- Никој не ги игра игрите на Нетфликс - нови анализи покажуваат дека 99% од претплатниците не ни знаат дека постои ваква опција, и покрај тоа што поминаа две години откако оваа компанија почна да навлегува во областа на гејмингот.
- Во последниот квартал од годинава Нетфликс загуби 970.000 претплатници, и изгледа дека компанијата тешко ќе се врати на нозе со привлекување гејмери. Дневно играат во просек 1,7 милиони корисници, што е многу мал процент во однос на базата на претплатници од 221 милиони луѓе.
- Оваа мала бројка не с едолжи на нискиот квалитет на игрите - некои од нив се хитови кои добро поминуваат на други платформи, а има и оригинално продуцирани Нетлфикс игри кои ги прошируваат содржините кои ги нудат филмовите и сериите, на пример таква поврзана со Stranger Things. Најверојатно станува збор за неинформираност на претплатниците или за нивното разбирање на Нетфликс исклучиво како стриминг платформа.
- „Македонската книжевна сцена со години, ако не и со децении е заглавена во еден вртлог на немање силна, разумна, издржана критика. Нема критика која пробува критички и теориски да пристапува на книжевните дела и да ги елаборира нивните добри и/или лоши страни наместо само да ги хвалоспева делата што се појавуваат во македонската книжевна продукција“ - пишува Андреј Медиќ Лазаревски за Култура Бета.
- Во ситуации како во нашата домашна книжевна продукција, кога самата продукција е во состојба да издава колку што издава, неопходно е формирање на јасна, здрава, цврста и издржана критичка мисла за да може самата продукција да се филтирира, а со тоа и да се подобрува, да напредува и, секако, да воспоставува комуникација, дијалог и дискусија за книжевните дела кои се објавуваат наспроти воспоставената пракса на „тапкање по рамо“ и зборување „зад грб“.
- Зарем непишувањето на текстови за некои дела не е доволна критика за самите нив. Зарем игнорирањето на лошите книги не е доволна критика за нив. Зарем неучеството на тие дела во јавната книжевна дискусија не е доволна критика за нив!? Не! Одбегнувањето на лоши книги не е ниту субверзивно, не е ниту кул, не е ниту естетички и книжевно-теориски оправдано.
- Премиерата на претставата „Рибарски караници“, по текст на Карло Голдони, а во режија на Јован Ристовски, на 25 јули ќе биде изведена на отворено, до Ротинското Езеро во потпелистерското село Ротино.
- Битолскиот театар со поддршка од Општина Битола започна со реконструкција на патот до езерото, туристичка атракција каде што првпат ќе се одигра театарска претстава. Од Народниот театар во Битола велат дека ова е уште еден доказ дека театарот го менува светот, а директорот Васко Мавровски најави театарски спектакл.
- Во комедијата играат Никола Стефанов, Јулијана Мирчевска, Никола Пројчевски, Соња Ошавкова, Петар Горко, Марија Цветановска, Леонида Гулевска, Валентин Дамчевски, Елена Мошевска, Живко Борисовски, Петар Спировски, Александар Димитровски, Илина Чоревска, Катерина Аневска-Дранговска и Марија Стефановска.
Билети за 26.07. тука
