Македонската фудбалска репрезентација не успеа да го задржи убавиот биланс против Италија. Четирикратниот светски првак ни се одмазди за Палермо.

Каде и да одат, македонските навивачи го креваат адреналинот. Тука е царот со тапанот кој го дупна на Европското во Букурешт, секогаш верниот Наце Митев, како и ред други верни поддржувачи на македонската репрезентација. Фантастичната атмосфера ви ја пренесуваме директно од Рим.

Во пресрет на големиот мегдан меѓу Тајсон Фјури и Александар Усик, борба која ќе значи обединување на сите шампионски појаси во тешка категорија, првиов му дофрлал нешто на Украинецот кој се насмеа. „Колбас! Мал грд човек, зајко“, викал Фјури додека Усик го слуша и се смее.

Со 15 поени, 5 скока, 4 блокади и три украдени топки Рајан Дан бил најдобар играч за тимот на Вирџинија Универзитетот во победата 66-32 против Тексас Саутерн. Дан важи за еден од најскочните кошаркари во Универзитетската лига а синоќа го имал забивањето на сезоната во ова првенство.

Македонската фудбалска репрезентација стои во редот на оние ретки селекции кои имаат позитивен учинок со повеќекратниот светски шампион Италија. Од таа причина Италијанците не се залетуваат многу со изјави пред вечерашниот мегдан на „Олимпико“ во Рим.

Бугарија минува низ најкатастрофалниот фудбалски период. Репрезентацијата смени селектор но јавноста бара коренити промени во фудбалскиот сојуз и го обвинува првиот човек Борислав Михајлов за ужасно раководење со фудбалот. Со децении не виделе Европско ни Светско првенство.

Публиката во градот Денгигшаер во Велс била спремна да го гледа големото финале на престижниот женски турнир во билијар „Шампион на шампионите“, но на крајот мечот се одложил.

Шведска доживеа прав потоп на гостувањето кај Азербајџан. Во Баку домаќинот со играч помалку од 54’ минута славеше со убедливи 3-0 и стави точка на катастрофалните квалификации на Швеѓаните кои претрпеа дури 4 порази и примија 12 гола. Играч на мечот беше Емин Махмудов кој постигна два гола од кои последниот на дуелот беше спектакуларен од пола терен за 3-0.

Фудбалерите на светскиот шампион Аргентина ја прекинаа серијата од 14 последователни победи. Капитенот Лионел Меси како ретко кога во кариерата изгуби живци и фати за врат противнички фудбалер.

Во 5. коло од квалификациите за Светско првенство, Колумбија со пресврт го совлада Бразил 2-1. Гостите поведоа рано уште во 4’ минута но јунак на вечерта беше ѕвездата на Ливерпул Луис Дијаз кој со два гола во рок од само 3 минути направи целосен пресврт. Од трибините го гледаа неговите ослободени родители кои беа киднапирани.

На денот на евроквалификациите, во Азија се играат квалификации за Светско. Јужна Кореја го декласираше Сингапур со петарда, а најјакото голчиште на средбата е дело на ѕвездата на Тотенхем, Мин Сон.

Со една сензационална победа, две нерешени и еден пораз Македонија има позитивен учинок против повеќекратниот светски шампион. Италијанската јавност и самата репрезентација се премногу внимателни кога зборуваат за овој меч.

Избрани луѓе ќе ви објаснат како е таму и зошто не е добро да ти се падне да пример да играш реванш во нокаут фаза од Лига на шампиони.

26 годишен Јутјубер ја баталил својата советничка работа. Сега ја игра својата омилена игрица со полно работно време, сам на себе си е газда и прави дупло повеќе пари.

На завршниот АТП турнир во Торино каде што се собрани најдобрите осум тенисери на светот, Андреј Рубљов го претрпе и вториот пораз. Подобар од него со 2-0 во сетови беше Карлос Алкараз. Во текот на мечот поради свои неизнудени грешки Рубљов во еден момент беше лудачки настроен кон себе.

Скоро и да немало континент и ќоше на земјинава топка каде што некој гледач не упаднал на терен да тргне да се слика со Роналдо или Меси на сред терен. Двајцата обично реагираат спротивно, едниот побурно, другиот посмирено.

Роналдо тука има 20 години, Кафу 35, значи 15 години постар и пак почит нула. Одговорот на еден од најјаките бразилски бекови во историјата беше едноставен, со еден потег.

ЛА Лејкерс и Сакраменто Кингс одиграа супер натпревар кој на крајот го добија „кралевите“ 110:125. Литванецот Домантас Сабонис одигра неверојатен меч со 29 поени, 16 скока и 7 асистенции, а по 28 поени додадоа уште и ДеАрон Фокс и Кевин Уерте. Кај Лејкерс Леброн имаше трипл-дабл со 28 поени, 10 скока и 11 асистенции, Дианџело Расел исто додаде 28 поени со по 5 скока и асистенции а Леброн ја имаше блокадата на вечерта во НБА.

Францускиот фудбалер Давид Жинола во Тотенхем дојде на голема врата, како докажана ѕвезда во ПСЖ (115 настапи - 44 гола) и Њукасл (76 настапи, 7 гола). Набрзо стана клупска легенда на Тотенхем за кој забележа 127 натпревари и прослави 22 погодоци. На првиот тренинг во јули 1997-ма додека трчал со новите соиграчи, се запознал и со Пол Гаскоњ, најголемиот цар во англискиот фудбал.

Непознати сторители доцна во ноќта истуриле канистри со бензин во локал чиј сопственик е грчкиот суперлигашки судија Андреас Гамарис.

Во пресрет на квалификациите за ЕП, Белгија и Србија одиграа пријателски натпревар за да го искористат слободниот термин на ФИФА во кој беа слободни. Домаќините славеа со голот на Јаник Караско по само 60 секунди игра, по едно лошо додавање на Страхиња Павловиќ.

Игнорирајте ја интервенцијата на голманот кој требаше да го скроти ударот како локум и внимавајте добро на реакцијата на шпицот во обид да ја турне топката која застана на гол линија. Сите се на нозе. Спектакл.

Ендрик е новото фудбалско чудо од Бразил. Има само 17 години а веќе е лидер на славниот Палмеирас кој е прв во бразилската Серија А и се бори за шампионска титула. Потпиша енормно богат договор со Реал Мадрид и ќе се пресели во Шпанија на лето следната година. Ендрик носи 9-ка на дресот. Сезонава на 27 меча од кои 14 како стартер има 9 гола. Заслужи повик за Бразил ама таму е веќе друга приказна.