По три години пауза, Милан е на чекор до кам бек во Европа, а последната пречка која се вика Шкендија од Македонија според реномираната Газета дело Спорт е најлесниот противник кој можел да му се падне на седумкратниот европски првак.

Дека лотаријата на УЕФА за доделување карти беше тешка глупост, доказ е тоа што во вторник на Филип Втори ќе има многу луѓе што имале среќа, а не желба и страст за фудбал. Нашата Нада, една од најстрастните навивачки на Манчестер Јунајтед дише со клубот повеќе од Фергусон. Па за нејзе ли да нема карта?

Штом Сан Сиро крцаше во 3-то квалификациско коло за ЛЕ, тогаш Шкендија дека биде спремна, бидејќи домаќинот ќе има поддршка од сигурно најмалку 70.000 навивачи.

Пласманот на словенечкиот прволигаш во плејофот од ЛЕ е сензација, бидејќи го елиминираа бундеслигашот Фрајбург и затоа што за прв се наоѓаат на само еден чекор до групна фаза. Ако сум мал, ајде сите по мене.

Фудбалската треска во Македонија ова лето ќе продолжи во голем стил. По финалето меѓу Манчестер Јунајтед и Реал Мадрид на 8 август, на арената Филип Втори ќе се истопорат уште два гиганти. Во плејофот од ЛЕ, Шкендија го пречекува великанот Милан, а Вардар го доби Фенербахче.

Како никогаш до сега фудбалските клубови од нашиот полуостров тргнаа одлучно и офанзивно на меѓународната сцена. Бројката на екипи учесници е импозантна. Дури 15 балканци се на еден меч до пласман во групната фаза од Лига на шампиони и Лига Европа. Хрватите и Грците се најбројни.

Хофенхајм - Ливерпул и Наполи - Ница се најинтересни двојки кои беа извлечени на денешната ждрепка за плејофот во Лига на шампиони. Ријека го доби најтешкиот противник за да стигне до историја.

Селтик славеше 0:1 на гостувањето против Розенборг, гол вреден плејоф во Лига на шампиони. Според изгледот на лицата на навивачите голот на ова видео изгледа уште не е паднат. Него друго ни е муабетот, 20 пива се во прашање или?

Ромарио го освои во 1994-та. Потоа дојде редот на Роналдо во 1996-та и 1997-ма и повторно во 2002-ра. Ривалдо беше избран во 1999-та, Роналдињо во 2004-та и 2005-та, а Кака во 2007-ма.

Новото засилување на Манчестер Јунајтед од Челси дебитираше на вчерашниот пријателски натпревар против Сампдорија кој го добија со 2:1. Црвените ѓаволи платија 40 милиони фунти за да ја пополнат позицијата на која до 2005-та царуваше Рој Кин, со надеж дека конечно доаѓа вистинската замена. Србинот на почеток покажа човечки вредности.

На пет дена до фудбалскиот празник во Скопје кој ќе ни го приредат великаните Реал Мадрид и Манчестер Јунајтед и нивните навивачи, еден од 12.000-те македонски среќници на лотаријата организирана од УЕФА се откажува од својот билет и го става на оглас. Цената џабе.

Легија Варшава со вкупен резултат 2:3 е елиминирана во 3-то квалификациско коло за ЛШ од Астана (Казахстан). Но никој не зборува за изненадувачкиот резултат, туку за спектакуларната и малку морничава кореографија со која домашните навивачи потсетија на Варшавското востание од 1 август 1944-та, кога фашистичка Германија по наредба на Адолф Хитлер уби 160.000 луѓе.

Бидејќи Тв Нова 45 минути ја чекавме да се вклучи во пренос, а за малерот да биде поголем некои се пожалија дека еден кабловски оператор имал технички проблеми, па не гледале ниту второ, бујрум сите 5 гола од синоќешниот квалификациски натпревар меѓу Копенхаген - Вардар (4:1), на кој македонскиот шампион не успеа да се избори за историја.

Само уште 15 минути Вардар требаше да издржи и да загуби 2:1 за да испише историја за македонскиот фудбал, но и по поразот од Копенхаген (4:1) има можност за такво нешто. Само проблемот е што ќе треба да елиминира голем клуб.

Дресот на иконата на Рома нема да оди кај него дома, кај навивачите или во музејот на клубот, туку на посебно место како еден вид подарок од Рома во согласност со Тоти.

Нејмар денеска не тренираше со колегите, туку само се појави да ги извести дека си заминува од Барселона и се сели во ПСЖ. Со Меси беа заедно 4 години и освоија 8 трофеи. На својот инстаграм профил му остави порака и видео за збогум.

Горан Бркиќ и Ник Капун од Олимпија Љубљана постигнаа два гола на еден ист меч, за кои џабе е кој голман ќе се најде меѓу стативите.

Кога Кака играше во топ форма беше мераци да се гледаат неговите игри за Милан и Бразил. Пазете каде ја прими и колку истрча, се разбира со завршница, а чувар Лионел Меси кој џабе се измори.

Францускиот гигант е одбиен во обидот да го потпише бразилскиот напаѓач ова лето, но тие ќе се вратат следното со поголема понуда и за клубот и за играчот, пишува Гол.ком во 2016-та.

Лондон ќе биде домаќин na 16-то Светско првенство во атлетика во периодот од 4-ти до 13-ти август, каде ќе го гледаме последниот спринт на Усеин Болт кој потоа најави пензија. Легендарниот Јамајканец има 11 златни медали од СП и 8 златни медали од ОИ и сè уште е актуелен неговиот рекорд на 100 метри кои на Мундијалот во Берлин ги истрча за 9,58 секунди. Гледајте ја внимателно разликата меѓу него и Тајсон Геј. Еуроспорт подготви одлично аналитично видео за кралот на оваа атрактивна трка.

Карлос Енрике Кајсер е еден неповторлив лик од 80-те и 90-те кој со пластичен телефон лажел дека зборува со менаџери за да покаже дека е фаца и дека го бараат во Европа. Најјакото за него е што направил 20 годишна кариера како напаѓач без да постигне гол.

Со ваква брзина и техника на 12 години, Леброн дефинитивно дома го има својот потенцијален наследник во НБА лигата, кој често се истакнува со атрактивни потези.

Екипите на Ливерпул, Баерн Минхен, Наполи и Атлетико Мадрид денеска и утре ќе учествуваат на петтото издание на Ауди Купот кој се одржува на Алијанц арената во Минхен. На прес конференцијата седнаа сите четворица тренери заедно, Диего Симеоне имаше проблеми со звукот, Јирген Клоп мртов ладен стана и ја реши ситуацијата. Нема човеков е роден за спонтани шеги.

Кога еден Баџо, Сињори, Тоти, Трезеге или Инѕаги не може да се избори за врвот на табелата на најдобри стрелци во италијанското првенство, тогаш јасно е кои се бомбастични имиња ја краселе Серија А пред 16-17 години. Читаш од горе до доле и едноставно не ти се верува колку е силна конкуренцијава.