Калории
- Точно е дека калорија е калорија, без разлика од што ја внесувате. Сепак не е исто да внесеш калорија од овошје и калорија од чипс:
"Да речеме внесуваш иста количина на калории од чипс и калории од банана. Не е спорно дека далеку понајаден ќе се чувствуваш по бананата. Значи калориите не се исти затоа што после чипсот ти веројатно подоцна во текот на денот ќе сакаш пак да јадеш, за да компензираш за гладта. Плус не треба да се забораваат и хранливите материи. Ти внесуваш феноменален број на хранливи материи од бананата, а ништо од тоа не внесуваш од чипсот," објаснува авторката на Pandora's Lunchbox: How Processed Food Took Over the American Meal, Мелани Ворнер.
- Минатата година правена е голема студија која открива дека луѓето не го апсорбираат сите калории од бадемите, односно дека околу 20% од овие калориите не можеме да ги преработиме заради структурата на клетките на бадемот.
За споредба преработената храна е направена колку е можно полесно да се џвака, голта и преработува, заради што Дејвид Кеслер, авторот на The End of Overeating ја нарекува "бебешка храна за возрасни."
"Генерално полесно му е на вашето тело да пристапи до калории од преработена храна, отколку од свежа храна," пишува Кеслер.
Масти
- Денес поделбата на етикетите е на масти, заситени масти, незаситени масти и трансмасти. Од сите овие најлоши се трансмастите.
Забуната е што некоја храна може да има заситени масти кои во основа се добри. Ова е случај со кокосовото масло кое иако се смета за здраво, спаѓа во групата на заситени масти.
"Терминот 'заситени масти' се однесува на голем број разни хемикалии, синџири на јаглерод кои се 'заситени' со атоми на водород. Овие хемикалии се разликуваат по бројот на јаглерод во синџирот. Обично кога мислиме на заситени масни киселини тоа се однесува на долг синџир со 16 или 18 атоми јаглерод (палимитинска киселина односно стеаринска киселина).
Кокосовото масло е познато по своите здравствени предности бидејќи е полно со заситени масни киселини како лауринска киселина (која има средно голем синџир со 12 атоми на јаглерод). Сепак етикетите не разликуваат меѓу палимитинска, стеаринска или лауринска киселина. Сите три се сместени во заситени масти. Денес дури и стеаринската киселина во чоколадото се смета за добра за здравјето," пишува АлтерНет.
- Што се однесува за добрите масти тие се сведуваат на омега-3 и омега-6 масни киселини. Кај овие две не е важна количината која што се консумира, туку важен е соодносот од два спрема еден (во корист на омега-3).
На пакувањата најчесто пишува незаситени масти и листа од кои се незаситени масти се искористени, меѓутоа ова би ви користело само ако на памет знаете која од овие масти го има правиот сооднос на омега-6 со омега-3.
Влакна
Правилото е дека жените треба да внесуваат 25 грама а мажите 38 грама влакна на ден. Добар дел од луѓето сметаат дека можат влакната да ги внесат преку најразлични суплементи.
Проблемот кај баровите и слична преработена храна со големо количество на влакна е што дозата влакна доаѓа од екстракт од корен од цикорија (производителите посебно ја сакаат оваа состојка бидејќи не го менува вкусот и текстурата на храната, а плус може и да ги замени мастите, затоа што има кремаст ефект). Тука проблемот е што цикоријата "предизвикува стомачни проблеми кај одредени луѓе."
"Вашата исрана може ги содржи бараните 25 или 38 грама влакна на ден според етикетите на храната што ја јадете, меѓутоа ако целата оваа количина доаѓа од еден хомоген извор тогаш ти не му го даваш на твоето тело она што му треба," објаснуваат од АлтерНет.
Витамини и минерали
Најголемиот дел од минералите и витамините во корнфлексот и слични работи за појадок, се додаваат за зацврстување на состојките кои се користат за нивно производство.
"Кога купувам преработена храна моето правило е да избегнам храна на која и се додадени витамини. Зошто? Затоа што производителот не би ги додавал ако тие воопшто биле таму. На пример за корнфлексот. Тој или воопшто од старт немал или пак сите витамини биле уништени во текот на производството," објаснува Ворнер.
Според неа постои сериозна разлика меѓу витамините со кои некој производ доаѓа од природата и оние кои ќе му бидат додадени.
"Витамините кои растат во природа не ги добиваме во изолирана форма. Со нив добиваш цел пакет на работи. Со нив добиваш фитонутриенти - хемикалии од растението кои се корисни. И голем број од нив се екстремно важни," порачува Ворнер.
Како пример таа го наведува ресвератрол, антиоксиданс во црвеното вино, или ликопен, корисна состојка која се наоѓа во патлиџанот. Брокулата има изотиоцијанат кој користи против ракот.
Без разлика колку мултивитамини пиеш или каков корнфлекс јадеш и колку букви од витамини има напишани на него, сепак не ги добиваш истите состојки како кога би јадел свежи домати, јаболка, боровинки или брокула.
"Најголема грешка во однос на здравјето на луѓето е ако кога консумираш преработена храна или внесуваш некој мултивитамин си помислиш дека со тоа си се покрил. Добиваш само дел од она што му треба на твоето тело," објаснува Ворнер.
