- Дел од ракета на SpaceX со големина и тежина на автобус веројатно удри во Месечината со брзина од речиси 9.000 километри на час, но од телескопи од Земјата не беше забележан голем облак од месечева прашина во очекуваното време.
- Ударот може да биде потврден со споредување на прецизни снимки од кратерот „Ајнштајн“. Верификацијата може да трае со часови, па и со денови.
- Ударот на цврсто тело од 4 тони со брзина од 9.000 километри на час има енергија еквивалентна на експлозија на 3 тони ТНТ, доволно за да направи кратер од 20-30 метри. Тоа се незначителни последици за Месечината, која постојано ја удираат вселенски карпи.
- Вториот степен од ракетата SpaceX Falcon 9 леташе неконтролирано од јануари минатата година, откако го исфрли модулот на компанијата Firefly Aerospace. Сосема непланирано, гравитацијата го привлече кон Месечината.
- Отфрлен степен од кинеска ракета удри во Месечината во март 2022 година, по завршувањето на пробна мисија. Во 2009 година, НАСА намерно упати степен од ракета кон Месечината за да го проучи облакот од месечев материјал што се крена при ударот.
- Саудискиот фонд за јавни инвестиции што за 55 милијарди долари ја купија најпознатата компанија за видео-игри Electronic Arts (EA), креаторот на популарните игри Fifa, The Sims и Mass Effect. Во групата инвеститори е и Affinity Partners на Џаред Кушнер - зетот на претседателот Доналд Трамп.
- EA ќе биде трансформирана во приватна компанија. Инвеститорите ќе ги откупат сите акции од слободно тргување и компанијата повеќе нема да биде присутна на берзата.
- Ова е еден од најголемите откупи на компании со позајмен капитал. Саудискиот фонд вложува 36 милијарди долари, а 20 милијарди за трансакцијата позајми инвестициската банка JPMorgan. Аналитичари од Bloomberg предупредуваат дека отплатата на долгот може да резултира со масовни отпуштања, поагресивна монетизација и други мерки за намалување на трошоците во една од најголемите компании во индустријата за видео-игри.
- EA лани оствари приход од 7,5 милијарди долари. Во октомври за три дена продаде рекордни 7 милиони примероци од играта Battlefield 6, но и покрај тоа отпушти вработени вклучени во развојот на новото издание од серијалот.
- Кина одобри изградба на уште осум нуклеарни реактори, со чие врзување во мрежата ќе ја надмине Франција во капацитетот да генерира струја од нуклеарни извори.
- Инсталираниот капацитет за производство на нуклеарна енергија во Кина сега изнесува 63,98 гигавати со што за првпат го надминува капацитетот на Франција од 63 гигавати. САД се убедливо на првото место со 96,9 гигавати струја произведени од нуклеарни централи, според податоци од Светската нуклеарна асоцијација.
- Одобрени се три пара реактори од типот „Хуалонг“ капацитет од 1 гигават во постоечки централи, како и два од типот „Гуохе“ со капацитет од 1,4 гигавати во новата централа Лаијанг.
- Пекинг има долгорочна стратегија за проширување на производството на нуклеарна енергија заради зајакнување на енергетската безбедност, намалување на зависноста од фосилни горива и декарбонизација на индустријата.
