1. Основачите на Гугл биле подготвени во 1999-та да ја продадат компанијата на Excite за помалку од 1 милион долари, ама Exite ги одбил.

2. Во анкета од 2008-ма, 58% од британските тинејџери сметале дека Шерлок Холмс бил вистински човек, а 20% сметале дека Винстон Черчил бил измислен лик.

Музичко катапултирање во подобрите години од нашите животи. Музиката на Скот Бредли за Том и Џери, изведена во живо од оркестарот (симфониски плус џез) на Џон Вилсон. Со цел арсенал инструменти и дрангулии за ефекти. Парчето е составено од музика за осум цртани со Том и Џери. Шест ипол минути уживање, а после седнујте да пишувате тоа домашното.

Како да земеш парче чоколадо а да ти остане цело чоколадо? И јасно ќе ви е за каков геометриски трик се работи ама пак ќе си го пуштате видеото одново и одново, бидејќи целата идеја е просто - магична!

Јунакот на ова видео признава: "Во нашето семејство ништо не ставаме во банка. Штом добиеме некоја пара, таа веднаш се троши". Звучи како позната македонска приказна. Само што ич не е.

Загрижена дека технологијата ги разделува луѓето, Милка направи технологија која ги тера луѓето да соработуваат меѓу себе, или барем да си пружат рака со непознат додека да добијат гратис чоколадо.

Можеби кога многу повеќе архитекти и инженери би биле на малку повеќе ганџа, светот би изобилувал со вакви неодоливи решенија. Секоја чест.

Внимание: сликите можат да предизвикаат сериозен сексуален набој, внимателно да се прегледуваат.

Да се разбереме: сите, ама сите овие финти можеме да ги направим и ние. Потребно е само карпата да е ПОД нас.

Логиката му е добра: зошто да го рушиш цел ѕид кога можеш да го закршиш само оздола па тој да падне. Со тоа што....

Воведот за 14-та епизода од The Simpsons Treehouse of Horror го прави Гилермо дел Торо. Како на дете да сте му рекле - кажи што сакаш и ќе нацртаме се што ќе ти текне.

1. Ако си дебел тогаш браниш.

2. Тој што ја донел топката кажува кој ќе игра.

- Сине, зошто ти не свириш флејта? - Па, како прво, немам флејта. - Ајде, ајде, доста со правдања...

Камерман кој е во постојана потрага по што постабилен кадар, налетува на фамозниот интернет клип за кокошките и нивниот перфектен жироскоп (што го искористија и Мерцедес за реклама). И пазете го сега ова. 

Не дека знаеме денеска до каде е работата ама светот на машката мода во 50-тите години бил прилично непријатен. Цреп, во тиграсто спидо, на пола метар од вас, доволно?

На почетокот со брејкденс се занимаа разиграни дечки од гетата, од Њујорк до Скопје. Денеска на сцената владеат момци кои очигледно биле каскадери во филмови на Џеки Чен.

Некаква кампања за шпанска музичка телевизија, за тоа колку е важна музиката кај песните. Ѕирнете ги клиповите, ако не за нешто друго да видите како шупливо изгледа сето тоа без нешто да ѕенѕа во позадина.

Првата реакција по гледањето на клипов беше: сега врзуваш точакот пред првата кафана и не излегуваш од таму. Втората реакција беше: девојчево си се врати назад.

Во следните 4 минути и 20 секунди, приуштете си примирје и заборавете на сите работи кои со право ве нервираат, гневат, снеможуваат или ве прават разочарани од луѓето. Затоа и се тука кучињата.

Кој во животот морал да се тупи со статистика а не е по бројките (поздрав до соборецоот Васе К-15) знае дека тоа е една мошне нешармантна и крута наука. Овојпат, имаме многу досетлив начин како нејзините тајни можат да станат видливи и разбирливи. Ќе беше пофино да е со порно ама јбг, балет. 

Поентата на понтонски мост е да остане над вода и да биде користен само во итни ситуации, а не како трајно решение. Ама, на овој мост му се паднало да биде поставен во Русија. Бонус поени за дечкото во камионот.

Ако со нас ја делите згрозеноста од количеството патетики и споменарски мудрости со кои е преплавен Фејсбук, тогаш да го побараме коренот. Можеби уште во школо така ги учат? Тоа го мисли и Рики од TPB. Им отиде по тоа школските ходници и им се насра. 

Една бесценета фотографија од Елвис Присли и неколку моменти што произлегоа од неа.