Вести › Набрзинка

И НАТО е бонбона бизнис: Шеќеринска станува заменик генерален секретар

19 ноември 2024

Генералниот секретар на НАТО Марк Руте одлучи да ја назначи Радмила Шекеринска за следен заменик генерален секретар.
Среќен сум што можам да го објавам именувањето на Радмила Шекеринска за следен заменик генерален секретар. Таа е вистински верник во НАТО, ја знае работата што е потребна за да се приклучи на Алијансата и што значи да се биде полноправна членка. Со нетрпение очекувам да работам со неа додека ја презема оваа витална улога“, изјави Руте.
Славјанка Петровска прва ѝ честиташе на Шекеринска, пишуваат медиуми а јавноста очекува тоа наскоро да го направи и Боки 13.

19 ноември 2024

Бесплатните модели за транскрипција на македонски од Мета и OpenAI мешаат македонски со бугарски и српски, користат букви што ги нема во нашата азбука и немаат добра интерпункција.
Пред месец дена беше обелоденет Буки, новата алатка за транскрипција на македонски јазик. Со оглед на тоа што е трениран само на 60 часа македонски говор, неверојатно е дека работи толку добро.
Сепак, има проблем со препознавање на детски гласови и на дијалектен говор. Намера е новата верзија на Буки да се истренира со поголема разновидност на гласови и акценти.
Можете и вие да придонесете кон нешто што е бесплатно, квалитетно и неопходно за зачувување на македонскиот јазик. На Буки му требаат лого, сервер и гласови. Многу, многу гласови!

18 ноември 2024

Некој решил да види дали Третета светска војна ќе дојде побрзо од инаугурацијата на новоизбраниот американски претседател.
Претседателот во заминување Џо Бајден им дозволи на Украинците да напаѓаат цели длабоко во Русија со западни ракети со долг дострел. Се очекува првите напади да бидат изведени во руската област Курск.
Освен Орбан и Фицо, европските лидери ја поддржаа одлуката на Бајден.
"Ако американски проектили бидат истрелани длабоко во Русија, Москва тоа ќе го смета за американски напад“, порача портпаролот на Кремљ, Дмитриј Песков.