Нов трипл дабл на Дончиќ, овој пат недоволен за 4:0

Минесота и Далас ќе играат петти натпревар во финалето на Западот. Тимбервулвс направи брејк на гостувањето во Тексас и намали на 3:1. 

Далас пред своја публика имаше прилика за чистка против Минесота со што ќе можеше да си дозволи и некој ден подолг одмор пред финалето закажано за 6 јуни против Бостон кој ја елиминираше Индијана со 4:0.

Но Минесота им закажа за два дена нова пресметка, овој пат на нивен терен.

Четвртиот меч во финалето од Западната конференција донесе неизвесна кошарка која беше решена во финишот и заврши со конечни 105:100.

На 5 минути до крај, Маверикс имаа водство од 90:89, но потоа Карл Ентони Таунс ги растури со три тројки.

На 13 секунди до крај Далас беше во игра откако Дончиќ постигна луда тројка за 103:100, а успеа да изнуди и слободно фрлање кое го промаши.

Ентони Едвардс беше прв стрелец на мечот со 29 поени, 10 скока и 9 асистенции, а Таунс му помогна со 25 поени.

Лука Дончиќ ја заврши средбата со 28 поени, 15 скока и 10 асистенции.

29 мај 2024 - 08:17

Штета ако сте пропуштиле

Повторувањето не е мајка на „Северна Македонија“

Вреди ли проверката на фактите?

Обратната ера на банките

Збирка @Trendolend