Стефан Ристовски и Аријан Адеми се многу блиску до нова европска одисеја во најелитното клупско европско натпреварување. Само од пласман Хрватите ќе инкасираат дебела сума на пари.

Трикратниот европски првак извади многу пикантерии од кариерата во подкастот „Bajkerot i Krosfiterot“. Ја освои Евролигата со Олимпијакос под водство на Душан Ивковиќ, а потоа и со Фенербахче кога тренер беше Жељко Обрадовиќ. Ретко кој спортист зборува волку опуштено и отворено, а плус и ги имитира. Открива дека Жељко од него барал да ја држи соблекувалната за да нема кланови. Потоа збор два и за Дончиќ и жена му, кога биле заедно на мекици. Интересно.

За 1 час и 37 минути игра, Јаник Синер го победи Франсес Тиафо со 2-0 (7-4 и 6-2) и го освои мастерс турнирот во Синсинати. Турнирот помина некако незабележително. Има и зошто. Не учествуваа најдобрите. Погледнете ја оваа нивна лавовска битка во финишот од последниот сет минатата година во финале.

Серија А со години е неосновано омаловажувана од квази фудбалски зналци, а истата од година во година прави супер резултати на европска сцена и е при самиот врв според резултати во еврокупови. Еве колку сезонски карти се продадени досега кај клубовите во Серија А.

Во последниот натпревар од 1. коло од новата сезона во Премиер лига, во малото дерби Лестер и Тотенхем си поделија по бод (1:1). Гостите први поведоа, а Џејми Варди на 37 години постигна нов гол по новото враќање во Премиер лига сезонава. Тренерот на Тотенхем Енџ Постекоглу го искористил правилото во Премиер лига воведено во 2021-ва кое вели дека во случај на потешка повреда на фудбалер на теренот, тренерот ако направил и пет замени, има право на дополнителни две само во такви случаи.

Јаден тој. Него супер прошол. Замислете ја сценава со Лацио - Рома или Бока - Ривер.

Август месец не е потсетник само на Олимпијади, туку и на други големи натпреварувања како на пример Светските првенства во атлетика. Ќе потсетиме на една незаборавна случка, која ретко се гледа во било кој спорт.

Реал Мадрид летово го доусоврши фантастичниот состав и сега има прави „галактикоси“ на терен. Ама тоа не е сигурност дека трофеите сами ќе си дојдат. Реал во моментов држи серија од 32 натпревари без пораз по ред во шпанска Ла Лига. Последен пат изгубија на 24-ти септември 2023-та од Атлетико Мадрид (3-1) и од тогаш немаат пораз досега. А на вечната листа со најдолги серии без пораз се трети.

Кинеската пинг-понг експедиција ја продолжи неверојатната златна ера во овој спорт. Кинезите и Кинеските со почеток од Олимписките Игри 2008 во Пекинг, па 2012 во Лондон, па 2016 Рио, 2020 Токио и сега 2024 во Париз прават дар-мар и ги освоија сите злата на Олимписките Игри. Шампиони се и шампиони и на Светските првенства. Еве еден фрагмент од сè-кинеско финале на Светско првенство кое неодамна се одржа во Макао.

Со головите на Самуел Мбангула, Тимоти Веа и Андреа Камбиасо, Јувентус успешно ги запали моторите во првото коло против Комо. Излезе интересен податок. Четири пати во последните пет сезони стартуваат со овој резултат. Некој да не ја фати точен?

Култниот стадион веќе со години е во лоша состојба, односно на многу места покривот прокиснува при силен дожд па често во сезоната се случува по натпреварите навивачите дома да се вратат утоп мокри. А на последниот дуел со Фулам некој сезонец дошол со бормашинче за да си го стегне столчето кое било расклатено.

Лестер и Тотенхем одиграа 1:1 во првото коло од Премиер лигата. Навивачите на Тотенхем го провоцираа 37 годишниот Џејми Варди кој им даде гол, а тој ги ишамара поштено: „Лестер има 1 титула, Тотенхем 0“.

На својот ТикТок профил, Новак Ѓоковиќ објави видео на кое објаснува што сè носи во огромните, широки, пространи торби за турнирите. Детално појаснува, а кажа и која книга ја чита во моментов.

Запознајте го Алерандро од Виторија и погледнете какво голчиште му даде на Крузеиро. Во Бразил се надеваат и на Пушкаш наградата.

Реал Мадрид се лизна во 1. коло од новата сезона на шпанска Ла Лига. На Мајорка одигра 1-1 против истоимениот тим, а ѕвезденото трио Мбапе-Винисиус-Белингем на полувреме дискутирале како треба да играат. Додека Бразилецот и Французинот тактизираат, Англичанецот им вика: „Еј вие тројца, завршувајте побрзо работа напред зошто е е*ено тешко да се враќа назад“.

Мајката на Новак Ѓоковиќ пред неколку години даде прекрасно интервју за Спортклуб. Меѓудругото раскажуваше за разни анегдоти од животот и кариерата на најстариот од нивните тројца синови. Имало и непријатни моменти.

Шкендија и Работнички одиграа 1:1 во 2. коло од новата сезона. Тетовчани поведоа благодарение на една ретко видена ситуација пред гол. Топката удри во едната статива, па во голманот и на крај во другата статива. И немаше да влезе, но Дин Аломеровиќ ја промаши со едната нога и ја бутна несакајќи со другата. Циркузи.

Некогашниот стопер на Манчестер Јунајтед, Милан и Ајакс кој беше синоним за касапин и месар во фудбалот, 52-годишниот Јап Стам сега понекогаш го викаат како стручен коментатор во студио да анализира. Го прашувале кој е подобар Ван Дајк или десетина други најпознати светски стопери.

Во четвртфинале на Лига Купот во САД, Лос Анџелес со 0-3 лесно го победил Сиетл Саундерс на гости. Легендарниот 40-годишен француски голман Уго Лорис кој има светска шампионска и светска вицешампионска титула со Франција, сезонава брани во САД. Веќе има запишано 2 асистенции за гол и двете за соиграчот од Лос Анџелес, Денис Буанга.

Вечните ривали Вардар и Пелистер се судрија уште во 2. коло од новата сезона во првата македонска лига. Го добија домаќините со 1:0, во прекрасна атмсофера на Градски, под рефлектори и со присуство на двете навивачки групи кои направија пиротехничко шоу. Комити како домаќини беа во драстично поголем број од Чкембари, а имаа подготвено и кореографија.

Во англиската Лига 2, односно четврта лига во фудбалската хиерархија играле Акрингтон и Харогејт. Мечот завршил 3:3 а еден од головите е после класичен англиски фудбал во воздух.

Дваесет и осум годишниот Бразилец Жоао Фигередо кој играл во Литванија, Грција, Обединети Арапски Емирати и сега е во Турција, викендов го дал најубавиот гол на колото во турската Суперлига. Неговиот Истанбул Башакшехир победил 4-2 против Аланјаспор а Фигередо постигнал прекрасен еврогол.

Како што почнаа фудбалите, така почнаа да се редат и убавите голови кон кои отсекогаш имаме слабост. Ријека ја совлада Истра со 4:0, а еден од најубавите голови на колото го постигна Пашалиќ. Да не дојде до забуна, не е ова поискусниот Марио Пашалиќ од Аталанта, туку Марко Пашалиќ кој и даде гол и на Македонија на пријателската на 3 јуни.

Рафаел Надал е често на Бернабеу како навивач на Реал Мадрид, а синоќа беше и во Мајорка. Првиот дрес од дебито на суперѕвездата го ќари токму тој. Најверојатно на претходно договорена средба. Килијан дојде спремен и му го извади од ранец.