Светот на фудбалот отсекогаш бил бојно поле на издржливост и решителност и сцена каде приказните инспирираат, особено оние личните остварени со голема борба.
Една таква е за Киријан Родригез, играч од средниот ред на Лас Палмас, каде настапува уште од почетокот на кариерата.
Август 2022: Му дијагностицираат рак
На 26 години при рутински лекарски преглед животот му висел на конец. Воспалена слезина, високи нивоа на калциум и биопсија на циста биле потврда за неговите најлоши стравови. Рак или поточно Хочкин лимфом.
Февруари 2023: Ја завршува хемотерапијата
Следниот чекор му бил напорниот режим од шест сесии на хемотерапија по што ослабел и останал без коса. На страна физичкиот изглед, тоа што навистина го преплашило е дека никогаш повеќе нема да заигра фудбал. Но со за среќа хемотерапијата ја завршил успешно.
Април 2023: Прави кам бек на терен
И покрај тешкотиите, Родригез нишанел кон една цел, а тоа е фудбалот. И додека се лекувал тренирал. Во јануари месец му рекле дека е излечен, а во април направил триумфално враќање на терен, момент кој го означил стартот на новото поглавје во кариерата.
Мај 2023: Му помага на Лас Палмас да влезе во прва лига
Кам бекот на терен се покажал не само како негова лична победа, туку и успех за Лас Палмас, бидејќи му помогнал на тимот да обезбеди автоматска промоција во Ла Лига после шест години.
Јануари 2024: Прогласен е за играч на месецот
Со неговите игри, тој сезонава е најдобар стрелец на Лас Палмас со 5 гола, а изминатиот месец беше прогласен за играч на месецот во Ла Лига.
Сепак, искуствата на Родригез не само што го обликувале како играч, туку и како личност. Тој продолжил со студии по психологија и има холистички пристап кон животот.
Неговата приказна за враќање, обележана со решителност и непоколеблива поддршка од неговиот тим, семејството и навивачите, е светилник на надеж во соочувањето со проблемите.
