Вести › Набрзинка

„Освежување“ во владејачката коалиција

30 јуни 2025

Лојалниот партнер на СДСМ, генералот Николовски, на изборите ќе оди со ВМРО-ДПМНЕ.
„Каде што е власта таму треба да бидеме и ние“.
„Ние како Партија на пензионери досега бевме дел од коалицијата со СДСМ. Водевме дискусија во извршниот и централниот одбор. Од 100 присутни членови, само неколкумина предложија да настапиме самостојно, ниту еден не беше за останување со СДСМ, а дури 90% се изјаснија за коалиција со актуелната власт. Желбата на членството е јасна, да одиме со власта“, изјави Николовски.
Немале да бараат само повеќе советнички места, туку и министерски и директорски позиции.
Николовски беше еден од оние кои гласаа да си го смениме името.

6 април 2026

Астронаутите на Артемис II кои сега се наоѓаат поблиску до Месечината отколку до Земјата, се соочуваат со многу овоземен проблем: нужникот не им работи.
Проблемите настанале веднаш по полетувањето а од тогаш тоалетот те работи, те не работи.
Астронаутите пријавиле непријатен мирис а капетанот на посадата уверува дека се добро и дека се тренирани за разни предизвици.
Дописни водоводџии на НАСА претпоставуваат дека мраз ја има заглавено одводната цевка.

6 април 2026

Бесплатно делење на јајца предизвика општ хаос во Велес - полицијата морала да интервенира за да воведе ред.
За само еден час биле поделени околу две илјади табли јајца, бесплатно делени од волонтери.
Се работело за донација од велешани кои живеат и работат во САД, односно од компанијата „Шилер“, чија дејност е камионски превоз на стока.
Поради метежот и безредието што се создале, морала да интервенира и полицијата за да воведе ред и да спречи евентуално стампедо и повреди кај граѓаните.
Луѓе земале и и по две-три табли со објаснување дека ги земаат за болни роднини или за соседи кои не можеле да дојдат.
Табла јајца е околу 300 денари.