- Од раните постмодернистички дела, преку елегичното соочување со распадот на Југославија и промените по падот на Берлинскиот ѕид, до есеи за популарната и книжевната култура, делото на Угрешиќ беше обележано со ретка комбинација на иронија, полемичност и емпатија.
- Изложена на јавен прогон и медиумско шиканирање, таа ја напушти родната Хрватска во 1993. Секогаш се позиционираше како транснационална или постнационална писателка. Најпознати дела ѝ се: „Форсирање на романот-река“, „Култура на лагата“, „Баба Јага снесе јајце“, „Лисица“ и други.
- Во 2014 година, Угрешиќ го посети Скопје, каде беше одржана дебата на тема „Надвор од нацијата: книжевноста помеѓу траумата и слободата“, каде се опфатија теми на која таа пишуваше во своите есеи – уметникот во тоталитарните култури, родовите и националните идентитети, „малите“ и „големите“ книжевности, насилството на „нацијата“, исчезнувањето на концептот на „авторот“ итн.
- Како најава на нова архитектонска публикација „Артемушкин и Скопје“, која го истражува творештвото на еден од најголемите градители од периодот меѓу двете светски војни, авторите Ноеми Чаусидис и Мартин Ефремовски нудат уникатна прошетка низ нејзината содржина.
- Настанот ќе се одржи оваа сабота – 16-ти ноември, во 12:00 часот, и ќе започне од фонтаната Лотус на влезот во Градскиот парк.
- Ќе бидат посетени познатите палати Рубен, Бојаџиеви и Арапска куќа, но исто така ќе се откријат и помалку познати примери од творештвото на Артемушкин кои често ги игнорираме во секојдневниот живот низ Скопје. Регистрација е обврзна, на линкот.
- „Орбитал“ на британската авторка Саманта Харви, е романот којшто ја доби престижната Букерова награда за проза за 2024.
- Станува збор за приказна за шест фиктивни астронaути (мажи и жени) на Меѓуародната вселенска станица кои во текот на едено деноноќие искусуваат 16 изгрејсоцна и 16 зајдисонца. Таа е опишана како „медитација за Земјата, убавината и човечките копнежи“.
- Со само 136 страници, „Орбитал“ е втора најкратка книга која ја добива оваа награда. Таа е за четири страници подолга од „Крај брегот“ на Пепелоп Фицџералд, која доби Букер во 1979.
