Една минута потсетување кои сме и што сме и како дробевме за да стигнеме до исполнувањето на фудбалскиот сон наречен Европско првенство. Не застанувајте тука момци. 

Романски новинар кој има работено за Guardian, FourFourTwo и World Soccer на Твитер објави видео од тренингот на Македонија во пресрет на вечерашниот дуел против Романија во смисол дека е нетипично. Кај нас ова го викаме „играње бзз“.

Копавме од 93-та до денес за да ја извадиме на виделина традицијата на македонската фудбалска репрезентација против романската. Не е добра воопшто, ама таа Романија беше многу подруга, а исто сега и Македонија.

Култниот албум од италијанскиот гигант Панини наскоро треба да го пушти во продажба своето најново издание за Европско првенство. Во него ќе се најдат и најдобрите македонски фудбалери чии сликички со задоволство ќе ги лепиме.

Капитенот на фудбалската репрезентација, човекот кој ни ја овозможи најголемата фудбалска радост да ја гледаме Македонија на едно големо натпреварување, вели дека веќе отприлика знае што ќе прави по крајот на богатата кариера.

ФИФА денес и официјално му дозволи на Колумбиецот со македонски пасош Себастијан Ерера да заигра за репрезентацијата на Македонија ако добие повик.

На четири месеци до деби настапот на ЕП, во фокусот на УЕФА е нашата фудбалска репрезентација претставена со кус осврт на најважните мигови од историјата. Има и еден податок од 1960 кој веројатно не сте го знаеле.

Нарачуваш дрес од македонска фудбалска репрезентација од интернет и тоа носен од Хасани против Турција и ти вика Македонија јок. Е и ова го немавме видено.

Македонската фудбалска репрезентација во ноември 2020 обезбеди историски прв пласман на Европско првенство 2020. Со триумфот над Грузија во финалето од плејофот на Лига на нации, со голот на капитенот Пандев, македонските фудбалери ни приредија огромна радост. Тоа со сигурност беше настан на годината 2020 во Македонија.

За оваа година нема правење топ листа на успеси во македонскиот спорт. Таа мина во знакот на само еден за кој се погрижија јунаците кои докажаа дека и во фудбалот можеме и заслужуваме да се најдеме на европската мапа. Со срце и од срце ја исполнија мисијата.

Го чекавме, сонувавме, мечтаевме 27 години и ете го дојде тоа пусто Европско кое мислевме дека ќе биде недостижно уште долго. Благодариме Горан, Елиф, Нестор и до сите кои се вратија херојски од Тбилиси. Па нема послатка акција од оваа годинава.

Фудбалската федерација на Македонија доби рекордна премија во историјата на македонскиот спорт, а следствено на тоа заслужено се офајдија момците кои ја испишаа новата фудбалска историја за која чекавме три децении.

Светската куќа на фудбалот го објави последното рангирање за оваа година, која ние ќе ја паметиме не по тоа кои сме на табела, туку до каде успеавме да стигнеме.

Македонската фудбалска репрезентција вечерва во Цирих ја доби квалификациската група за Светско првенство 2022. Во Скопје ќе ни дојдат интересни противници, а со некои од нив никогаш не сме играле.

Лигата на нации сезона 2020/2021 за нас е завршена, ама тоа не значи дека се завршени и шансите за пласман на СП 2022. Одиме по другиот пат, оној потешкиот, а тоа се редовните квалификации за кои вечерва ќе ги дознаеме противниците.

Со апсолутна почит за нашата најголема пеачка икона, но националната Арена во Скопје би требало да го понесе името на човекот кој е најголем спортски амбасадор на земјава. Додека сè уште беа активни играчи, стадиони во нивна чест добија Дидие Дрогба, Фернандо Торес и многу други.

Гледавме оро на терен во Тбилиси, прес со лудории, големо славје со трубачи во хотел, но не видовме, ниту чувме што се случувало во соблекувална пред историските 90 минути. Ќе каже лично селекторот.

Нема промени за македонската фудбалска репрезентација на најновото рангирање според ФИФА, за што многу не се потресовме со оглед на тоа што годинава остваривме епски успех за паметење.

Извесни Аце и Дарко решиле да си поиграат малку со македонската фудбалска репрезентација и се обиделе да го скројат најдобриот состав од осамостојувањето до денес. Имињава звучни, ама има еден проблем. Само Пандев го има од хероите кои ја однесоа Македонија на Европско.

Македонската фудбалска репрезентација завршува втора во група и останува во Лига Ц, откако на неутрален терен на Кипар загуби од Ерменија 1:0 на меч без Пандев, Барди, Адеми, Алиоски, Димитриевски, Елмас, Николов, Ристевски, Спировски и Крсте Велкоски.

Напаѓачкото трио се спрема за завршниот удар во овој ноемвриски циклус на репрезентативни напревари. Утре против Ерменија повторно ќе немаат помош од Пандев и Елмас, но тие се доволно зрели и искусни и плус го имаат Влатко Стојановски на клупа за нов триумф или реми, доволно за бараж за СП. Напред момци.

Успехот на македонската фудбалска репрезентација одекна секаде во светот, а најгласно во регионов. Покрај стандардната Хрватска која со години е во ТОП10 на светскиот ранг, на ЕВРО2021 за првпат во историјата ќе игра и Македонија. Новинарите на Спортклуб имаа само пофални зборови за Пандев и нашата репрезентација.