Не збориме за обично тепачиште, багабонд, некоја споредна улога од неколку удари, туку за квалитетен негативец, што луѓето ќе го зборуваат со страхопочит, плашејќи се гласно да го спомнат неговото име. Еве го упаството во неколку видеа.

Ања почнува со фотографирање на 16 години, во 2002-ра почнува да работи како фоторепортер за АП, а во 2005-та добива Пулицерова награда за своите фотографии. Таа беше убиена минатата недела во Авганистан додека ги покриваше претседателските избори во земјата. Ова се некои од нејзините фотографии.

Фотографија од девојче кое се уште е во шок по бомбардирањето од страна на сириската влада.

Во 2009-та година, фотографот Џими Нелсон си дава задача да документира што е можно повеќе луѓе од изолирани племиња, да ја овековечи нивната убавина, обичаи и култура, пред да ги снема. Минува по две недели во 35 племиња од сите страни на светот.

Толку ни беше омилен лик што на претходниот сајт му имавме посветено цела рубрика. Овојпат само за неговата пасија по повлекувањето од политичката сцена, сликањето. Да собираше во наслов, ќе пишевме: Сликите на Форест Гамп, formerly known as претседал на САД, Џорџ Буш.

Денеска сите го познаваат како Дон Дрејпер, јаката фаца од популарната серија Mad Men. Но, во 90-тите години Џон Хем бил толку очаен да закачи нешто што се пријавувал во оние дејтинг емисии во кои девојките бираат еден од предложените момци да излезат со него. И завршува со корпи.

Сте забележале зошто цртаните ликови на кутиите за детска храна главно гледаат надолу? За да остварат подобар контакт со децата кои минувајќи покрај рафтови главно гледаат нагоре! Маркетинг предатори утврдиле дека со ваков очен контакт, довербата кон еден бренд се зголемува за 16 % а поврзаноста со таа марка за цели 28 проценти.

Нема шанси да направиме сеопфатна ретроспектива на кариерата на Дејвид Летерман кој телевизиски го надживеа својот главен соперник Џеј Лено но деновиве најави дека догодина се повлекува. Бидејќи е тоа импозантна кариера на еден од најбитните чувари на добриот американски дух. Сепак, ни фалеше малку да буричкаме по тие негови парчиња.

Конкретно збориме за делот од извештајот со Ексел табели. Јасно е дека никој од прва не им обрнува внимание и таму се колку да му покажеш на проект лидерот, претпоставениот, шефот, директорот и тој од HR што ти мери продуктивност, дека си се потрудил околу извештајот, ама тоа не значи дека треба да бидат нечовечки грди и неразбирливи.

"Гласот на Ела Фитцџералд беше сатен за шмирглата од глас на Луј Армстронг, но кога ќе се споеа во песна, нивната хемија беше совршена. Не беа многу-многу во хармонија (гласот на Армстронг не беше создаден за хармонија), но достоинствениот свинг на Ела и нејзините задевања со грубото, добродушно р'жење на Сачмо беа во неповторлива симбиозa".

Младиве живеат во доба кога со Русија неприкосновено царува Владимир Путин и неговиот имиџ на строг, зезнат, силен, озбилен, супер-херој, супер-негативен лик.... А пред него, со истата таа Русија управуваше еден друг чичко, со бела коса и малку поинаков стил на живеење. Еве како тоа изгледаше.

Зошто жените во просек живеат 8 години подолго од мажите? Тоа Господ им го надокнадува времето изгубено на паркирање. Еве ја, таа која ја гледате секој ден, на разни улици, паркинзи, семафори... Веројатно само еден пред да земе возачка.

Ова е колкав дел од животот имаме потрошено гледајќи ТВ серии и шоуа, и тоа ова бројка е без Митбастерс, Сипмсонови, Саут Парк, Џон Стујарт, Колбер, најразлично ЦСИ, се од Дискавери, Нешнл Џиографик и 24 Кичен. Ај сега ти да се провериш до каде си.

За Антонио Ристески и неговите таленти навиваме одамна. А неговата приказна фино се развива: По претставувањето на интернет јавноста, го дознаават и дечките од Дубиоза Колектив и посакуваат заедно да снимаат. Доаѓаат во Скопје и цепаат една акустична верзија на нивна песна. Да ве потсетиме како можат да изгледаат и да звучат два бенда заедно.

Централниот концепт на Отоманската политичка теорија се нарекува Кругот на еднаквоста. Тој се базира на 8 ставки, кои се последователни и зависни една од друга. Историски целата идеја потекнува од Аристотел, а со тек на време отоманските мислители ја превземаат и ја адаптираат за својата империја.

Пораката до целото човештво е - затвори ја чешмата кога миеш заби. Пораката до секоја девојка е - затвори ја пастата (и ако може да не ја стискаш на средина).

За да ги адресира проблемот на недоверба на корисниците, загриженоста за приватноста и сомневањата дека шуруваат со зезнати служби и агенции, Гугл го објави ова симпатичпно видео во кое објаснува во кои случаи се дават информации и какви сè филтри постојат попат.

Додека ние слушаме предизборни Поточиња, во Алжир се збираат 60 пејачи, фудбалери, актери и ја прават оваа песна, како поддршка на Абделазис Бутефлика. 70тина години, се кандидира за четврти мандат.

"Бесплатна реклама" + "виралност" се едни од омилените зборови на корпорациите и нивните оддели за маркетинг. Најдобар ден за да ја постигнеш магичната комбинација е 1-ви април. Еве што понудија брендовите за денот.

Ако ова може да биде туристичка атракција на Бахамите, тогаш има надеж и за нас. Предлог слоган: "Додека не најдеме делфин, прасето е кралот на пливачите" - Македонија брокулес.

Има една фаза во животот на машкото која настапува во периодот помеѓу кога мајка ти престанала да ти купува алишта и додека да научиш сам како треба машко да се облекува. Во овој период си крајно самоуверен дека тоа што го носиш и како изгледаш е врвот, и дека се останато околу тебе што те критикува е крајно неписмено за мода. Па дури и ако тоа се 30 сингл девојки кои дошле на ТВ за да најдат дечко.

Дечко оди да ја види својата девојка во Калифорнија. Јануари е, време на врнежи. Само што поминува едно невреме, небото се отвора, остануваат пар млечно бели облаци колку за контраст а зеленилото на 100-ка, како што е вообичаено за Калифорнија во тој период. Застанува и фаќа пар кадри, еден од нив станува иконична фотографија користена како декстоп позадина на еден од најпопуларните верзии на Виндоус. Ама, тоа е 1996-та година. Денес е многу поинаку. 

Ќе треба да одвоите 10-тина минути за прецизно да одговорите на прашалникот ама вреди (или барем ќе дознаете дали вредело). На крајот добивате одлични информации за тоа колку пари чини вашето време. Не само врз основа на едноставно споредување на вашите приходи туку одговори и на следниве секојдневни ситуации: