Вести › Набрзинка

Првата голема корпа од Маѓар за ЕУ

16 April 2026

Победникот на унгарските избори и иден премиер на земјата, јавно се произнесе по барањата на Брисел со кои се условуваше неговиот претходник Виктор Орбан.
На тој начин ЕУ држеше замрзнати меѓу 17 и 35 милијарди евра за Унгарија од Фондот за опоравување и отпорност.
Брисел за Унгарија има 27 барања. Петер Маѓар им порача дека има намера да исполни само четири.

- мерки против корупција (на пр., приклучување кон Канцеларијата на европскиот јавен обвинител).
- враќање на независноста на судството и истражните органи.
- обезбедување на слободата на печатот и прекин на владиното финансирање на медиумите.
- враќање на академската слобода.

Во делот на медиумите, некои најави на Маѓар веќе предизвикаа загрижено внимание: на пример дека ќе ги суспендира вестите на државните медиуми додека уредниците не се опаметат.

извор

ЕУ ќе изгуби 53 милиони жители до 2100-та

17 April 2026

Населението на ЕУ ќе се намали за 11,7%, односно за 53 милиони, до крајот на овој век, покажуваат најновите проекции на Евростат.
На крајот на 2025 година, ЕУ имала 451,8 милиони жители, повеќе отколку во претходната година. Населението, според проекциите, ќе продолжи да се зголемува уште три години, ќе го достигне врвот од 453,3 милиони во 2029 година, а потоа ќе почне да се намалува до 398,8 милиони во 2100 година.
Проектираната пирамида на возраста покажува дека процентот на деца и млади (до 19 години) ќе се намали од 20% на 17%, а на работоспособните возрасни лица од 58% на 50%.
Во 2100 година 17% од жителите на ЕУ ќе бидат на возраст од 65 до 79 години, а 16 ќе бидат постари од 80 години.
Резултатите се базираат на проценки според моделите на плодност, морталитет и миграција.

извор

Зеленски ќе праќа во затвор за антисемитизам

17 April 2026

Претседателот Володимир Зеленски потпиша нов закон со кој антисемитизмот се прогласува за кривично дело во Украина, со казни до осум години затвор.
Во членот за „кршење на еднаквоста на граѓаните врз основа на нивната раса, националност, религиозни верувања или попреченост“, сега е додадено и „манифестации на антисемитизам“.
„Поттикнувањето антисемитизам“ сега ќе биде казниво со 200 до 500 „минимални приходи“ (660 до 1.600 евра), со условна казна од 5 години или затвор до три години. Ако притоа се констатираат насилство, измама и закани, казната е до 5 години затвор. Ако антисемитизмот е извршен од организирана група или ако има сериозни последици, казните се од 5 до 8 години затвор.
Во 2021 година Украина усвои и посебен Закон за спречување и борба против антисемитизмот, во кој не беа предвидени затворски казни. За форми на антисемитизам беа дефинирани негирање на правото на самоидентификација на Евреи, повици за убиство или оправдување на убиство на Евреи или предизвикување штета поради радикални идеологии или екстремистички религиозни ставови.

извор