- Германија и Австрија побараа Европа да ја преземе сопственоста врз операциите и инфраструктурата на ТикТок на континентот, како чекор кон остварување „дигитален суверенитет“.
- ТикТок, кој е во сопственост на компанијата ByteDance со седиште во Пекинг, има околу 200 милиони редовни месечни корисници во Европа. Се проценува дека платформата ја користи секој трет жител на Германија и Австрија.
- „ТикТок претставува јасна закана за нашето демократско општество, па затоа суштинското решение треба да започне таму каде што потекнува заканата: од кинеската матична компанија ByteDance, нејзината усогласеност со кинеските интереси и нејасните можности за пристап на кинеската држава до податоците на милиони европски корисници“, објавија во заедничка изјава германскиот министер за култура Волфрам Вајмер и австрискиот министер за дигитализација Александер Прел. Тие ги повикаа сите европски земји да ѝ се придружат на иницијативата.
- „Во сето ова нема ни трошка вистина“, изјави портпарол на ТикТок.
- Под притисок од Доналд Трамп, кој првично ја забрани платформата во САД, компанијата ByteDance се согласи да го продаде мнозинскиот удел од своите американски операции на конзорциум од Oracle, Silver Lake Management и MGX со седиште во Абу Даби.
- Вредноста на Anthropic скокна на 1.500 милијарди долари пред да ги понуди своите акции за трговија на њујоршката технолошка берза Nasdaq.
- Првата компанија специјализирана за вештачка интелигенција што ќе се појави на берзите ги вреднува своите акциите по цена од 83 долари.
- Нејзините седум коосновачи собраа рекордни 107,3 милијарди долари преку проширена иницијална јавна понуда (IPO) и приватно пласирање.
- Понудата вклучува приватно пласирање во вредност од 26 милијарди долари, во кое учествуваа компании како Гугл, AМД и Микрософт.
- Русија отворено ја праша холандската влада дали директно се вклучила во војната во Украина, откако холандска компанија призна дека со нејзини проектили бил гаѓан Кримскиот Мост.
- Претседателот на „Дестинус“, Олександр Даниљук, изјави дека за време на операцијата биле употребени девет крстосувачки ракети од типот „Рута Блок 1“ на компанијата, од кои седум го погодиле мостот. Украинските сили исто така употребиле и беспилотни летала „Да Винчи“ за напади длабоко во непријателската територија. Системите на на „Дестинус“ биле единственото оружје од странско производство употребено во нападот.
- Кремљ во повеќе наврати предупреди дека земјите што учествуваат во војната може да ги смета за легитимни воени цели.
- Две локации на компанијата „Дестинус“, со седиште во Хенгело во источниот холандски регион Твенте, во април беа вклучен на рускиот список на европски одбранбени фирми што Москва би можела да ги таргетира.
- Кримскиот мост, кој ја поврзува Русија со полуостровот, синоќа трет ден по ред бил цел на украински напади со проектили. Сериозно е оштетен и привремено е затворен за сообраќај.