Вести › Набрзинка

ЈСП остана без капка гориво, возат само 25 автобуси

20 November 2024

Претпријатието не било во полоша ситуација никогаш, а градот Скопје и сега успева да ја префрли одговорноста на некој друг. Оттаму, овој пат прстот го вперија кон Бирото за јавни набавки кое поништило тендерска постапка за набавка на гориво.
Во сообраќај ќе останат само автобусите што користат гас – вкупно 25 возила. Автобусите веќе почнале да се исклучуваат од линиите бидејќи и базите во Автокоманда и Ѓорче Петров немаат резерви на гориво.
Од Град Скопје засега нема никакво официјално известување или план за решавање на проблемот.

20 November 2024

Амбасадата на САД во Киев е затворена поради очекуван воздушен напад. Затворени е и шпанската, италијанската и грчката амбасада во главниот град на Украина а нивниот персонал е евакуиран.
Украинската воена разузнавачка служба предупреди дека Русија шири лажни информации за масовен напад на украинските градови но им порача на луѓето сериозно да ги сфаќаат тревогите за узбуна.
Само нешто порано, шефот на градската воена управа издаде предупредување дека на Киев му се заканува ракетна опасност и сите да одат во засолништа.
Во меѓувреме, Пентагон праќа нов пакет помош за Украина верден 275 милиони долари а Бајден дозволи противпешачки мини за Украина.

20 November 2024

Заврши денешното рочиште за убиството на 14 годишната Вања Ѓорчевска и 74-годишниот Панче Жежоски.
Обвинетиот Влатко Кешишев ја повлекол изјавата дека Љупчо Палевски бил присутен за време на убиствата на Вања Ѓорчевска и Панче Жежовски. Навел дека Велибор Манев им вршел притисок да кажат дека Палчо е организатор и дека тој пукал. Манев наводно им се заканил на него и на Боре дека ќе ги здробат ако не кажат така (Плусинфо).
„Ова е тешка местенка, не знам што ми смислил Спасовски, може треба да барам азил во Белорусија“ – велел Палевски во Турција (Слободен печат).
Палевски беше кај мене дома ден по убиството на Вања, ми поправаше котел за греење, сведочел пријател на Палчо (Телма)