Во интервју за Тајмс, сопственикот на мнозинскиот пакет акции во Манчестер Јунајтед, милијардерот Сир Џим Ратклиф ја потврдил веста дека постојат планови и дека активно се разговара околу изградба на нов стадион наместо досегашниот „Олд Трафорд“.

Во малото дерби на Барселона, Еспањол и Жирона одиграа 1-1 и си поделија по бод. Бојан Миовски играше од почеток за гостите и доби 70 минути пред да биде заменет од ветеранот Кристијан Стуани кој го израмни резултатот од пенал во 88-ма минута. Претходно Жоан Гарсија, голманот на Еспањол кој важи за еден од најдобрите голмани во шпанскиот фудбал, имаше невозможна реакција при еден топовски удар на гостински фудбалер.

ЛА Лејкерс играше сјајно и забележа дури осум победи по ред. Со доаѓањето на суперѕвездата Лука Дончиќ а заминувањето на Ентони Дејвис екипата играше уште подобро, но сега се повреди Леброн Џејмс и уморот како да ги стинува „езерџиите“.

Ливерпул игра фантастична сезона. Апсолутен лидер е во Премиер лига, на убедлив начин беше прв и во првата фаза во Лига на шампиони каде вечерва го очекува реванш од осминафиналето против ПСЖ кого го добија 0:1 на првиот натпревар во Париз. Но кај црвените има и некои трзавици меѓу Салах и Трент Александар-Арнолд кои за малку ќе се степале на последниот тренинг пред мечот со ПСЖ.

Во полската Екстракласа може да се види сè и сешто. Така на натпреварот меѓу Мотор Лублин и Легија Варшава во 10' минута гостите дојдоа до водство со чуден гол. Домашниот голман Кацпер Роса направи погрешна проценка, мислеше дека судијата досудил прекин и само ја спушти топката на терен. Шпанецот Марк Гуал го даде најлесниот гол во кариерата. На крајот мечот заврши 3-3 а Мотор Лублин израмни со вториот гол на мечот на Самуел Мраз во 90+10' минута од судиското продолжение.

На неполни 48 часа по првиот меѓусебен дуел во „Пејком Центар“, Денвер Нагетс се одмазди за поразот и против истиот ривал славеше 140-127.

Германскиот тренер е најдоброто нешто што и се случило на Барселона во последниве години. Со него на клупата Каталонците играат убав фудбал како некогаш и се поефикасни дури и од страшните сезони со Меси-Суарез-Нејмар. За убавиот фудбал на Барса најзадолжен е Ханси Флик, некогашниот шампион со Баерн Минхен и германски селектор. Тој ризикува отворен фудбал по цена и на ризични офсајд-замки.

Трофејниот грчки колектив Олимпијакос кој има бројни титули во европскиот и грчкиот фудбал и кошарка, деновиве одбележа 100-годишнина од своето основање. На неколку пригодни манифестации на кошаркарскиот, фудбалскиот клуб и други секции, навивачите им честитаа роденден на црвено-белите.

Манчестер Јунајтед и неговиот тренер Рубен Аморим пред неколку недели проценија дека Антони не им треба сезонава и го дадоа на позајмица во Бетис. А таму бразилскиот репрезентативец има 4 гола и 3 асистенции на 9 натпревари. Заедно со Иско се најзаслужни за големиот подем на клубот од Андалузија.

Кавај Ленард е јунак на вечерта во НБА. Ветеранот и двократен НБА шампион од 2014-та и 2019-та со Торонто, направи фантастичен продор и постигна кош меѓу пет противнички играчи во последна секунда од мечот кој ЛА Клиперс го доби 111-110 против Сакраменто Кингс.

Во 23. коло од македонската фудбалска лига Беса го совлада на гости Шкупи (некогашна Слога Југомагнат) со 2-3. Во 60-та минута од мечот најубав гол на сезоната постигна поранешниот македонски репрезентативец Влатко Стојановски со удар од преку половина терен.

Во 11. коло од мексиканската Лига МХ, Клуб Тихуана и Атлас одиграле синоќа неверојатен натпревар на кој домаќините воделе 3-0 а гостите на крај победиле 3:4 со голови во 61-ва, 82-ра, 87-ма и 90+10' минута. Пресвртот го најавил Дорија со невозможен погодок со потег шкорпион, а Србинот Урош Ѓурѓевиќ постигнал хет-трик од 82-ра до 90+10-та минута за конечни 3-4.

Арсенал успеа да освои бод и да избегне пораз на „Олд Трафорд“ против Манчестер Јунајтед во натпревар кој заврши 1:1 само благодарение на голманот на „топџиите“ Давид Раја. После ова Арсенал има дури 15 бода помалку во однос на водечкиот Ливерпул.

Во 5. коло од австралиската регионална фудбалска лига НПЛ Викторија, клубот на македонската дијаспора Престон Лајонс со 2-0 го совладал тимот на Јужен Мелбурн кој е клуб основан и бодрен од грчката дијаспора во Австралија. Ова е прва победа на „лавовите“ против Јужен Мелбурн после скоро четири децении.

Арсенал уште еднаш ги разочара своите навивачи, откако ремизираше 1-1 против најслабиот Манчестер Јунајтед во последните неколку години. „Топџиите“ одиграа само 1-1 и се спасија од пораз затоа што нивниот голман Шпанецот Раја на неколку пати спасуваше чист гол. Сега бодовната разлика меѓу првиот (Ливерпул) и вториот (Арсенал) на табела во Премиер лига е цели 15 бода. Трката за титулата практично како да подзавршува.

Реал Мадрид потешко од очекувањата со 2-1 го совлада Рајо Ваљекано и го искористи киксот и поразот на градскиот ривал Атлетико Мадрид за да го престигне на табелата. Сега Барселона е прва со 57 бода колку што има и Реал Мадрид но Каталонците имаат натпревар помалку. Реал славеше со головите на Мбапе во 30' минута и мајсторијата на Винисиус Жуниор во 34-та минута.

Во клучниот дел од сезоната најтрофејниот италијански клуб Јувентус игра мизерно. По срамното испаѓање од италијанскиот Куп дома од Емполи, бјанконерите испаднаа и од Лига на шампиони (ПСВ). Во неделата вечер Аталанта ги декласираше на нивен терен 0:4 и им го нанесе најтешкиот пораз со децении.

Стариот добар Клаудио Раниери уште еднаш потврди дека е мајстор на својот занает. Тој се врати од пензија со цел да и помогне на саканата Рома која беше во сериозна криза. Сега со него на клупата Рома има 6 победи по ред (5 во Серија А). Попладнево го совладаа Емполи 0-1 со гол на сјајниот млад аргентински бисер Матијас Суле. Во 22-ра секунда, гол кој влегува на листата најбрзи во историјата на италијанскиот фудбал.

Тренерот на женската фудбалска екипа Вејк Форест во универзитетската лига на САД, Тони да Луз, фрустриран од промашен пенал на неговиот тим, се заглави во една корпа до резервната клупа.

Актуелниот НБА шампион Бостон Селтикс синоќа го совлада ЛА Лејкерс 111:101 и ја прекина победничката серија на ривалот која траеше дури 8 натпревари по ред.

За време на дуелот од 22. коло на фудбалската лига на Иран меѓу Алуминиум Арак и Зоб Ахан кој завршил 2-0, гостинскиот бек Надер Мохамади повторно го потсети фудбалскиот свет дека тој ги изведува најлудите аути.

Македонскиот репрезентативец Елиф Елмас денес постигна нов погодок за Торино во италијанската Серија А, против Парма на гости во натпревар кој заврши 2:2. Елмас блеска по враќањето во Италија и ова му е трет гол. Претходно стрелаше против Монца кога доби награда за играч на натпреварот а погоди и против Болоња.

Никола Јокиќ одигра рекорден натпревар со учинок каков што никој никогаш немал во НБА лигата. 31 поен, 21 скок и 22 асистенции имаше во триумфот на Денвер Нагетс против Феникс Санс. После натпреварот новинар го праша дали е свесен дека одиграл историски натпревар, Јокиќ во свој стил скромно вели:

Португалскиот ас постигна нов гол за саудискиот Ал Наср. Вкупно 926. погодок во неговата блескава кариера со што се приближи до чудесната бројка од 1.000 гола која му е нескриена цел.