На поставеното прашање мртви серриозни одговараа политичари и аналитичари. Меѓу нив и поранешниот конгресен спикер Њут Гингрич за кого е очигледно дека Дедо Мраз е републиканец.
"Дедо Мраз го остварува она што го ветил. Тој верува во трудољубивост, им помага на децата бесплатно и не им наметнува долгови. Тој нè обединува а не нè разделува," процени Гингрич, еден од побудалестите американски политичари кој сам се опишува како "адвокат на цивилизацијата, учител на правилата на цивилизацијата, дефинирач на цивилизацијата и лидер на цивилизираните сили".
Претседавачот на републиканскиот национален комитет се согласил и додал дека "Ако ти се допаѓа подарокот од Дедо Мраз, можеш да го задржиш подарокот од Дедо Мраз."
Демократите имаат поинакво мислење.
"Како некој што е длабоко загрижен и засегнат од климатските промени, Дедо Мраз е чист демократ," проценил еден консултант на партијата.
Со прилична доза иронија, медиумскиот консултант на Барак Обама се согласил дека Дедо Мраз е републиканец, објаснувајќи го тоа со фактот дека е дебел и опседнат со црвената боја.
Пред две години, истото прашање ѝ беше поставено на пошироката јавност при што 44 проценти Американци се изјасниле дека е демократ, 28% дека е републиканец и исто толку не се сигурни какви се неговите политички симпатии.
