Отворањето на 100 милиони евра вредниот катарско-француски фонд, чија цел е помагање на сиромашните париски предградија (добар дел населени со муслимани имигранти) сериозно ја вознемирија француската десница.
Мари Ле Пен, целата работа ја прогласи за "Тројански коњ на Исламот" и дека интересот на Катар за предградијата е "директно поврзан со преовладувањето на муслиманска вера меѓу тамошните жители."
Членот на партијата на Саркози, Лионел Лука, побара од парламентот да формира комисија која би спровела истрага за "зголеменото присуство на Катар во францускиот комерцијален и социјален живот." Тој го обвини Катар дека практикува "фундаменталистички Ислам" и дека се труди тоа да го поттикне "насекаде низ светот."
На страна фондот, Катарците на големо купуваат хотели и ресорти во Париз и на француската ривиера.
Инаку, само минатата и оваа година, катарските сопственици на ПСЖ дадоа над 250 милиони евра за нови засилувања на клубот.
