Вести › Набрзинка

Новата лидерка на Венецуела нуди соработка со САД

5 January 2026

Делси Родригез, која ја извршува претседателската функција во Венецуела, во помирувачки тон понуди да соработува со Вашингтон.
Откако американските сили ги грабнаа претседателот Николас Мадуро и неговата сопруга Силија Флорес од Каракас за да се соочат со обвиненија поврзани со дрога во Њујорк, Родригез во саботата ги повика САД да го ослободат Мадуро и да го вратат во Венецуела. Во објава на Инстаграм во неделата таа зазеде поинаков пристап.
„Венецуела ја потврдува својата посветеност на мирот и мирниот соживот... Ја покануваме американската влада да соработува со нас на агенда за соработка... Претседателот Доналд Трамп, нашите народи и нашиот регион заслужуваат мир и дијалог, а не војна. Нашата земја има право на мир, развој, суверенитет и иднина“, порача Родригез.

Трамп им се закани на функционерите лојални на Мадуро дека „ризикуваат да платат многу голема цена, веројатно поголема од Мадуро, ако не го направат она што е исправно“. Тој додаде дека неговата администрација стапила во контакт со канцеларијата на Родригез и дека во вистинско време директно би разговарал со неа.
„Не ме прашувајте кој е надлежен (во Каракас), бидејќи одговорот би бил многу контроверзен... Ние сме надлежни“, рече Трамп.

7 January 2026

Тројца тинејџери од Скопје украле книги од Државниот архив.
Имаат по 17, 18 и 19 години.
Биле уапсени на Партизанска во никое време (4:45 сабајле) и во автомобилот во која се возеле биле пронајдени книгите кои му припаѓале на Државниот архив на Македонија.

7 January 2026

Венецуела ќе им испорача на САД меѓу 30 и 50 милиони барели (1 барел = 159 литри) нафта, а тој самиот ќе ги контролира приходите од нејзината продажба, најави Трамп.
Овој обем одговара на вкупното производство на венецуелската нафтена индустрија за еден до два месеца. Сè уште не е јасно во кој временски период Венецуела треба да го обезбеди количеството.
Нафтата ќе биде транспортирана со бродови директно до пристаништата во САД, напиша Трамп на неговата платформа Truth Social.
Трамп планира да се сретне со претставници на американските нафтени гиганти „Шеврон“, „КонокоФилипс“ и „Ексон Мобил“ „за да разговараат за значајни инвестиции во нафтениот сектор на Венецуела“.