Фудбалерите на Вардар вечерва од 21:05 се простуваат со Лига Европа, натпреварувањето во кое на пролет ќе се приклучат неколку гиганти кои испаднаа од Лигата на шампионите.

Најпријатното изненадување во европскиот фудбал последниве месеци е тренерот на Лацио, помладиот од браќата Инзаги којшто прави чуда со Римјаните.

Да ја браниш тезата на некои поединци дека судиските грешки се составен дел од фудбалот, не оди, губење бодови се во прашање. Да не воведеш ВАР е водење инат, ама и да го имаш треба исправно да го користиш нели?

Трите претставници од Италија во второто по ранг клупско европско натпреварување се непобедливи, што се нема случено во изминативе девет сезони.

На сета таа српска колонија на играчи во Серија А, не можеш да очекуваш сите да ги прифатат италијанските манири под кои се подразабира седенка во ресторан со пршутче, винце и паста. Абе син ми се роди од четврта мајка, има да пијам до 5 сабајле.

Во фудбалот не е секогаш доволно за победа само да си фаворит (читај Арсенал - Ѕвезда 0:0) или да имаш вкупно 30 удари од кои 9 во рамки на гол (Борусија - АПОЕЛ 1:1). Понекогаш само среќа е бе дечки, исто како на спортска.

По 11 кола во Серија А, Интер е екипата која донела најмногу гледачи на стадионите: во просек по 58.360 гледачи, пред Милан и Наполи.

Ич да не го мислите. Дел е од управата на Лацио, кој сезонава под водство на Симоне Инѕаги растура и во таква победничка атмосфера легендарниот италијански голман си гази лабаво во кафана. Тој со него е една друга легенда. Се вика Маурицио Манцини, еден од најценетите тим менаџери во Италија. Човекот има 77 години и работи во Лацио од 1971-ва година.

Во Италија и натаму трае скандалот со навивачите на Лацио и налепниците со ликот на Ана Франк. Играчите на овој тим пред мечот со Болоња излегоа во маици со портретот на најпознатото еврејско девојче.

Фракција од крајно десничарски ултраси на Лацио искористила престој на трибината на нивните вечни ривали за да им го ишкрта вториот дом и да им излепи налепници од Ана Франк во дрес на Рома како алузија на еврејството на „Џалоросите“. Бурна реакција на еврејската заедница во Рим.

Младиот албански голман, Томас Стракоша во неделата не беше херој само за навивачите на Лацио. Пазете што се случуваше во Неапол, каде живеат најоткачените навивачи од Италија. Неочекуваната победа на Лацио на гости против Јуве на Наполи му донесе 5 бода предност пред актуелниот шампион во Италија.

Фудбалот во Италија е шоу кое не трае 90 минути, туку 24 часа на ден, а во тв емисиите водителите никогаш не се стерилни, туку напротив забавни и директни до даска. Од мечот Јуве - Лацио имаше една ситуација која кај нас никој нема муда да ја пушти во етер, а не па да ја прокоментира со тренерот. Инѕаги е кул дечко, а ова не е Македонија.

Колку е необично да се набљудува како 90-милиони платениот Гонзало Игуаин не минува низ својот најдобар момент, а во исто време Чиро Имобиле кој Јувентус го продаде пред 3 години за 9,5 милиони евра (половина од правата на договорот) се изнадава голови.

Навивачите на Лацио и Џиџи Буфон по кој знае кој пат покажаа дека имаат посебен однос на взаемно почитување. Актуелниот шампион на Италија загуби од Лацио на домашен терен и промаши пенал во 95-та минута, но голманската легенда не заборави да се доближи до трибината на Лацијалите. Ова нивно поздравување стана еден вид ритуал после секој дуел меѓу Јуве и Лацио.

Зад името на нашиот капитен се кријат многу големи натпревари на кој бил јунак, а овој е посебен бидејќи е меч од Лига на шампиони против фаворит кој не сака да чуе ништо друго освен победа. Горан Пандев - Руд ван Нистелрој 2:2.

Судбоносното „да“ на една венчавка во Рим се чекаше да се изговори 90 минути. Извинете сватови, ама денеска игра Лацио.

26 септември ни носи видео сеќавање од најкултното време на Серија А, кога Лацио и Парма беа меѓу најјаките, се бореа за трофеи и трампаа играчи. Лацио таа сезона го освои Скудетото, а Парма една сезона претходно славеше во Купот и Супер Купот на Италија, како и во Купот на УЕФА.

За време на дербито Лацио - Наполи (1-4), гостите од Неапол имаа што да видат кога влегоа во нивниот сектор. Не знаеа што прави нивниот капитен со маркер како редар на трибините наместо на теренот.

Славниот италијанскиот тренер кој вечерва со Зенит гостува на арената Филип Втори е разделен со Лацио веќе 13 години, ама навивачите не ги забораваат неговите дела, особено од времето како играч.

И покрај целосниот ремонт на тимот и огромните вложувања, Милан синоќа беше декласиран со 4:1 од Лацио. Ама тоа се случуваше на Олимпико. На Сан Сиро пак Милан држи традиција без пораз од Лацио веќе 28 години. Последниот пат дома од нив загубија на 3 септември 1989-та со еден подзаборавен автогол на легендарниот Паоло Малдини.

Дербито на 3. коло од новата сезона во Серија А се игра во недела во 15:00 часот, а се среќаваат екипи кои често тргуваат меѓусебно и си разменуваат играчи. Еве неколку примери од Диего Фузер до Лукас Биља. Петмина капитени на Лацио направија трансфер во Милан.

Не е дека се близу абнормалните суми од англиската Премиер лига, ама па не е и дека слабо земаат. На пример, тренерот на Јувентус Масимилијано Алегри има плата од 7 милиони евра годишно што е астрономска сума во однос на она што го заработуваат тренерите  на тимовите од долниот дел на табелата.

Кога Жорже Мендеш ќе се вмеша во некој трансфер, тогаш сè станува поинтересно. Благодарение на него, Лацио меѓу новите тројца играчи има засилување кое беше мета на Мурињо, Арсенал и Барса.

По неверојатното првенство со Киево на Џиџи Делнери, бразилското десно крило потпиша богат договор со Лацио во летото 2002 но трансферот пропадна откако му го откриле правиот идентитет.