Двајцата рабини, Епстајн и Волмарк, биле уапсени по основа на организирање на киднапирања и измачување на мажите кои не сакале да им дадат развод на своите сопруги. Оваа услуга чини 10.000 долари за согласноста од рабинот за преземање на мерките, и уште 50.000 долари за најмување на луѓе кои ќе го извршат делото.
Заедно со рабините во акцијата на ФБИ се уапсени и уште неколку мажи кои го сочинувале "тимот за киднапирање."
"Тие ги врзувале мажите, ги тепале, им пуштале струја и ги гаѓале со пиштоли на струја се додека не го добиеле она што го сакаат," изјавил јавниот обвинител назначен на случајот, Џозеф Грибко.
Првото обвинение против уапсениот рабин е од крајот на 90-те, кога друг рабин пријавил дека бил киднапиран од него и измачуван со електро-шокови се додека не и дал дозвола за развод на сопругата. Тогаш обвинението било отфрлено.
Во разговорот со тајната агентка на ФБИ која од Епстајн побарала помош за развод од сопругот, рабинот и објаснил дека тој преферира да користи техники како електро-шокови затоа што тие оставаат многу мали физички докази за тортура и малтретирање.
"Во основа реакцијата на полицијата е, ако човеков нема некоја лузна на него, тогаш не е важно, сигурно е некој луда еврејска работа, во која тие не сакаат да се мешаат," и објаснил Епстајн на агентката.
