А ние мислевме дека ги познаваме односите на силите во животинскиот свет. Да не знае веќе човек на кого може да му се курчи. 

За следниот рецепт ви треба кредитна картичка, бел прашок и банкнота од 500 евра. Со рецептот ви препорачуваме вино од долината на Џек, Џони или Џејмисон.

Две згради, многу јажиња и многу да не ти чуе околу гравитација, сите феил видеа од Јутјуб и генерално болки, сркшеници, набиени дело од тело. И одлично склопено видео.

Романски фотограф снимил десет идентични еднособни станови од една иста зграда. Становите ги снимал од ист агол, за да дојдат до изразат останатите социјални, естетски и животни детали на станарите кои живеат на иста вертикала во источен Букурешт.. 

Кратка видео приказна за инает на народната мудрост дека волкот влакното го менува, ама ќудта не ја менува. Го наоѓаат во река, исцрпен и премрзнат, со 39 ловечки гелери во тело, едно време и срцето престанува да му чука. Добрина, добрина, добрина и - ене го, од рака им јаде.

Баш интересна стилска вежба: 29 познати актери (навистина квалитетна ергела), кажуваат две кратки реплики од филмот "Одвеано со виорот".  И повеќето се стварно одлични.
п.с. барем има "драга" во насловот.

23 годишен исламист од Авганистан, дојден во Шведска пред 10 години, во автобус му се истура на еден пензионер. Во Шведска не чинело, многу хартија пополнувал кога одел на лекар, талибанците се враќаат, Шведите се педофили, тој можел да јаде луѓе ако треба а и појак е... Немате појма колку е глуп.

Семантрон (на македонски: клепало) е една дрвена даска која се користи во манастирите за повикување на калуѓерите на молитва. Имаме еден романски поп кој клепалото го клепа подобро од ритам машина. Тупца, тупца, амин! 

Ѕвездата водилка на либералите и никогаш непрежалениот американски претседател за демократите, со свое ни најмалку другарско обраќање на тема дебели деца. Како малку да им се сите маалски што ги смараат, Кенеди почнува со - нема ништо понесреќно од дебело дете.

За пари во Лас Вегас може да се добијат секакви перверзии. Оваа не е најголемата ама веројатно е најскапа. За 250 илјади долари резервирате маса во Белаџио на која добивате само две работи: едно шише и едно копче.

Претходно познат како Планината од Игра на тронови, сега пробува да го сруши рекордот за најбрзо носење два двојни фрижидери (жива мера 450 кг.) на 20 метри.

Од една страна рок пророкот Боб Дилан, од друга панонскиот аристократ Звонко Богдан. Два комплетно различни света, две уметнички магистрали кои навидум никаде не се допираат. Па сепак, видете ја вие оваа коинциденција и поклопување на мотивите и интересите.

Во една од најконзервативните и родово најсегрегирани земји, некои жени во Саудиска Арабија внимателно се обидуваат да ги редефинираат границите на јавниот живот. National Geographic фотографираше некои од овие ретки и загрозени видови.

Некој да ти тврди дека има сеќавања како ја слушал македонската песна "Како што е оваа чаша/ дај да пијам мила мајко" на француски јазик, ќе помислиш дека забегал од дроги. А не да има линк туку има и спот! Тереза Кесовија и Миро Унгар, кујзнае како и зошто.

"Додека сум овде" е еден драгоцен видео проект кој овековечува приказни на луѓе кои ја живеат есента на својот живот а истиот го минале тивко и посветено на своите љубови. Пред нас е Лио "Бад" Велч, роден 1932 година. Свири гитара од 13 години а своето прво ЦД го има издадено на 83 годишна возраст. Капа долу, стари.

Глупоќа е, ама ај. Чергиче со аларм за будење. Не можеш да го снузнеш со палец од нога туку треба фино да го нагазиш за да прекине. А кога ќе го нагазиш, ти кажува мотивациски пароли, дека животот е убав, денот е прекрасен а пријателството ретко. Според приложеното, на типот во рекламата му требаа 6 ипол минути за да се убеди во тоа. 

Слично како нашата Ивана која го врти светов на мотор (видео и фото приказна) Оана и Михај последново лето решиле да свртат едно кругче наоколу. 41 земја и 28.000 километри. Со нив е и нивниот 4 годишен син Владимир.

Јасно ти е дека нема да ти се случи ништо смртоносно и дека си пред милиони народ на телевизија и секако дека ќе останеш жив. Ама јасно ти е дека има бескрајно ужасни начини да преживееш.

Епска битка во ресторанска кујна меѓу готвачот и две гајби ракчиња или некаква морска храна. Шампионска титула за готвачот заради борбата што му ја пружи на огромниот преполн вок, и шампионска титула за тие што го имаат направено шпоретот да може вака стамено да ја издржи целата битка.

Во 1965 година Дали потпишува договор со една американска модна куќа за дизајнирање женска линија. Неговите скици сега се на еднa изложба во Шпанија а на улица тоа никој никогаш го нема видео.

За македонската азбука, и како некои кирилични букви преку најразлични кирилични фонтови успеваат да ни се протнат и веќе да се одомаќинат во кирилицата што секој ден своеволно ја користиме во надеж дека пишуваме македонски.

Дури и најискалените ветерани со минати и по десетина ол-инклузив одмори по краците или во Турција со цело семејство, ќе можат да стекнат ново ноу-хау кое ќе им се најде за престојната сезона на одмори.