски гигант Ренџерс и отвори широка дебата околу неговата иднина.

Кам бек на Ибра на Сан Ремо, овој пат со хит од Лепа Брена

Три години после дебито на најславната музичка сцена во Италија, Златан Ибрахимовиќ повторно се појави на Сан Ремо, овој пат со друга негова српска музичка желба.

Бојан прави шоу: по Селтик, Миовски го матираше и Ренџерс

Македонскиот репрезентативен центарфор продолжува со сјајните партии и заслужено е во фокусот на британската фудбалска јавност. Откако постигна прекрасен гол против гигантот Селтик, Бојан Миовски вечерва ја затресе мрежата и на вториот најтрофеен шкотски клуб Ренџерс и тоа на култниот стадион „Ајброкс“.

Перфектната асистенција до Батчуаи, Бонучи ја вежбал на тренинг

Барем така тврдат од Фенербахче, кои споредија две видеа, ги залепија во едно и ги објавија на своите социјални профили. Инаку асистенцијата на италијанскиот ветеран, кој на 36 години се реши од германска да се впушти во турска авантура е од викендов од мечот Анталијаспор - Фенербахче 0:2.

Иванишевиќ бесен го крши рекетот, Федерер со насмевка

Тениско ретро од 2000-та меѓу 29 годишниот Горан Иванишевиќ и 19 годишниот Роџер Федерер, во време кога младоста на швајцарскиот ас почна да напаѓа.

Сите голови на големиот Кристијано Роналдо на едно место

За да се опишат сите трофеи, медали, пехари и голови кои во кариерата ги постигна Кристијано Роналдо ќе треба страници и страници. Некој негов следбеник направил мегаломанска работа за која и самиот Португалец треба да му биде благодарен. Ги собрал сите негови голови во кариерата и ги ставил во едно видео кое трае скоро 3 часа! Кристијано има официјално повеќе од 850 голови за клуб и репрезентација со што е најдобриот стрелец во историјата на фудбалот на сите времиња.

Инспиративната приказна на јунакот од Лас Палмас

Кириан Родригез е 27 годишен фудбалер, не баш познат надвор од Шпанија. Со својата издржливост и одлучност стана симбол на неговиот тим и испирација за цел свет.

Матераци го пецна Јувентус

Интер го совлада Јувентус во дербито на Италија со 1:0 и се одлепи бодовно на табелата каде има четири бода повеќе и меч помалку од бјанконерите. Гостите од Торино како и многу пати сезонава, играа деструктивно, одбранбено и без некоја посебна идеја за противничкиот гол. Тоа го искористи некогашниот стопер на Интер Марко Матераци кој ги пецна со фотографија.