„Речиси половина вработени Романци се на минимална плата“ известува Романија Инсајдер прецизирајќи дека тој минималец кој го добиваат 46% од Романците воопшто не е скандинавски лагоден туку се сведува на бруто од 408 евра.
Истовремено, оние Романци кои земаат бруто плата од 700 евра се само 16% од вработените.
Уште еден загрижувачки тренд е падот на стручната работна сила во однос на растечкиот број на неквалификувани лица. Тоа е посебно видливо кај младите, оние под 30 години, меѓу кои уделот на неквалификувани е двојно поголем од оние со некакви професионални вештини и образование.
Младите. Во Романија. Неквалификувани.
#ЕвропскиРеформиВоОбразованието
Пишувавме ние и други детали за Романија. Ако ви се чита нешто додека влеземе во ЕУ (а има време).
