Само неколку ирански проектили и ниту еден од евтините дизел дронови, успеаа да ја пробијат израелската повеќеслојна противвоздушна одбрана. Ниту еден проектил не удри ништо поважно, меѓутоа нападот направи штета во форма на упадливо празнење на израелските резерви со ПВО муниција.

Американскиот претседател го разубедил израелскиот премиер Бенјамин Нетанјаху од наредување на итен одмазднички напад против Техеран откако Иран викендов лансираше над 300 дронови и проектили кон Израел.

Администрацијата на Бајден е пред одобрување на продажба на уште 50 американски Ф-15 воени авиони на Израел, во зделка која се очекува да вреди над 18 милијарди долари.

И покрај досега незабележаните несогласувања на САД со израелската влада за начинот на кој ја води војната во Газа, администрацијата на Бајден сепак одлучи да му испрати на Израел воена помош, меѓу другото и 25 Ф35 борбени авиони и авионски мотори во вредност од 2,5 милијарди долари.

По пет месеци интензивно војување во Газа, главната цел на израелската инвазијата е во опасност да не биде остварена откако меѓународната поддршка се сврти против Израел, предупредуваат разузнавачки извори.

На 25 февруари 1994 за време на рамазанската молитва, израелскиот доктор со американско-израелско потекло, Барух Голдстин, вооружен влегува во Ибрахимовата џамија во Хеврон и почнува да пука кон верниците. Убива 29 луѓе, некои и на 12-годишна возраст, и ранува дополнителни 125, пред да биде совладан и претепан до смрт од преживеаните.

Пред воопшто да се потпише каков било договор за решавање на палестинското прашање меѓу Палестина и Израел, палестинската држава би можела да биде признаена од Британија, порачува британскиот министер за надворешни работи, Дејвид Камерон.

Во деновите пред нападот од 7 октомври на берзата во Њујорк вложени се огромни суми пари кои се кладат на тоа дека во скоро време вредноста на израелските акции ќе падне.

Израелските тајни служби се подготвуваат да ги убијат сите лидери на Хамас низ светот откако војната во Газа ќе почне да се стишува. И операцијата нема краен датум.

Од никого побараната иницијатива предложена од двајца пратеници на израелскиот парламент, за западните држави да почнат да прифаќаат повеќе Палестинци, беше надградена од израелскиот министер за финансии, кој ги повика Палестинците „доброволно да мигрираат“ од Газа.

Барањето од израелскиот градежен сектор до Нетанјаху е интервентен увоз на 100.000 работници од Индија кои ќе треба да заменат 90.000 Палестинци што останаа без работни дозволи по почетокот на војната.

Деновиве некаде во Газа. На небо Хамас или Израел си тераат своја работа, на земја народ си тера своја работа.

До сега се убиени околу 50 луѓе од заложниците што Хамас ги киднапираше на 7 октомври, но не од нив туку од израелските воздушни напади на Газа, објавија Ал Касам бригадите на Телеграм. Хамас во нападот киднапираше најмалку 220 израелски државјани.

Затоа што Гутереш во својата реакција на Израел му изгледал како да го оправдува бруталниот напад на Хамас, државата одлучи дека ниту еден функционер на Обединетите нации нема да добие виза за да стапне на израелска земја.

Како што еднаш има кажано познатиот критичар Роџер Еберт, „филмовите се како машини за генерирање емпатија“. Наспроти често сувите вести од военото жариште и лажните вести, низ овие филмови можат да се согледаат различните перспективи за она што се случува на Блискиот Исток.

Неколку истакнати автори и издавачи од светот го обвинија Франкфуртскиот саем на книгата за „задушување“ палестински гласови, откако церемонија која требаше да се одржи во чест на палестинската авторка Аданија Шибли беше откажана поради актуелниот конфликт.

Истрага на израелскиот весник Хаарец открива дека тамошни сајбер компании развиле софтвери што го искористуваат системот за интернет реклами за да следат цивили, да упаѓаат во нивните телефони и компјутери и да ги шпионираат. Тие откриваат и дека ваков систем веќе е продаден на барем една недемократска држава.

Вработени на Мосад и општо израелски граѓани биле поттикнувани од Мосад (службата за надворешно разузнавање) да излезат и да учествуваат на масовните анти-владини протести што го зафатија Израел во март годинава, покажуваат документи протечени од Пентагон.

На многумина им делува чудно што марокански фудбалери се сликаат со знамето на Палестина, а мароканските навивачи скандираат пароли и за Палестина. Толку западниот меинстрим го познава арапскиот свет и фактот колку Палестина е симбол за непокор и анти-колонијален стремеж. 

Селекцијата на Израел за играчи до 21 година ја доби Ирска на пенали и се пласираше на ЕП У-21. Селекторот им беше бајаги наапан, до таа мерка што се реши да додели шамар на еден од своите играчи. Некои медиуми ова го нарекоа дека е мега скандал, а тој одговори дека тоа го сторил од љубов.

Израелските власти прават рутинска проверка на шолји за чај/кафе што израелско министерство ги има добиено на подарок од кинеската амбасада. По нивната проверка истрагата ја продолжува Шин Бет.

Иако беше една од првите земји во светот што се барикадираше откако се разбра за новата ковид варијанта, Израел одлучи да воведе исклучок во забраната за влез на странци кој ќе важи исклучиво за Мисиците од цел свет.