Асоцијацијата брои вкупно 33 членки кои испорачуваат ИТ тренинзи во повеќе од 55 земји од светот. Ова е огромно признание за Семос Едукација, првиот и водечки едукативен центар во Македонија, кој годинава прославува 28 години од своето постоење.
Семос Едукација ја освои наградата како резултат на иновативниот пристап во повеќе области: беше прв едукативен центар кој лансираше обуки за вештачка интелигенција (AI) кои ги промовира и испорачува регионално, но и глобално. Го поттикна и го спроведе најголемото глобално 6 месечно истражување за иднината на ИТ тренинзите во пост-ковид ерата и беше првиот тренинг центар во Европа кој го доби статусот Microsoft Solutions Partner for Training Services за Data&AI, Infrastructure, Digital App and Innovation врз основа на мерлив квалитет на испорачана обука и вкупен број на слушатели кои доаѓаат од корпорациите од земјата и од светот.
Константен напредок и раст
Минатиот месец, Семос Едукација прослави 28 години од основањето, а бројките со кои го обележа јубилејот се навистина неверојатни: повеќе од 135.000 студенти на преку 300 различни курсеви, обуки и академии во 24 земји ширум светот. Компанијата веќе брои повеќе од 200 вработени и предавачи, што ги прави еден од најголемите тренинг центри во Централна и Источна Европа. Веќе трета година по ред, Семос Едукација припаѓа меѓу најдобрите 500 компании во Македонија. Ова значи дека е помеѓу најдобрите 2% од компаниите според сите параметри за успешност, а без конкуренција е број еден меѓу едукативните центри, според финансиските показатели на Бизнис Мрежа и Централен Регистар на Македонија.
Голем дел од слушателите доаѓаат од компаниите, со цел континуирано усовршување во најновите ИТ технологии, но исто така, илјадници невработени, мауранти и студенти, се слушатели на Семос Академиите. Нивната цел е влез во ИТ индустријата.
Валентина Тасева нов член на бордот на директори на LLPA
Освојувањето на главната награда не беше единствената причина за радост во Мексико – Валентина Тасева беше едногласно избрана за член на бордот на директори на LLPA, што преставува признание кое е круна на нејзината 28 годишна кариера на чело на Семос Едукација: „За мене, да се биде член на бордот на директори на LLPA, освен признание, претставува и голема одговорност. Заедно со останатите членови на бордот, во периодот кој доаѓа ќе имаме задача да продолжиме да го трасираме патот за сите членки на LLPA, да го зголемиме бројот на земји во кои LLPA ќе биде застапена, да ги унапредуваме стандардите во ИТ образованието глобално и да ја оправдуваме довербата која ни е дадена од водечките светски ИТ образовни центри“ – вели Тасева.
Слушателите го препознаваат квалитетот
Квалитетот на понудената услуга претставува императив уште од основањето на Семос Едукација, а токму квалитетот е она кое ги прави различни. Уште од 1995 година и воспоставување на првото партнерство со Microsoft (1998 година), Семос Едукација успеа да ги донесе најголемите светски ИТ брендови во Македонија: AWS, Cisco, Oracle, Java, EC-Council, WMware, ISTQB, CertNexus, Python Institute, Adobe, Autodesk, Unity… Постојаниот раст на компанијата се должи и на фактот што сите обуки кои ги нуди се сертифицирани од водечките светски вендори, па така, по завршените обуки, студентите, покрај знаењето и вештините, се стекнуваат со сертификати кои се меѓународно препознаени и признаени.
(Комерцијален текст)
