Македонскиот репрезентативец игра сјајна сезона а доказ за тоа е и новиот гол за Леванте во ремито со Еибар на гости 2-2. Ова е четврти гол за Барди во Примера.
Леванте има два порази по ред во шпанското фудбалско првенство, но и покрај тоа медиумите од уста не го вадат Барди. Со 3 гола од кои 2 мајсторски од слободен удар тој е најдобар стрелец во Ла Лига меѓу играчите од среден ред. Изборот е на Скај Спортс.
Снајперските удари на Енис Барди кој стана хит во Шпанија не се само дарба. На јутјуб се појави видео на кое се гледа како македонскиот репрезентативец тренирал слободни удари на мали голчиња. Ете што значи напорна работа. За сега во дресот на Леванте има постигнато вкупно 5.
Кога Леванте добива слободен удар, навивачите ги местат телефоните за снимање. По само пет минати кола во Ла Лига, Барди дочека публиката на Сиутат де Валенсија да грми како хор извикувајќи го неговото име. Неговата мајсторија од два навивачки агли.
Шпанските медиуми не штедат зборови за нашата гордост Енис Барди и пред и по синоќешниот дуел со Реал Сосиедад, а ние не паметиме ваков старт на македонски фудбалер во некоја од најсилните европски лиги. Само Ѕаѕа, Гомез и Меси имаат повеќе голови од него во Ла Лига.
На голманите во Шпанија веќе е и нормално да им се тресат нозете кога играат против Леванте, а на слободен удар се мести Енис Барди. Гол број 3 за македонскиот репрезентативец во Ла Лига и вкупно петти од слободен со се пријателските. Еден од колегите не сакаше да му дозволи да шутира. Чуму? Па најдобар е во тоа.
Македонскиот репрезентативец не е опасен само од слободни удари, а тоа го покажа на денешниот натпревар од 4. коло во Ла Лига. Откако фудбалерите на Валенсија поведоа по половина час игра, на четири минути до паузата Барди одлично се снајде во шеснаесетник и на мајсторски начин го матираше Нето за 1:1.
Со вкупно 21 удар од кои 9 во рамки на гол и посед на топка 58%, македонската фудбалска репрезентација целосно го надигра фаворизираниот сосед и учесник на ЕП 2016. Штета за нерешениот резултат. Етрит Бериша излезе херој на мечот.
Со повратникот, капитен и лидер на тимот, Горан Пандев, со “сицилијанското“ дуо Несторгол - Трајковски, со новиот адут на Лидс, Алиоски, потоа со големите освежувања од младинската селекција од каде доаѓаат меѓу другите, Вардарецот Бобан Николов и новиот специјалист за слободни удари Енис Барди, Македонија може и мора да има подобри фудбалски резултати. Напред момци, одиме на победа против Израел и Албанија.
Кога сезоната во шпанскиот фудбалски шампионат уште не беше почната, Енис Барди веќе нанижа три комада за Леванте. Што направи викендов во Ла Лига? Прашајте го голманот на Ла Коруња. Голчиште за сите пари од новиот специјалист за слободни удари. Едвај чекаме тв пренос со Леванте.
Селекторот Игор Ангеловски сигурно е презадоволен од формата на македонските репрезентативци во очи на квалификациските средби со Израел (2-ри) и Албанија (5-ти) септември. Голови на наши интернационалци фрчеа во Шпанија, Англија, Италија, Турција, Кипар.
Со игрите на подготвителните натпревари за новата сезона, македонскиот репрезентативец, Енис Барди се повеќе го оправдува трансферот во шпанскиот прволигаш Леванте. Нека му ја мислат голманите во Ла Лига кога ќе се мести на слободен.
Еден од главните пулени на Боби Милевски уште на стартот покажа дека ќе биде големо засилување за Леванте во првата шпанска лига која стартува на 20 август. На дебито постигна гол против Ла Нусија, а сега и против Кадиз. Браво дете, причина повеќе да се гледа Ла Лига сезонава.
Тоа што македонските надежи не успеаа да победат на ниту еден меч на дебитанското Европско првенство не го зема никој за грев. Во составот на Милевски кој очекуваме да биде идната А селекција на Македонија, скаутите избраа фудбалер и го сместија во славно друштво.
Убаво беше да се види, да се почувствува и да се одигра на еден ваков елитен фудбалски собир на кој учествувавме за прв во историјата. Македонија за жал не успеа да победи никого во тешката група, но како за прв пат остави одличен впечаток и што е најважно одигра со срце.
По фантастичниот погодок на Никола Ѓорѓев против Србија, фудбалерите на Боби Милевски уште еднаш ги демонстрираа своите голгетерски квалитети од далечина. Овој пат има соло акција и голчиште на Енис Барди во првото полувреме против Португалија.
Ако ја споредиме вредноста на селекциите во нашата квалификациска група за Европското во Полска, изненадување е што македонската е втора најскапа репрезентација. Французите може да не купат со се партали, ама не може да ни го одземат тимскиот дух со кој ги покоривме сите.
Викендот зад нас помина одлично за македонските репрезентативци. Прецизни беа Несторовски кој е прв стрелец во Хрватска, Трајковски во Италија, Агим Ибраими во Словенија, Бабунски во Шпанија.
Македонската фудбалска репрезентација го забележа и седмиот пораз во 8. квалификациско коло за Европското првенство во Франција 2016. Поразот од 0:1 не изгледа воопшто страшно, бидејќи овој пат не игравме против Луксембург.
Македонската фудбалската репрезентација го доживеа и четвртиот пораз во квалификациите за ЕП 2016 година. Како по обичај, водевме 1-0 и на крајот загубивме 1-2. Пачовски го одигра најдобриот натпревар, но не можеше сам.
Македонската фудбалска репрезентација за десет дена го игра петтиот квалификациски дуел за ЕП 2016. Селекторот Бошко Ѓуровски го повика братот на ѕвездата на Челси, Немања Матиќ, Србинот Урош Матиќ кој неодамна доби македонски пасош.
