- Денеска (24.06.) во Скопје почина Јован Павловски, македонски енциклопедист, поет, раскажувач, романописец, писател за најмладите, публицист. Во три мандата беше претседател на Друштвото на писателите на Македонија, долгогодишен уредник на повеќе рубрики во „Нова Македонија“, нејзин дописник од Париз и Москва.
- Јован Павловски е роден во Тетово, на 10 септември 1937 година. Од 1980 до 1986 г. е професор по теорија и практика на новинарството на Интердисциплинарните студии по новинарство на Универзитетот „Кирил и Методиј“ во Скопје. Член на Друштвото на писателите на Македонија од 1962 год, во три мандати (1992-1994, 1994-1996, 2007-2008) негов претседател, член на Македонскиот ПЕН центар.
- Автор е на педесетина книги проза и поезија, меѓу кои култниот роман „Сок од простата“, која веднаш по појавувањето во 1990 година, ги разбранува литературните и културните води во Македонија. Како публицист, потпишува редица книги главно поврзани со конструирањето на македонскиот идентитет и борбата на Македонецот за сопствена држава. Како енциклопедист е главен уредник на Личности од Македонија (Петар Карајанов, Христо Андоновски, Јован Павловски, соавтор и уредник, 2000, најдобро издание на Меѓународниот скопски саем), Сто македонски години (група автори, соавтор и уредник, 2003, најдобро издание на Меѓународниот скопски саем), „Ми-анова енциклопедија, општа и македонска“, во четири тома (група автори, соавтор и уредник, 2006, најдобро издание на Меѓународниот скопски саем), Кратка Ми-анова енциклопедија, ликовна уметност (2007, група автори, соавтор и уредник Јован Павловски), четири тома хронолошка енциклопедија за историјата на Македонија од неолитот до 2003 г., група автори, соавтор и уредник: Јован Павловски) и други.
- Од јули 2026 проф. Мирко Трајковски, по потекло од Скопје (попрецизно - Буњаковец), со завршен Фармацевтски факултет на УКИМ, е Директор на Одделението за клеточна физиологија и метаболизам при Универзитетот во Женева. Тој е професор на Факултетот по медицина на истиот универзитет од 2013.
- Проф. Трајковски раководи со интердисциплинарен истражувачки тим кој се занимава со најнови експериментални технологии и ин витро модели за да се открие како метаболитичките процеси влијаат врз сложени болести вклучувајќи дијабетес, прекумерна тежина и рак.
- Тој и неговиот тим развиле иновативен метод за откривање на колоректален карцином преку анализа на бактериите во цревниот микробиом, кој е многу помалку инвазивен и речиси подеднакво точен како колоноскопијата.
Подетално за патот на Трајковски во интервју за факултети.мк од 2017.
- Една од најзначајните авторки во регионот, Славенка Дракулиќ, почина на 77-годишна возраст. Во текот на турбулентните 1990-ти, кога националистичките идеи доминираа во јавната сфера, таа остро предупредуваше за опасностите од омраза, војна и колективни заблуди, за кои често беше изложена на напади и предизвици. Последиците беа сериозни – таа се повлече од домашниот јавен живот и се пресели во Шведска, каде што продолжи да гради меѓународна кариера.
- Токму нејзините искуства од егзил и набљудување на посткомунистичка Европа од поинаква перспектива ги трансформираше во серија значајни дела од новинарството. Преку книги како „Балкан Експрес“ и „Кафе Европа“, таа ги доближи сложените политички и општествени процеси што го обликуваа регионот по распадот на Југославија до странската публика.
- Посебно место во нејзиното подоцнежно творештво зазедоа приказни за жени кои останаа во сенка на познати мажи. Таа пишуваше за Фрида Кало, Дора Мар и Милева Ајнштајн, обидувајќи се да фрли светлина врз нивните животи, таленти и лични жртви кои честопати биле занемарени во историските извештаи.
- Во текот на својата кариера, Дракулиќ соработуваше со истакнати глобални медиуми, вклучувајќи ги „Њујорк тајмс“ и „Гардијан“, а нејзините книги се преведени на бројни јазици. Иако доби меѓународно признание за време на нејзиниот живот, нејзините дела денес имаат додадена вредност како документ на времето и потсетник за важноста на критичкото размислување.
