Лидерот на Денвер Нагетс игра неверојатна сезона. Синоќа во триумфот над Њу Орлеанс Пеликанс го забележа својот трет трипл-дабл учинок по ред, а вкупно 9-ти сезонава.

Кошаркарите на ЛА Лејкерс ја совладаа Јута Џез на домашен паркет убедливо 14-0:126 а на теренот после долго време пауза се врати ветеранот Леброн Џејмс, еден од најдобрите кошаркари во историјата. Лука Дончиќ го пречека со маестрална партија за победа.

Во репрезентативните битки овие денови, имаше многу солзи радосници за мундијалскиот пласман, но и тага кај еден од капитените. 35 годишниот Тему Пуки се прости од селекцијата на Финска на пријателска против Андора со многу емоции. Плачеше и тој, но и сопругата и мајката кои му ракоплескаа од трибина. Се повлече како прв стрелец на националниот тим со 42 гола, како и 132 настапи. Повеќе од него има само Јари Литманен (137). Дебитираше на 18 години.

Новак Ѓоковиќ е снимен расположен и распеан во кафана на жива музика, во друштво на Ана Ивановиќ. Српските медиуми пишуваат дека ова е нивна прва дружба после 10 години, поради тоа што не биле во добри односи.

Тениската репрезентација на Белгија направи големо изненадување откако ја исфрли Франција од завршниот турнир на Дејвис Купот по триумфите на Рафаел Колињон и Зизу Бергс над Корентен Муте односно Артур Риндеркнеш. На дуелот на Муте против Колињон, Французинот се обиде да направи еден потег но се изглупира, го изгуби гемот со брејк и на крајот изгуби.

Познати се 42 од 48 сигурни учесници на Светско првенство 2026. Преостанатите ќе се дознаат по завршување на баражот. Во Европа ни е познато како функционира овдешното доигрување, а ФИФА веќе со децении организира и меѓуконтинентален бараж за некои далечни егзотични земји.

На официјална свечена вечера во Белата куќа каде домаќин бил првиот човек на САД Доналд Трамп, а меѓу главните гости саудискиот принц Бин Салман и славниот Кристијано Роналдо, се зборнало и за фудбал.

Да смириме малце нервите со тоа дебаклот од синоќа. Погледнете колку е напреден Кристал Палас технолошки, во однос на размислувањата кон своите навивачи. Станаа првиот фудбалски клуб во светот, кој нуди постојана технологија за навивачите со оштетен вид, со цел да им го подобри искуството на натпреварите. 

На шест и кусур месеци до стартот на Светското во САД, Канада и Мексико, имаме 42 познати учесници, а слободни места имаше уште шест. Од екс ју земјите, за сега е само Хрватска. Словенија, Србија и Црна Гора ќе бидат гледачи, а Македонија и БиХ ја имаат последната шанса преку бараж.

Македонија се соочи со срамен пораз во Кардиф од селекција, која не е ниту Бразил, ниту Аргентина. Но, македонските навивачи не разочараа. Ечеа македонски песни во еден од баровите.

Како и што најавувавме пред извесно време, репрезентацијата на Курасао успеа да испише историја и за првпат да се пласира на еден Мундијал. Стана најмала земја во историјата која некогаш се квалификувала за Светско првенство.

Фудбалската репрезентација на Австрија обезбеди пласман на Светско првенство 2026 откако одигра 1-1 против Босна и Херцеговина на домашен терен во Виена и го сочува првото место.

Во светот има многу спортови и секој е убав на свој начин. Ама она што може да го исценира фудбалот, не може ниту еден друг спорт. Вечерва во Глазгов играа Шкотска и Данска. На Шкотланѓаните им играше само победа за директен пласман на Светско првенство. На Данците им одговараше и бод за да избегнат тежок и мачен бараж.

Македонската фудбалска репрезентација го претрпе првиот пораз во квалификациите за Светско првенство и тоа убедлив. Вечерва во Кардиф, Велс славеше со 7:1 (3:1), највисока победа во последните 47 години за нив, и го освои второто место во групата. Македонија оди во баражот благодарение на Лига на Нации, а противниците таму ќе ги дознае во четврток.

Австрија и БиХ вечерва имаат директна пресметка за првото место кое носи во САД. Австријците имаат 18 бода, а Босанците 16, што значи мора да победат, ако сакаат да го слават своето второ учество. Дебитираа во Бразил 2014. Според проценките, помеѓу 20.000 и 25.000 навивачи ќе го бодрат тимот на Сергеј Барбарез, а во австриската престолнина доаѓаат босанци од Швајцарија, Германија, Америка, па се до Сараево, Зеница и Високо.

Секогаш е интересно да се чуе што им зборуваат тренерите на фудбалерите пред натпревар и во нивните говори може да се забележи дека нема многу филозофирање. Стол Солбакен беше кус и јасен и со прости зборови им кажа на своите избраници, како треба да се претстават на гостувањето во Италија, кое и да го загубеа ќе беа први.

Вториот пик од НБА драфтот во 2016-та, лидерот на Торонто Репторс, Брендон Инграм (28) синоќа во победата на неговиот тим 110-108 над Шарлот Хорнетс имаше 27 поени, 6 скока и 3 асистенции. И едно забивање над рукито Рајан Калкбренер кое уште долго ќе се повторува.

Трофејниот бразилски клуб Сантос од каде потекнаа Пеле и Нејмар, води грчевита борба за опстанок во тамошната прва лига Серија А. Сантос е само едно место над зоната која води во втора лига, со 36 бода, 1 повеќе од Виторија. Синоќа го победија Палмеирас со гол во 90+1' минута а Нејмар пак се глупирал.

Налетавме на фото приказ, каде стојат по шест репрезентации, на кои четворицава господа им дале најмногу голови во кариерата. Во однос на шегата од насловот, само Кејн ја затресол мрежата на Македонија, два пати, а Левандовски и Роналдо играле по два пати, ама не биле стрелци. Ниту па Халанд, ама тој не ни играл против нас.

Во раната фаза од Купот на Франција играат малку познати нисколигаши. Ама таму е правиот фудбал, оној мераклиски за ќејф на гледачите. На дуелот меѓу АС Витре и Плуворн, гостинскиот голман Орелијан Дениел го израмнил резултатот на 1-1 во длабоко судиско продолжение со еврогол од ножички. После на пенали одбранил два пенали и со вкупен резултат 4:3 го исфрлиле Витре од Купот на Франција. Филмска приказна.

Легендарниот португалски тренер ја води Бенфика. Таму во последно време покажува каков благороден човек е. Често одел во менза во академијата да појадува со младите фудбалери а сега истите ги довел и на тренинг на првиот тим. Да гледаат како тренираат постарите.

Го носи епитетот дерби, поради она балканското, како две екс ју земји, но не и според квалитетот. Но, сепак Црногорците и покрај тоа што завршија претпоследни, зад Фарски Острови и само пред Гибралтар, пружија силен отпор. Водеа 2:0 после 17 минути игра, но загубија 2:3. Ги издвојуваме головите на Крстовиќ и Влашиќ, како и одбраната на Ливаковиќ на крај.

Селекцијата на Норвешка прави кам бек на Светско после пауза од 28 години. На тој Мундијал во Франција 1998 стигнаа до осминафинале, а претходно имаат уште две учества: 1994 и 1938. Четвртиот пласман го прославија со фешта. Халанд и другарите имаа голем пречек во Осло.

Соиграчи во ПСЖ, другари во репрезентација. Плус млади. Забавата на загревање оди вака: