Целиот свет во криза, а кинеската економија засилено расте
16 април 2026
- Додека целиот свет плаќа поскапа нафта и трпи повисока инфлација поради војната на САД и Израел против Иран, а ММФ предупредува на глобална рецесија ако конфликтот продолжи, Кина објави раст на економијата од 5% во првиот квартал, половина процент повисок од очекувањата.
- Иако Кина е најголемиот увозник на иранска нафта, која сега поради војната не поминува преку Ормускиот проток, таа не е толку зависна како Јапонија или Јужна Кореја. Директните последици се нешто поскап бензин на пумпите и мал број откажани авионски летови.
- Пекинг успеа да ја постигне целта за раст поради силниот извоз на електроника и автомобили. И покрај повисоките царини од американскиот претседател Доналд Трамп, трговскиот суфицит на Кина лани достигна речиси 1.200 милијарди долари. Сепак, во март суфицитот паднал на 50 милијарди.
- Економистите предупредуваат дека Кина може да ги издржи краткорочните последици од војната во Иран, но дека може да се соочи со проблеми во втората половина од годината. „Ако набрзо не заврши војната, ќе се намали глобалниот раст што негативно ќе влијае врз способноста на економиите да увезуваат од Кина“, вели професорот Есвар Прасад од Универзитетот Корнел.
