- Една од најдобрите одбојкарки на светот, Србинката Тијана Бошковиќ после бројни злата, пехари, бронзи и сребра на Европски, Светски првенства и на Олимписки игри, конечно го освои и трофејот кој го сонуваше цела своја кариера - оној од Лига на шампиони.
- Долго европската одбојка го чекаше овој момент и конечно се случи. Тијана Бошковиќ речиси повеќе од 10 години е најдобра европска одбојкарка и сега конечно во големото финале со екипата на Вакифбанк го совлада „својот“ Езачибаши во кој играше скоро цела деценија.
- 29-годишната одбојкарка од Требиње има 11 медали од кои 4 злата, 4 сребра и 3 бронзи од најголемите првенства.
- Вакифбанка победи 3-1 а Тијана Бошковиќ имаше 33 поени во финалето со учинок 31/48. Ова е седми пехар за Вакифбанк во Лига на шампиони, а екипата предводена од италијанскиот тренер Џовани Гвидети стигна до трофејот без ниту еден пораз во Лига на шампиони сезонава.
- И покрај огромните вложувања минатото лето, Реал Мадрид сезонава останува со кратки ракави, најверојатно без ниту еден освоен трофеј. Испаднаа во Лига на шампиони, испаднаа од третолигаш во Кралскиот Куп, а на раб се да ја изгубат и шампионската титула.
- Шпанските новинари дознале дека на еден тренинг имало закачки меѓу Рудигер и левиот бек Алваро Карерас и дека дошло и до физички напад. Португалецот на Инстаграм потврди дека имало инцидент и дека бил изолиран, се смирил и одат понатаму. Наводно Рудигер му влепил шамари на својот соиграч.
- Реал Мадрид сигурно летово ќе добие нов тренер, Алваро Арбелоа нема да остане на клупата, а екипата ја чека ремонт.
- Македонија на 29 мај ќе ја испрати БиХ на Светско со пријателски натпревар кој е веќе распродаден на стадионот во Кошево. Нашиот селектор Гоце Седлоски зборуваше за дуелот во интервју за Вјести.ба.
- „Кој ја победува Италија, може да победи секого. Верувам дека можете да направите голем резултат. Ќе биде спектакл – и така треба да биде, бидејќи играте на Светско првенство. Но, ние доаѓаме да се покажеме во најдобро светло, да одиграме квалитетен меч и публиката да ужива“
- „Се надевам дека моите зборови ќе добијат тежина по Светското првенство и дека ќе бидам во право за настапот на Босна. Ви посакуваме сè најдобро, но на Кошево сакаме да уживаме и да ве победиме“, вели Седлоски
