Сер Алекс Фергусон е голем љубител на коњски трки, на хиподроми и на сè што е поврзано со овие убави животни. Исто како и Никола Јокиќ, со тоа што Шкотланѓанецот синоќа поставил рекорд со најскапо платен тркачки коњ.
Некогашниот тренер на Манчестер Јунајтед платил 740.000 евра за коњот наречен Колдвел Потер и ова е најскапо платен тркачки коњ на сите времиња. Претходниот рекорд го држел Дарен Јејтс во Донкастер, кој платил на аукција 620.000 евра.
Новиот коњ во ергелата на Фергусон и неговите партнери претходно имал седум сопственици а важи за еден од најдобрите. Ќе тренира заедно со Пол Николс во ергелата во Дитчит.
Фергусон за коњите се грижи со неговите партнери Гед Мејсон, Џон Халес и Питер Дон кои исто учествувале во купување на коњот и формирање на тимот за трки.
Интересно, Сер Алекс Фергусон со коњот Спирит Денсер на крајот на минатата 2023-та година во Бахреин освоил турнир и заработил дури 500.000 фунти!
Фергусон го водеш Манчестер Јунајтед од 1986-та до 2013-та година и на овој клуб му донесе неверојатни 13 шампионски титули во Англија и два пехари во Лига на шампиони.
