Уникатните СКОПСКО шишиња дизајнирани од Суперхикс, Фолтин, Мугер Фугер и Гоце САФ имаат своја приказна која звучи супер, без разлика кој од нив ја раскажува. Нивната инспирација е различна, но ги спојува заедничкиот предизвик да ја претворат нивната супер квалитетна музика во супер креативен дизајн.
"СКОПСКО од старт звучи супер, и како пиво и како бренд и на тоа кога ќе му „досолиш" добра музика и добри артисти сето тоа едноставно мора да звучи супер. Носечкиот визуелен елемент на нашиот дизајн за СКОПСКО е Веспа од 60-тите години која претходно ја употребивме како насловен кавер за нашиот втор албум ТРУМАНО. Дизајнот на каверот толку симпатично испадна што тоа лого остана и понатаму да се користи за се што е поврзано со Суперхикс. Ете и тука го вметнавме овој детал, како дел од дизајнот за СКОПСКО, но со еден нов, освежен изглед.", ни раскажаа од Суперхикс.
Новите дизајни беа промовирани на Пиволенд и се дел од новата музичка платформа ''Скопско звучи супер''. Тие се со модерен изглед и комуникација која се поврзува со публиката која ја цени креативноста, сака добро пиво и слуша квалитетна музика.
Уникатната колекција на СКОПСКО може да се најде во најпознатите локали низ Македонија.
