Во 60-тите години немаше Идол и Талент ама затоа ББЦ ја емитуваше доста популарната Џубокс жири во која четворица панелисти оценуваат нови синглови и им даваат оценка "хит" или "утка". Во една од емисиите, рецензент е Џон Ленон.

Значи, да знаете, ако видите некој од наша редакција во кола и решите вака да му играте на пат, тој ќе биде дечкото во црната маица. Вие ќе бидете оној во тренерки, без разлика колку женски имате во ауто.

Последната епизода од Игра на троновите беше една од најневеројатните парчиња телевизиска програма веројатно во целата историја на тв сериите. Луѓето што знеа што ќе се случува (што ги прочитале книгите) решија да ги снимаат реакциите на своите пријатели. Конан ова му го пушта на Џорџ Р. Р. Мартин.

Спојте ги проблемите кои Глоријан ги има со ритамот со меланхоличноста на Роби кога пее за Столе (плус додајте аутотјун) и го добивате дечкото кој во моментов важи за најлошиот рапер на светот, и тоа онаму кај што конкуренцијата е најголема, на Јутјуб. Се вика Дени (D4NNY) ама овој Дени не само што не те чува туку те изложува на опасност да убие секаква радост во тебе. Офкорс, симпа.

Човекот го занимало каков пат проаѓа една пратка, низ колку раце минува пред да стигне до саканата адреса. Па ставил камера со тајмер во неа и еве го погледот од неговата кутија.

Блогот на кој наидовме има само една специјалност: собира слики и информации за соби или апартмани кои се издаваат во Њујорк, по цена која човек може да си ја дозволи. Блогот се вика "Најлошата соба" па вие видете. 

За време на прослава на ученичкиот оркестар на малиот му паѓа чинелата. Друго дете ќе се наведне па ќе ја земе. Тој реагира поинаку.

Колективно апсење на илегални имигранти во едно предградие на Москва. Штета што нема да разбереме како успеале да ги натераат да бидат волку послушни.

Разликата меѓу обичните родители и родителите фотографи е што овие вторите уште пред да се родиш ти имаат смислено како да те "малтретираат" додека си пинцур.

Решавање крстозбор е тешко, создавање крстозбор е мака, создавање крстозбор по американски правила (дијагонални црни коцки, без зборови од две букви...) е пекол. Ова што го прави дечкото не треба да е возможно.

Како ќе реагирате доколку од саканото лице ја добиете следнава СМС порака: "Види, не бев комплетно искрен/а со тебе"? А потоа ти ќути и не одговара на повици. Ако не сакате да знаете за вас, тогаш пратете ја вие први истата порака.

Југославија во 1964-та (а и во следните години), била единствена држава во Источна Европа во која американската авио-компанија Пан Ам воопшто имала линија. Уште тогаш Пан Ам ревносно работи на маркетинг и промовирање на своите дестинации. Ова е краток филм за Југославија од 1964-та. Забележете го првиот кадар и прашањето.

Креативни возуелни решенија за тоа која европска држава на што личи. Ај што нè пишале Фиром (тоа лесно се чкрта), туку што не сме сигурни што претставува Македонија.

Мајката го седнува малиот да јаде. Малиот на пол позиција. Пред да почне сака да ја праша нешто. Во рок од две минути успева да се извади од јадење на вечерата, комплетно да и ги поремети сите уверувања и животни филозофии околу храната и на крај прави таа да заплаче. И сето ова му успева без ниту да писне.

Никакви посебни културни и забавни проекти не им требаат на нашите тажни градови за да живнат. Ништо. Потребно е само ова масовно да фати замав. Пренкерсајз, уникатниот фитнес стил на Џоана Рорбек измислен уште пред 20 и нешто години, кој, според авторот, е инспириран од движењата на - параден коњ. Ѕирнете и замислете ги нашите патеки, паркови и тротоари, полни со девојки и жени излудени по оваа фитнес манија. Па има ли боље?

Ван Перси и уште двајца (не знаеме до толку) им кршат кичма на деца со маалски дриблања. Техникалија: овој "спортски" клип е лоциран овде само за да им покажеме на дечките од Офсајд дека можеме да бидеме побрзи од нив (додуша, по десетици неуспешни обиди). До Јумбо: стандардно, 100 пива и 200 кебапи, фала лепо. Редакцијата.

Пред пакувањето на гламурот од Кан, фотографот Фабрис Дал'анесе ги фотографира некои од најголемите ликови кои годинава се појавија на Канскиот фестивал.

Доаѓа летната сезона па не е лошо уште сега да се наштелуваме. Потсетување на еден супер склопен циркуларен текст на тема: Македонец на плажа.

Нашите златни деца знаат да бидат брутални идиоти кон други деца. А жртвите често молчат за тоа. Каин Смит решил да не молчи. Има 11 години и долго косиче. Е добро, мајка му е лезбејка, па што?

Јебеш ти држава ако нема барем две пива кои безмилосно се тепаат на пазарот. Оваа стара мудрост во последно време махерски ја разбиваат прилепчаните од Даб. Она на јахтата така- така, латиницата на новата етикета не ни е баш по ќеиф ама последниов спот - пасент. Изработиле дечките од Футура 2/2 а спотот режисерски "мириса" на Ангел, еден наш супер дечко кој работи во Бугарија.

Овлажнувач на воздухот е една од основните работи во секоја поголема канцеларија, и никогаш не е нешто упадливо, паметно или интересно. Сè додека некому не му текна да го направи ова употребливо за широки народни маси.

Одат дечките по светов и зевааат покрај луѓе. Фасцинантно е колку е тоа заразно. Само едни двајца црнци не наседнаа. Ние наседнавме, неколкупати.

Веројатно од магионичарскиот еснаф ги мразат ваквите колеги кои јавно ги откриваат триковите ама ние другиве едвај чекаме да сфатиме како сме прелажани. Еве еден таков трик за кој ви е потребен партнер, непотребно облечен  како нинџа.

Документарна драма за тимската работа на група китови убијци, полакомени по една јадна фока. Навистина силно пренесена приказна, со сите драмски интерпункции. За крајот нејќеме ни да зборуваме. А што убаво Холивуд ни ги завршува приказните.