ЕВН во неизвесна завршница до победа над Телеком
ЕВН 3-2(1-1) Македонски Телеком
ЕВН: Бојан Симоноски 7’ Наум Бадаловски 23’ Бојан Маџовски 25’
Македонски Телеком: Михајло Лазаревски 20’ Агрон Пацоли 40’
Возбудливо и неизвесно прво полувреме одиграа екипите на ЕВН и Македонски Телеком, уште на самиот почеток и двете екипи наметнаа високо темпо на игра. Екипата на ЕВН во 7та минута преку еден контра-напад успеа да го отвори резултатот, по ова водство тежиштето на играта се префрли на средината на теренот. Сепак во последната минута од полувремето Лазаревски успеа да искористи кикс на одбраната и да го израмни резултатот на 1-1. Во второто полувреме жестока борба низ целиот терен со многу шанси на двете страни, во таквата отворена игра екипата на ЕВН беше поснаодлива и успеа да стигне до водство од 3-1. Во последните 10 минути од натпреварот екипата на Македонски Телеком во игра вметна голман-играч обидувајќи се резултатски да се врати во натпреварот, но екипата на ЕВН умешно го сочува својот гол и го доби овој натпревар со 3-2.
Во дожд од голови Сава Осигурување ја совлада Аџибадем Систина
Сава Осигурување 12-5(6-2) Аџибадем Систина
Сава Осигурување: Коста Глигуровски 6’ 16’ 18’ 29’ 31’ Данило Апостолски 9’ Данило Поповски 14’ 15’ 27’ Андреј Китановски 32’ 39’ 39’
Систина: Влатко Кузманов 15’ Кристијан Димковски 19’ 23’ 38’ Игор Ѓорѓиевски 37’
Интересно прво полувреме одиграа екипите на Сава Осигурување и Аџибадем Систина, уште од првата минута и двете екипи тргнаа со напаѓачки фудбал и најавија натпревар полн со голови. Екипата на Сава Осигурување денеска беше голгетерски расположена и распали кон голот на Систина уште во 6та минута, екипата на Аџибадем Систина во првото полувреме не можеше да најде против-игра па го загуби првото полувреме со високи 6-2. Во второто полувреме екипата на Сава Осигурување продолжи со високо темпо на игра и со брзи акции од минута во минута го зголемуваше водството, Аџибадем Систина се обидуваше да го намали водството на Сава Осигурување но во вториот дел успеа да постигне само еден гол, на крајот од натпреварот резулатот изнесуваше 12-5.
